पिलिपिया 2:5 - पवित्र पोल्‍ले

⁵ येसु किरिस्‍तुना गुनम मत्‍तापे मीवा गुनमगुडा मनना.

पिलिपिया 2:5 Iomraidhean Croise

मत्‍तयाल 11:29

ना कांडी मिमेट तेहाकुंचि नावातोनि करियट, नना बेस आनि सादा-सिंपल मंतन. इंका नावा कांडी सवरगा मंता नावा बर्वु अल्कगा मंता. इंचि मी आत्माकु सांति दोर्कंता.”

लूकाल 22:27

असल पेद्‍दा इत्‍ते बोर आंद? बोर अय्ते गाटो तिनालय उद्‍दंतोर ओरा? मरि उद्‍दुतोंकु गाटो वाटांतोर ओरा? गाटो तिनालय उद्‍दुतोरे पेद्‍दोड आंद. गानि नना अय्ते मीवा नड्‍डुम गाटो वाटाना सेवाकुनलेसीं मंतन.”

प्रेरितुल्‍कुना कबाह्‍क 10:38

नासरेत नाटेना येसुन पेन पवित्र आत्मातोनि अबिसेकम कीसि अद्‍बूतामाता ताकत हीता. पेन ओनतोनि मत्‍ताहेंका, ओर अंटोराहाटीं बेसता कबाह्‍क कियुंदुर, देय्याल्कुना मुक्‍याना कय्‍दा हिळु मत्‍तोर्कुन बेस कीसेके तिरियुंदुर, इद मीकु एरके.

प्रेरितुल्‍कुना कबाह्‍क 20:35

वेल्‍लेन कस्‍टम कीसेके नादान मत्‍तोर्कुंक मनम बल्हा सहायम कियगोम इत्‍ता संगतितुन नना मीकु नावा हरेक कबळताल कीसि हुपिस्तन. “एतकुनुळकन्‍ना हियमळतेन एक्‍को सुकम मंता,” इंचि कुद्‍दु येसु सामि इत्‍ता पोल्‍लेतुन मतिते इरमळ बच्‍चोनो अवसरम मंता, इंचि इत्‍तोर.

रोम सहरतोरहाटीं पौलुसना सिट्‍टि 14:15

निमे तिनानवुन हूळसि, पूना विस्वासुल्कुना मनसु नाराज आसि पेनदुन होळसीते, नीवा लोप्पो पेनदा पावरम हिल्‍ले इत्‍तापे. असल ओराहाटींगुडा किरिस्‍तु हातोर, गानि निमे नी गाटोताहेंदाल ओर्कुन नासडेम कियमा.

रोम सहरतोरहाटीं पौलुसना सिट्‍टि 15:3

किरिस्‍तु इद बूमिपोर्रो वातस्के ओनद ओरे कूस कीकुनालय वायाहिल्‍लोर. गानि, “पेनबाबा, नीकुन अपमानम कीतोरा अपमानम नाक आया पीता.” इंचि किरिस्‍तुना बारेमते दर्मसास्‍त्रमते रासि मत्‍ताप जर्गता.

रोम सहरतोरहाटीं पौलुसना सिट्‍टि 15:5

अदुनहाटीं मिमेट येसु किरिस्‍तुना विचारम मत्‍ताप, अंटोर कूळसि मंदालय पेन मीकु दैरनेम, ओप्के हियिकांटीं.

1 कुरेंति 10:33

ननागुडा ओर पिसागोम इंचि, नावा पाय्दा हूळाका, वेल्‍लेटुर लोकुल्‍कुना पाय्दाताहाटीं, अन्‍नि पोल्‍लेने अंटोर्कुन कूस इरंतन. बारित्‍ते ओर्क मुक्‍ति दोर्कगोम.

इपीसि 5:2

किरिस्‍तु मनाकुन पावरम कीसि मनाहाटीं पेनदा मुन्‍ने मोक्‍कु आसि, पेनदुक नच्‍चना गुगलेमलेसीं ओनद ओर बलि आतोर. अदे पावरमते मिमेटगुडा ताकट.

पिलिपिया 1:1

पिलिपिया सहरते येसु किरिस्‍तुना लोप्पो मनना पेनदा अंटोर पवित्र लोकुल्‍कुंक, पेद्‍दाल्कुंक आनि अदिकारिल्कुनाहाटीं नना पौलुस, नावा दंटातोर तिमोति, मोमोट येसु किरिस्‍तुना सेवाकुल्‍कुम इद सिट्‍टि रासेक मंतोम.

1 पत्रु 2:21

इदुनहाटींगे मीकुन पेन केयता आनि किरिस्‍तु मीवाहाटीं तकलिप अरतोर, मिमेट इंका ओना अळगुने अळगु वाटसि ओना पज्जो तकलिप अर्सि ताकना इंचि उंदि उदाहरनलेसीं पेन मीकुन निलाहता.

1 पत्रु 4:1

बल्हा अय्ते किरिस्‍तु मेंदुल्ते मत्‍तस्के तकलिप बोगांचतोर, मिमेटगुडा ओनसोंटा मनसु इर्सि दान मीवा विस्रेलेसीं वाळकुंटु. बारित्‍ते, बोर अय्ते तकलिप बोगांचंतोर, ओर पापमतुन होळसींतोर.

1 योहान 2:6

बोर अय्ते, “नना पेनतोनि कलियसि पिस्सेक मंतन,” इंचि वेहंतोरो, ओर कुद्‍दु किरिस्‍तु पिसतसोंटा पिस्वर पिसागोम.