पिलिपिया 1:21 - पवित्र पोल्‍ले

²¹ बारित्‍ते नना पिस्‍संतन इत्‍ते किरिस्‍तुनाहाटींगे. नना हायिनागानि किरिस्‍तुनगेन दांतन इंचि हामुरगुडा नावा पायदातदे आंद.

पिलिपिया 1:21 Iomraidhean Croise

1 कुरेंति 1:30

पेनदाहेंदाले येसु किरिस्‍तुनलोप्‍पो मीवा पिस्वर मंता, किरिस्‍तुनाहेंदाल मनाकु तेल्वि, नीति, पवित्र आतोम आनि पापमता सिक्‍साताल पिसतोम.

1 कुरेंति 3:22

पौलुस आयिर, अप्‍पुलोस आयिर, केपाल आयिर, दुनिया आयि, पिस्वर आयि, हामुर आयि, ताकाना कालमता पोल्‍लें आयि, वायाना कालमता पोल्‍लें आयि, अन्‍नि मीवंगे आंदुं.

2 कुरेंति 5:1

बूमिपोर्रो मंदना लोतालेसीं मावा मेंदुल मंता. अद लोन नासडेम आतस्के माकु मनालय स्वर्गमते लोन मंता, अद बस्‍केळ्‍क मंदना लोन मनकल तयार कीतद आयो, गानि पेने कीता इंचि माकु एरपाटे मंता.

2 कुरेंति 5:6

अदुनहाटीं बस्‍केळ्‍क दैरनेमते मनंतोम. मोमोट मेंदुल्ते मत्‍तच्‍चोरजेम सामिनगटाल लक्‍कु मंतोम इंचि माकु एरपाटे मंता.

2 कुरेंति 5:8

मोमोट दैरनेमते मनंतोम, मेंदुल्तुन होळसिसि सामिनतोनि मनमळे बेस इनकुंतोम.

गलातिया 2:20

नाकुन किरिस्‍तुनतोनि क्रुसुनपोर्रो वेलाड वाटमळ जर्गता इत्‍ते, इंदके नावा पळाना पिस्वर हासोत्‍ता. गानि नावा लोप्पो किरिस्‍तु जीवाते मंतोर. इंदके नावा ई मेंदुलते मनना जीवा, नाकुन बच्‍चोनो पावरम कीसि नावाहाटीं ओना जीवातुन हीता पेनदा मर्रिनपोर्रो नना विस्वासम कीताहेंका दोर्कतद आंद.

गलातिया 6:14

गानि नना अय्ते, मना सामि येसु किरिस्‍तु क्रुसुनपोर्रो हातोर इंचि विस्वासम कींतन, दीन पोर्रेने नाकु पूरा विस्वासम मंता. आ क्रुसुनहाटींगे दुनियाता पोल्‍लें नाक कलियों, नावा पोल्‍लें ओर्क कलियों.

पिलिपिया 1:20

नाकु बसोंटा परिस्तिति वायिना सिग्गु अर्रोन, नना इदवेरादाका दैरनेमते किरिस्‍तुना सेवा कीतन, अल्‍हेने इंदकेगुडा कीसेक मंतन. नना हायिना-पिस्सिना नावा पिस्वरताहेंदाल किरिस्‍तुना पोरोल्तुन अंटोर कदर कियगोम इंचि नना वेल्‍लेन आसेते एदुर हूळसेक मंतन.

पिलिपिया 1:22

इव रोंडुन नड्‍डुम नना इरगा अचाह्ताप आतन. नना पिस्सि मत्‍ते पेनदाहेंदाल इनाम दोर्कनलायक बेस कबळ किया परंतन. इल्‍हा नना हामुरतुन पेरकाना मरि पिस्वरतुन पेरकाना नाकु बतले तेळियसेक हिल्‍ले. नाक अय्ते इद मेंदुलतुन होळसि किरिस्‍तुनगेन होंचि मंदकन बारे अनपिच्‍चंता. बारित्‍ते इदे बच्‍चोनो बेस.

पिलिपिया 2:21

अंटोर ओर-ओरा कबाह्‍कुने मुळ्‍गिसि मंतुर, येसु किरिस्‍तुना बारेमते विचारम कियानोर बोरे हिल्‍लुर.

कुलुसि 3:4

मनाकु पिस्वर हीता किरिस्‍तु बस्के अय्ते मर्रा दिस्‍सानुर, अस्‍के मिमेटगुडा ओनतोनि ओना महिमाते दिस्‍किर.

पेन हुपिस्‍ता पोल्‍लें 14:13

अस्‍के स्वर्गमताल उंदि आवाज, “इल्‍हा रासा, बोर अय्ते सामिन विस्वासम कीसि हातुर, ओर इंदके नसिबतोर आंदुर,” इंचि नाक केंजावाता. “हो! निजमे, ओरा कस्‍टमताल ओर्क आराम दोर्कंता. ओर कीता कबाह्‍क ओरतोने दांतां,” इंचि आत्मा इत्‍तद केंजावाता.