पिलिपिया 1:20 - पवित्र पोल्‍ले

²⁰ नाकु बसोंटा परिस्तिति वायिना सिग्गु अर्रोन, नना इदवेरादाका दैरनेमते किरिस्‍तुना सेवा कीतन, अल्‍हेने इंदकेगुडा कीसेक मंतन. नना हायिना-पिस्सिना नावा पिस्वरताहेंदाल किरिस्‍तुना पोरोल्तुन अंटोर कदर कियगोम इंचि नना वेल्‍लेन आसेते एदुर हूळसेक मंतन.

पिलिपिया 1:20 Iomraidhean Croise

योहान 21:19

पत्रु बसोंटा हामुर हासि, पेनदुक महिमा हियनुरो, इदुन ओन्क हुप्‍सालय येसु अल्हा वळ्कतोर. अल्हा वळकता पजा, “नावा पज्जो ताका,” इंचि ओन्क वेहतोर.

प्रेरितुल्‍कुना कबाह्‍क 20:24

नाकु नावा जीवाता पिकिर हिल्‍ले. नना अय्ते सिराप येसु सामिनहेंदाल नाकु दोर्कुता आ पंदेमतुन, सेवातुन पूरा कींतन. अद बतल इत्‍ते, पेनदा कुर्पाता बारेमते बेसता पोल्‍लेना गवाइ वेहामळ आंद.”

प्रेरितुल्‍कुना कबाह्‍क 21:13

अस्‍के, “इल्‍हा अळसि-अळसि नावा मनसुन कमजोर बारि कीसंतिर? नना येरुसलेम सहरते सिराप दोहांतुर इंचि आयो गानि, येसु सामिना पोरोलहाटीं हायालयगुडा तयार मंतन,” इंचि पौलुस इत्‍तोर.

प्रेरितुल्‍कुना कबाह्‍क 4:31

पारतना कीतारित्‍ते, ओर जमा आसि मत्‍ता जेगा मेदुलता, ओर अंटोर पवित्र आत्माते निंडिसोंचि पेनदा पोल्‍ले वेरियाकोंटा वेहालय दल्‍गुतुर.

रोम सहरतोरहाटीं पौलुसना सिट्‍टि 12:1

अय्ते विस्वासुल्‍कुनिटा! पेन मनापोर्रो कीता दयातुन मति कीसि, नना मीकुन बतिमलाडसि विनंति कियानद बतल इत्‍ते, मिमेट मीवा पिस्वरतुन पवित्र इरसि, पेनदुक नच्‍चनसोंटा मोक्‍कु हीताप मी पिस्वरतुन जीवाते मननेंकेन अप्‍पजेप्‍पट. इल्‍हा कीतेन मिमेट पेनदा निजम सेवा कीसि तलस्कुत्‍ताप आंता.

रोम सहरतोरहाटीं पौलुसना सिट्‍टि 5:5

इद आसे मनाकुन नाराज किय्‍यो, बारित्‍ते पेन दाना पवित्र आत्मातुन मना पिस्वरते हीसि, अद मनाकुन वेल्‍लेन पावरम कींता इंचि हुपिस्‍ता.

रोम सहरतोरहाटीं पौलुसना सिट्‍टि 6:13

मीवा मेंदुलतुन सेड्‍डा कबाह्‍क कियालय पापमता कय्‍दुक हियमट. अल्हा कियाकोंटा, “मनम हामुरताल जीवाते तेदतोरम,” इद पोल्‍लेतुन मति कीसि, मीपोर्रो पेनदुक अदिकारम हीम्टु आनि मीवा मेंदुलतुन नीति कबाह्‍क कियनाहाटीं पेनदुक अप्‍पजेप्‍पट.

रोम सहरतोरहाटीं पौलुसना सिट्‍टि 6:19

इव पोल्‍लेन अर्तम कीकुनना ताकत मीकु हिल्‍ले इंचि नना उंदि उदाहरन हीसि मीकु वेहासेके. दीनकन्‍ना मुन्‍ने मिमेट मीवा मेंदुलतुन रोता कबाह्‍क, तप्‍पुड कबाह्‍क कियालय अप्‍पजेपसि मत्‍तिर. दानहेंदाल वेल्‍लेन पापम आता. अल्‍हेने इंदके मिमेट मीवा मेंदुलतुन सत्‍तेमता कबाह्‍क कियालय अप्‍पजेप्‍पट, अस्‍के मिमेट पेनदा पवित्र लोकुल्‍क आकिट.

रोम सहरतोरहाटीं पौलुसना सिट्‍टि 8:19

पेन दाना मर्क-मियाह्कुंक हीता कदरतुन बस्के हुप्‍सार इंचि अद पुट्‍टिस्‍तव अन्‍निटवे वेल्‍लेन आसेते एदुर हूळसेक मंतां.

रोम सहरतोरहाटीं पौलुसना सिट्‍टि 9:33

इदुना बारेमते दर्मसास्‍त्रमतेगुडा इल्‍हा रासि मंता: “हुळाट, सियोनते नना उंदि बंडातुन इरसंतन, अद बंडा इच्‍चुर्क दल्‍गंता, इंकिच्‍चुर बारे दान्क दल्‍गिसि हिळु अर्रंतुर. बोर अय्ते दानपोर्रो विस्वासम इर्रंतुरो, ओरद बस्‍केने सिन्‍नातनम आयो.” इंचि रासि मंता.

