पिलिपिया 2:7 - पवित्र पोल्‍ले

⁷ दान्क बदुल ओर ओनगा मत्‍ता अदिकाराल्कुन होळ्‍सीतोर. होळसिसि वरोर दासुनलेसीं आसि मनकन रूपमते इद बूमिपोर्रो पुटतोर.

पिलिपिया 2:7 Iomraidhean Croise

मत्‍तयाल 12:18

यसयाना बविस्यवानि इल्‍हा मत्‍ता: “ईर नावा सेवक आंदुर, ईन नना पेर्कुत्‍तन. नना ईन पावरम कींतन ईना बारेमते कूस मंतन. नना नावा पवित्र आत्मा ईना पोर्रो इर्रंतन, ईर नावा न्‍यायमतुन अन्‍नि जातिनोर्क वेहांतोर.

मत्‍तयाल 20:28

बारित्‍ते मनकना रूपमते पुटतोन नना, सेवा कियागोटकुनालय वाया हिल्‍लेन गानि वेरेतोरा सेवा कियालय आनि वेल्‍लेटोर्कुन पापमताल पेचाहलय, ओराहाटीं नावा जीवा हियालय वातन,” इत्‍तोर.

मरकुस 9:12

अस्‍के येसु ओर्क इल्‍हा वेहतोर. “एलियाल तप्‍पाकोंटा मोदाला वांतोर. वासि मोदाला बल्हा मत्‍ता अल्हे अन्‍निन कींतोर. गानि मनकना रूपमते पुटतोन नाकु वेल्‍ले तकलिप बोगांचा पींता, नाकुन हय्सुर इंचि दर्मसास्‍त्रमते बारि रासि मंता?

लूकाल 22:27

असल पेद्‍दा इत्‍ते बोर आंद? बोर अय्ते गाटो तिनालय उद्‍दंतोर ओरा? मरि उद्‍दुतोंकु गाटो वाटांतोर ओरा? गाटो तिनालय उद्‍दुतोरे पेद्‍दोड आंद. गानि नना अय्ते मीवा नड्‍डुम गाटो वाटाना सेवाकुनलेसीं मंतन.”

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

रोम सहरतोरहाटीं पौलुसना सिट्‍टि 1:3

इद बेसता कबुर, मनकना रूपमते पुटसि वाता पेनदा मर्रिना बारेमते मंता. ओर दाविद राजाना वंसंमते पुटतोर.

रोम सहरतोरहाटीं पौलुसना सिट्‍टि 15:3

किरिस्‍तु इद बूमिपोर्रो वातस्के ओनद ओरे कूस कीकुनालय वायाहिल्‍लोर. गानि, “पेनबाबा, नीकुन अपमानम कीतोरा अपमानम नाक आया पीता.” इंचि किरिस्‍तुना बारेमते दर्मसास्‍त्रमते रासि मत्‍ताप जर्गता.

रोम सहरतोरहाटीं पौलुसना सिट्‍टि 15:8

नना वेहानद बतल इत्‍ते, एनकटा यहुदि पेद्‍दाल्कुंक पेन पोल्‍ले हीसि मत्‍ता, अद पोल्‍ले निजम आयाना इंचि, कतना आतोरा लोप्पो किरिस्‍तु सेवक आसि वातोर. इद पोल्‍लेतुन मर्गमटु.

रोम सहरतोरहाटीं पौलुसना सिट्‍टि 8:3

मनकालोरा बुद्‍दि पापमता कय्‍दा हिळु मत्‍ताहेंका मनम मूसाना नियमतुन केंजाकोंटा मत्‍तोम. अदुनहाटीं अद नियम मनाकुन पिसागोटा पराहिल्‍ले, अदुन पेने पिसागोटा परता. अद बल्हा इत्‍ते, पेन दाना मर्रिन इद बूमिते लोहचीता. ओर मनकालोरा पापाल्कुन तेंडसि पोहनाहाटीं, मनकाना मेंदुल्ते मारियतोर. अदे मेंदुल्ते ओर मना पापाल्कुना सिक्‍सातुन ओनपोर्रो एतकुत्‍तोर.

2 कुरेंति 13:4

बारित्‍ते, किरिस्‍तु कमजोर आसि मत्‍तस्के ओन क्रुसुनपोर्रो मोल्‍लां कोह्‍किसि वेलाळ वाटतुर, अयना गानि पेनदा ताकतते ओर मर्रा तेदसि जीवाते मंतोर. मोमोटगुडा ओनालेसींगे कमजोर मंतोम, गानि मोमोट मीवाहाटीं पेनदा ताकतते किरिस्‍तुनतोनि जीवाते मनंतोम.

2 कुरेंति 8:9

मना सामि येसु किरिस्‍तुना कुर्पा बच्‍चोर पेद्‍दादि मीक एरपाटे मंता. ओनगा अन्‍नि मंचिगुडा मीवाहाटीं गरिब आतोर. ओना गरिबतनमताहेंदाल मिमेट दनवंतुल्‍क आयना इंचि ओर अल्हा आतोर.

गलातिया 4:4

गानि बस्के अय्ते पेन निरनायम कीता वेला एवता, अस्‍के दाना मर्रिन ई दुनियाते लोहता. ओर मूसाना नियम परकारम ताकानोरा लोप्पो उंदि मुरतटा पीटे पुटतोर.

पिलिपिया 2:6

ओर अय्ते कुद्‍दु पेने आंदुर, अयना पेनदालेसीं मनना विचारमगुडा किया हिल्‍लोर.

इब्रि 12:2

वितनेंके मना नदर येसुनपोर्रेन इरकोम. मनालोप्‍पो विस्वासमतुन पुट्‍टिचानोर आनि दान पुरागा कियानोर ओरे आंदुर. मुन्‍ने दोर्काना आनंदमहाटीं येसु क्रुसुनपोर्रो जीवा हियालयगुडा तयार आतोर. अगा ओन्क जर्गता अपमानमतुनगुडा लेक्‍का किया हिल्‍लोर. इंदके ओर पेनदा राजगद्‍देता तिना बाजुंक उद्‍दिसि मंतोर.

इब्रि 13:3

पेनदुन विस्वासम कीताहाटीं बोर अय्ते जेलने मंतुरो, ओरा मति कीतस्‍के, मिमेट कुद्‍दु ओरतोनि जेलने मत्‍ताप विचारम कीम्‍टु. अल्‍हेने, बोर अय्ते पेनदुन विस्वासम कीताहाटीं तिप्‍पल्‍क बोगांचेके मंतुरो, ओर्कुन मति कीतस्‍के मिमेट कुद्‍दु ओरतोनि तिप्‍पल्‍क बोगांचेके मत्‍ताप मति कीम्‍टु.

इब्रि 4:15

मना पेद्‍दा पेर्मल येसुंकगुडा मनालेसीं पापम कियाना अन्‍नि परिक्‍सां वातां, गानि ओर बस्‍केने पापमते अर्रा हिल्‍लोर. अदुनहाटीं ओर मना कमजोरिन, दुक्‍काल्कुन तेल्‍पिचकुंतोर.