पिलिपिया 1:26 - पवित्र पोल्‍ले

²⁶ इल्‍हा नना बस्के अय्ते मर्रा मिहगा वांतनो, अस्‍के सामि नावाहेंदाल बतल-बतल अय्ते कीतोर अवुन केंजसि मिमेट येसु किरिस्‍तुन वेल्‍ले कदर हीकिट.

पिलिपिया 1:26 Iomraidhean Croise

योहान 16:22

इदगुडा अल्हेन! इंदके दुक्‍कम वांता, गानि नना मीकु मर्रा कलियंतन अस्‍के, मिमेट वेल्‍लेन कूस आकिर. अद कुसितुन मिहागटाल बोरे तेंडकुना परुर.

योहान 16:24

इदवेरदाका मिमेट ना पोरोल्ते बतले तल्का हिल्‍लिर. तल्‍कट मीकु दोर्कार, अस्‍के मीवा कुसि पूरा आयार.”

2 कुरेंति 5:12

मोमोट बेसतोर्कुम इंचि मर्रा मी मुन्‍ने वेहकुंचेके हिल्‍लोम, गानि इच्‍चुर लोकुल्‍क मनसुने मत्‍ता पोल्‍लें आयाका पलाताल दिस्‍साना पोल्‍लेना बारेमते पेद्‍दिरकेम कींतुर, ओराहाटीं मावा बारेमते वेहालय मीक जवाब गावाले इंचि वेहासेक मंतोम.

2 कुरेंति 7:14

नना ओनतोनि मीवा बारेमते पेद्‍दिरकेम वेहकुत्‍तन. मोमोट मीक वेहतव अन्‍नि पोल्‍लें निजमे आंदुं. अदुनहाटीं तीतुना मुन्‍ने नावा पेद्‍दिरकेम निजम कीसि हुपिस्‍तिर, नाकुन सिग्गु होननाल किया हिल्‍लिर.

2 कुरेंति 7:4

नना मीवातोनि बतले मक्‍किचाकोंटा वेहासेक मंतन, नाक मीपोर्रो एक्‍को पेद्‍दिरकेम मंता. नना सांतिते निंडतन. मावा अन्‍नि तकलिपकुनेगुडा नना वेल्‍ले कुसिते मंतन.

2 कुरेंति 7:6

अयना गानि कमजोर मत्‍तोर्कुंक दैरनेम हिय्याना पेन तीतुन महगा लोहचि माक दैरनेम हीता.

गलातिया 6:4

हरेक मनकल ओना सतता कबाह्‍कुन कुद्‍दु परिक्‍सा कीसि हूळना, वेरेतोना कबाह्‍क बल्हा मंता इंचि हूळना आयो. अस्‍के ओना कबाह्‍क बेस मत्‍ते ओर सतता कबाह्‍कुन हूळसि कूस आयावच्‍चु.

पिलिपिया 3:1

विस्वासुल्‍कुनिटा! आकिरते नना इंकुंदि मल्का वेहांतन, पेनदापोर्रोटा मीवा विस्वासमते मिमेट कूस मंटु. रासता पोल्‍लेंगें ऊके-ऊके रासालय नाक बतल तकलिप आयो. बारित्‍ते इव पोल्‍लें मीकुन तप्‍पुड बोदानाल कापाळंतां.

पिलिपिया 3:3

गानि मनकालोरा कबाह्कुनपोर्रो बरोसा इरताहेंका मनाकु मुक्‍ति दोर्कता इंचि आयो. येसु सामि मनाकुन पिसागोटतोर इंचि ओन्क मनम बस्‍केळ्‍क कदर हींतोम. अदुनहाटीं पेनदा आत्मा वेहताप दान मोळ्‍कानोरम मनमे निजम कतना आतोरम आंद, ओर आयुर.

पिलिपिया 4:10

मिमेट मर्रा उंदि मल्का नावा बारेमते विचारम कीसि नाक सहायम कीतिर. अदुनहाटीं नना सामिना लोप्पो वेल्‍लेन कूस मंतन. इल्‍हा सहायम कियना इंचि मिमेट मुन्‍नेन विचारम कीसि मत्‍तिर, गानि मीकु मोका दोर्काहिल्‍ले.

पिलिपिया 4:4

मिमेट सामिना लोप्पो बस्‍केळ्‍क कुसिते मंटु, नना मर्रा इदे पोल्‍ले वेहासेक मंतन मिमेट बेस कुसिते मंटु.