1 कुरेंति 15:31

विस्वासुल्‍कुनिटा! मिमेट मना सामि येसु किरिस्‍तुना लोप्पो विस्वासमते गट्‍टिगा मत्‍ताहाटीं, नना मीवा बारेमते पेद्‍दिरकेम वेहकुंचेके मंतन. अदुनहाटींगे नावा हामुरतुन रोज हूळसेक मंतन.

1 कुरेंति 6:20

बारित्‍ते पेन मीकुन दरा दोस्‍सि अस्‍कुत्‍ता, अदुनहाटीं मिमेट मीवा मेंदुलताहेंदाल दाना महिमा कीम्‍टु.

1 कुरेंति 7:34

अदुनहाटीं ओरा मनसु रोंडु तीरुकुने कबळ कींता. अल्‍हेने मरमिं आयवा मुरतळ पेनदुन बल्हा कूस कियाना इंचि मेंदुल्ते आनि आत्माते पवित्र मंचि पेनदा पोल्‍लेना पिकरते मनंता. गानि मरमिं आता मुरतळ मुय्दोन बल्हा कूस इर्राना इंचि दुनियाता पिकरते मनंता.

2 कुरेंति 10:8

मीकुन नासडेम कियालय आयो गानि, मीकुन बेर्सागोटालय सामि माक अदिकारम हीतोर इंचि नना इंकागुडा पेद्‍दिरकेम वेहकुनिना नाक सिग्गु हिल्‍ले.

2 कुरेंति 3:12

अदुनहाटीं इदे आसेता हेंदाल मनम बच्‍चोरो दैरनेमते वळ्‍कंतोम.

2 कुरेंति 4:10

येसुना पिस्वर मावा मेंदुल्ते दिस्‍सागोम इंचि येसुना हामुटुन बस्‍केळ्‍क मा मेंदुल्ते पीसि तिरियंतोम.

2 कुरेंति 5:15

अद बल्हा इत्‍ते, इंदकेटाल पूना पिस्वर पिसानोर ओर सतताहाटीं आयो गानि ओराहाटीं बोर अय्ते हासि जीवाते तेदतोर ओनाहाटीं पिसागोम, अदुनहाटींगे ओर अंटोराहाटीं हातोर.

2 कुरेंति 7:14

नना ओनतोनि मीवा बारेमते पेद्‍दिरकेम वेहकुत्‍तन. मोमोट मीक वेहतव अन्‍नि पोल्‍लें निजमे आंदुं. अदुनहाटीं तीतुना मुन्‍ने नावा पेद्‍दिरकेम निजम कीसि हुपिस्‍तिर, नाकुन सिग्गु होननाल किया हिल्‍लिर.

2 कुरेंति 7:4

नना मीवातोनि बतले मक्‍किचाकोंटा वेहासेक मंतन, नाक मीपोर्रो एक्‍को पेद्‍दिरकेम मंता. नना सांतिते निंडतन. मावा अन्‍नि तकलिपकुनेगुडा नना वेल्‍ले कुसिते मंतन.

पिलिपिया 1:14

इचोने आयका, नना जेलने मत्‍ताहेंका सामिनाहाटीं वेल्‍लेन मंदि विस्वासुल्कुंक दैरनेम दोर्कता. ओर बोर्के वेरियाकोंटा वेल्‍लेन दैरनेमते किरिस्‍तुना बारेमता पोल्‍लेतुन वेहालय तयार आतुर.

पिलिपिया 2:17

पेनदा सेवा कियनाहाटीं मिमेट उंदि मोक्‍कुनलेह्का आसि वेल्‍लेन तिप्‍पल्‍क अरसंतिर. इदंता मीकु पेनदापोर्रो वेल्‍लेन विस्वासम मत्‍ताहेंका आसंता. अदुनहाटीं इसोंटा मीवा मोक्‍कुनतोनि नावा जीवा हीसि नेत्‍तुर वारागिच्‍चालयगुडा नना पजोळ्क होन्‍नोन, गानि वेल्‍लेन कूस मनंतन.

कुलुसि 1:24

किरिस्‍तुना मेंदुलतसोंटा कलिसियाताहाटीं बवय्ते बादां तक्‍को मत्‍तां. अव बादन नावा मेंदुलताहेंदाल पूरा कीसेके मंतन, अदुनहाटीं इंदके मीवाहाटीं बवय्ते नावा दुक्‍काल्क मंतां अवुने नना आनंदमते मंतन.

1 तेसलोनि 5:23

सांति हियना पेने कुद मीकुन पुरागा पवित्र किय्‍यिकांटी, मावा येसु किरिस्‍तु सामि मर्रा वायानादाका मीवा आत्मातुन, जीवातुन, मेंदुलतुन दोसेम हिलाकोंटा कापाळिकांटी.

1 पत्रु 4:16

ओक्‍कला मीलोप्‍पो बोरन्‍ना किरिस्‍तुनोर आताहाटीं तकलिपकु बोगांचनय्ते, ओर सिग्गु अर्रानायो, गानि किरिस्‍तुना पोरोल दोर्कताहाटीं पेनदुक महिमा हियागोम.

1 योहान 2:28

अदुनहाटीं नावा पिलाल्‍कुनिटा! मिमेट किरिस्‍तुने निल्‍सि मंटु. अल्हा मत्‍ते, ओर बस्के अय्ते इद बूमिते मल्सि वायानुर अस्‍के, मनम वेर्रे हिल्‍वोरम आसि ओर वातंका ओना मुन्‍ने सिग्गु वायाकोंटा मंदा परकोम.