पिलिपिया 1:6 - पवित्र पोल्‍ले

⁶ मीवा नड्‍डुम इच्‍चोन बेसता कबळतुन पेने सुरुव कीता. इद कबळ पुरागा आयनदाका, इत्‍ते येसु किरिस्‍तु मर्रा तिरियसि वायना रोजुनदाका पेने इद कबाटुन ताकिच्‍चेक इर्रंता इंचि नाकु पुरागा बरोसा मंता.

पिलिपिया 1:6 Iomraidhean Croise

योहान 6:29

पूसकीतस्‍के, “पेन बोन अय्ते लोहतनो, ओनपोर्रो मिमेट विस्वासम इर्रट,” इंचि येसु जवाब हीतोर.

प्रेरितुल्‍कुना कबाह्‍क 11:18

ई पोल्‍लें केंजसि ओर अंटोर सपुडदाका आतुर. पेन वेरे जातितोर्कगुडा पिस्वर दोर्किच्‍कुननाहाटीं मनसु मार्सकुनना वरम हीता, इंचि पेनदा स्‍तुति कीतुर.

प्रेरितुल्‍कुना कबाह्‍क 16:14

अवुन लोप्पो उंदि लिदिया पोरोलता मुरतळ मत्‍ता. अद तुयतीरा सहरतद आंद. दान्क पेनदापोर्रो वेल्‍लेन विस्वासम मत्‍ता. अद वेल्‍लेन दराता नेडि पंडि रंगुना कपडिं अम्मुंदु. अद बेस मनसु दोस्‍सि मावा पोल्‍लें केंजसेके मत्‍ता. पौलुस वेहना पोल्‍लेन बेस केंजालय सामि दाना मनसुन तयार कीतोर.

1 कुरेंति 1:8

सामि येसु किरिस्‍तु मर्रा वायाना रोजुने मिमेट दोसेम हिलाकोंटा मंदना इंचि पेन मीकुन आकिरदाका गट्‍टिगा इर्रंता.

2 कुरेंति 1:15

इद बरोसाता हेंदाले नना मोदाला मिहगा आगिसि, मिहागटाल मेसिडोनिया दांतन. मर्रा मेसिडोनियाताल मल्सि वायानेंकेगुडा मीकु रोंडु पाय्‍दां आयगोम इंचि मिहगा आगंतन. पजा अगटाल मिमेट नाकुन यहुदिया एरियाताहाटीं सार्ला किया परांतिर इंचि इनकुंचेके मंतन.

2 कुरेंति 2:3

नना अगा वातस्के नाक बोराहेंदाल अय्ते कुसि आयाना मंता, ओरा अंटोराहेंदाल नाक दुक्‍कम आयामन्‍नि इंचि नना मुन्‍ने अद सिट्‍टि रासि लोहतन. नाक मी बारेमते विस्वासम मंता, नावा कुसि मीवा अंटोरदगुडा कुसि आंदु.

2 कुरेंति 7:16

अन्‍नि पोल्‍लेने मीपोर्रो नाक बरोसा मंता, इद नावाहाटीं कुसिता पोल्‍ले आंद.

2 कुरेंति 9:4

मिमेट अल्हा तयार कीसि इर्राकोंटे, मेसिडोनियातोर बोरन्‍ना नावातोनि वासि तयार हिल्‍वद हूळते, मीवापोर्रो बरोसा कीताहाटीं मावा सिग्गु होनना वेला वायार. मीवदगुडा सिग्गु दांता इनमळ अव्‍सरम हिल्‍ले.

गलातिया 5:10

नना कराहता निजम पोल्‍लें मत्‍ताप मिमेट ताकंतिर इंचि नाकु सामिनाहेंदाल पूरा बरोसा मंता. मीवा विस्वासमतुन तप्‍सानोर बोरन्‍ना आयिर ओर्क तप्‍पाकोंटा सिक्‍सा दोर्कंता.

पिलिपिया 1:10

दीनहेंदाल मिमेट मंचि-सेड्‍डातुन एरपाट कीसि बेस पिस्वर पिसकिट. अस्‍के किरिस्‍तु वातस्के मिमेट अंटोरगुडा ओना मुन्‍ने नीतिमंतुल्क आनि दोसेम हिलवोर आसि निलकिट.

पिलिपिया 1:29

सिराप किरिस्‍तुन विस्वासम कियालये आयो गानि ओनाहाटीं तिप्‍पल्‍क अर्रालयगुडा पेन किरिस्‍तुनहेंदाल मीकु आसिर्वाद हीता.

