पिलिपिया 1:9 - पवित्र पोल्‍ले

⁹ मीवा पावरम बेस बेरस्सेक मनना, पेनदाहेंदाल मीकु बुद्‍दि, मंचि-सेड्‍डातुन एरपाट कियना तेल्वि बेरसना इंचि नना बस्‍केळ्‍क पेनदुक पारतना कीसेक मनंतन.

पिलिपिया 1:9 Iomraidhean Croise

1 कुरेंति 14:20

विस्वासुल्‍कुनिटा! मिमेट तेल्‍विते सिन्‍ना-पिलाल्कुनालेसीं मनमट, गानि पेद्‍दा मनकालोर्कुनालेसीं मंटु. कराब पोल्‍लेने सिन्‍ना-पिलाल्‍कुनलेसीं तेळियवाप मंटु. विचारम कियमळते पेद्‍दोरालेसीं मंटु.

2 कुरेंति 8:7

मिमेट विस्वासमते, पोल्‍लेने, तेल्‍विते, अन्‍नि तीरुकुने कोसिस कियमळते आनि मावा पोर्रो मिमेट कियाना पावरमते बेर्सेक मंतिट. अल्‍हेने दानम कियाना कबळतेगुडा बेर्सेक होंदना.

इपीसि 5:17

अदुनहाटीं सामिना इच्‍चा बतल मंतानो, बेस एरपाट कीसि ताकट, बुद्‍दि हिल्‍वोरलेसीं मनमट.

कुलुसि 1:9

अदुनहाटीं मोमोट अव पोल्‍लें केंजतस्‍केटाल, मिमेट पूरा आत्माता तेल्‍विते, बुद्‍दिते दाना इच्‍चा मत्‍ताप निंडागोम इंचि बस्‍केळ्‍क पारतना कीसेके मंतोम.

कुलुसि 3:10

इंदके पूना पिस्वर पिसमळ सुरुव कीतिर, मनाकुन पुटिस्ता पेनदा गुनम मत्‍ताप, मिमेट तेल्वि दोर्किच्‍कुनालय पूनगा तयार आसेक मंतिट.

1 तेसलोनि 3:12

मोमोट मीकुन पावरम कीताप, मिमेटगुडा मीलोप्‍पो वरोंक-वरोर पावरम कियालय, अंटोर लोकुल्‍कुनतोनि पावरम बेर्सालय सामि मीक सहायम कियिरकांटी.

1 तेसलोनि 4:1

विस्वासुल्‍कुनिटा! बल्हा पिसते पेनदुन कूस ईरा परांतोम इंचि मिमेट मावाहेंदाल करियतिर, अल्‍हेने मिमेट पिस्सेकगुडा मंतिट, इंकागुडा मुन्‍ने अल्‍हेने पिस्सेक होंट इंचि विनंति कीसेके मंतोम आनि येसु सामिना लोप्पो तेल्‍पिच्‍चि वेहासेक मंतोम.

2 तेसलोनि 1:3

विस्वासुल्‍कुनिटा! मीवा विस्वासम वेल्‍ले बेरस्सेक मंता, मिमेट वरोन-वरोर कीकुनना पावरम वेल्‍ले बेरस्सेक मंता. अदुनहाटीं मोमोट बस्‍केळ्‍क मीवा बारेमते पेनदुक दन्यवाद कियमळ गावाले. इदे बरोबर मंता.

पिलेमोन 1:6

येसु किरिस्‍तुना अन्‍नि बेसता पोल्‍लेना तेल्वि, नीकु दोर्कताहाटीं वेरेतोरगुडा नी विस्वासमते पोत्‍तु आयागोम इंचि नना पारतना कीसेक मंतन.

इब्रि 5:14

गानि बोर अय्ते तेल्वि बेर्सि, मंचि-सेड्‍डातुन एरपाट कीसि अल्हा ताकतुरो, ओरे गाटो तिनानोरालेसीं आतुर.

1 पत्रु 1:22

मिमेट सत्‍तेमता हर्रि ताकसि मीवा आत्मातुन पवित्र कीकुत्‍तिर. अदुनहाटीं मिमेट वरोंक-वरोर पावरम कीसेके मंतिट. अल्‍हेने इंदके मीलेसीं विस्वासुल्‍क आतोर्कुन मिमेट पूरा मनसुनाल पावरम कीम्‍टु.

2 पत्रु 3:18

मना सामि मुक्‍ति हियना येसु किरिस्‍तुना कुर्पाते, तेल्‍विते मिमेट बेर्स्‍सेके होंटु. इंदके बस्‍केळ्‍क ओन्‍के पेद्‍दातनम दोर्किकांटी, आमीन.