पिलिपिया 2:12

अदुनहाटीं नावा पावरमगल्‍ला विस्वासुल्‍कुनिटा! नना मीकु वेहनद बतल इत्‍ते, नना मीवातोनि मत्‍तस्के बस्‍केळ्‍क मिमेट नना वेहतापे ताकतिट. इंदके नना मीवातोनि हिलाकोन्‍ना गानि अस्केटदानकन्‍ना एक्‍को जेगर्ताते सामिना आदेसकुन पीसि ताकट. पेनदा इच्‍चा परकारम बतलन्‍ना कीकुनगोम इंचि मीवा मनसुने वाता इत्‍ते, अद इच्‍चा पेने मीवा मनसुने वाटता. अदुन पूरा कियालय गावाले मत्‍ता ताकतगुडा मीकु पेने हींता. इंचि पेनदुन बेस कदर कीसेके, वेर्रे कोद्‍दिगा पेन हीता मुक्‍ति परकारम मत्‍ता कबाह्‍क कीसेके पिस्‍सट.

पिलिपिया 2:16

पिस्वर हियना पेनदा पोल्‍लेतुन गट्‍टिगा पीसि ताकट. इदुना हेंदाल किरिस्‍तु वायाना रोजुने, मीवाहाटीं नना कीता कस्‍टम, वितलाटा एर्तम आयाहिल्‍ले इंचि कुसिते वेहंतन.

कुलुसि 2:12

अचोने आयाका, मिमेट बापतिस्मा एतताहेंका किरिस्‍तुनतोनि बोंदा दोस्‍ताप आतिट. हातोरव्टेटाल ओन जीवाते तेहाता पेनदा सक्‍ति पोर्रो मिमेट विस्वासम इरताहाटीं ओनतोनि जीवातेगुडा तेदतिट.

1 तेसलोनि 1:3

मिमेट विस्वासमते कियाना कबाटुन, पावरमते कियाना मीवा कस्‍टमतुन अल्‍हेने सामि येसु किरिस्‍तुनापोर्रोटा आसेते ओप्के पीसि मत्‍तादुन मोमोट मना पेनबाबाना मुन्‍ने बस्‍केळ्‍क मति कीसेके मंतोम.

2 तेसलोनि 1:11

इदुनहाटीं, मना पेन मीकुन बताहाटीं अय्ते केयता अदुनलायक मिमेट मनालय, अन्‍नि बेसता कबाह्‍क पूरा कियालय आनि विस्वासमतव पूरा कबाह्‍क पेनदा ताकततोनि पूरा आयालय मोमोट मीवाहाटीं बस्‍केळ्‍क पारतना कीसेके मंतोम.

2 तेसलोनि 3:4

मोमोट आदेस हीताप मिमेट ताकसेके मंतिट. मुन्‍नेगुडा अल्हे ताकंतिर इंचि सामिन लोप्पो माक मीवा बारेमते बरोसा मंता.

पिलेमोन 1:21

नना वेहतद निमे केंजंतिन इत्‍ता बरोसाते इद सिट्‍टि रासेक मंतन. अचोने आय्‍का नना वेहतादानकन्‍ना निमे एक्‍को कींतिन इंचि नाक एर्के.

इब्रि 10:35

पेनदापोर्रोटा मीवा विस्वासमतुन पीसि, मीकु वेल्‍लेन पेद्‍दा इनाम मंता. अदुनहाटीं बतल आयिनागानि मिमेट विस्वासमताल पजोळ्क होनमट.

इब्रि 12:2

वितनेंके मना नदर येसुनपोर्रेन इरकोम. मनालोप्‍पो विस्वासमतुन पुट्‍टिचानोर आनि दान पुरागा कियानोर ओरे आंदुर. मुन्‍ने दोर्काना आनंदमहाटीं येसु क्रुसुनपोर्रो जीवा हियालयगुडा तयार आतोर. अगा ओन्क जर्गता अपमानमतुनगुडा लेक्‍का किया हिल्‍लोर. इंदके ओर पेनदा राजगद्‍देता तिना बाजुंक उद्‍दिसि मंतोर.

1 पत्रु 5:10

अन्‍नि तीरकुना कुर्पा कियाना पेन मीकुन किरिस्‍तुना लोप्पो दाना बस्‍केळ्‍क मनना पेद्‍दातनमहाटीं केयता. मिमेट कोन्‍नि रोजकु तकलिपकु बोगांचतंका अदे पेन मीकुन दानलायक कींता, मीकु बलम हीसि निलाहंता.

2 पत्रु 3:10

गानि सामि मल्सि वायाना रोजु दोंगानलेसीं वांता. अस्‍के मब्बु पेद्‍दा आवाजतोनि दिसाकोंटा आंता. मब्बुने मनानव अन्‍नि तळमिते कर्गिस दांतां आनि बूमि, बूमिपोर्रो मत्‍तव अन्‍नि वेसि दांतां.