पिलिपिया 1:19 - पवित्र पोल्‍ले

¹⁹ बारित्‍ते मीवा पारतनां अल्हेन येसु किरिस्‍तुना आत्माता सहायमतोनि नाकु वायना ई कस्‍टाल्के नाकुन तप्‍पाकोंटा पलाते पेच्‍हंतां इंचि नाकु एरपाट मंता.

पिलिपिया 1:19 Iomraidhean Croise

प्रेरितुल्‍कुना कबाह्‍क 16:7

पौलुस आनि तिमोति मूसिया एरियाता गेट्‍टुदाका एवतस्‍के ओर बितुनिया एरिया होनना कोसिस कीतुर. गानि येसुना आत्मा अगा इंका होन्‍ना हिया हिल्‍ले.

रोम सहरतोरहाटीं पौलुसना सिट्‍टि 8:28

बोर अय्ते पेनदुन पावरम कींतुर, बोर्कुन अय्ते पेन दाना पिलान मत्‍ताप केयता, ओर्क बसोंटा परिस्तिति वायिना, पेन आ परिस्तिति ओरा बेसताहाटींगे कींता इत्‍ता पोल्‍ले मनाकु एरपाटे.

रोम सहरतोरहाटीं पौलुसना सिट्‍टि 8:9

गानि मीवा लोप्‍पोगिंटा पेनदा आत्मा मत्‍ते, मिमेट पापि गुनाल्‍कुने पिस्सेक हिल्‍लिर गानि आत्मा वेहताप पिस्संतिर. बोना पिस्वरते अय्ते किरिस्‍तुना आत्मा हिल्‍ले, ओर किरिस्‍तुना मनकल आयोर.

1 कुरेंति 4:17

इदे पोल्‍ले वेहनाहाटीं नना पावरम कियानोर आनि सामिना लोप्पो नावा विस्वासमगल्‍ला मर्रिनसंटोर तिमोतिन मिहगा लोहतन. नना किरिस्‍तु येसुना बक्‍तिते बल्हा ताकसेक मंतानो, अल्‍हेने अन्‍नि जेगाना कलिसियाने नना कराहना बोदाता बारेमते ओर मीक मति कीसि हींतोर.

2 कुरेंति 1:11

वेल्‍लेटोरा पारतनाहेंदाल पेन मापोर्रो दया हुपिच्‍चि माकुन पिसागोटता, अदुनहाटीं वेल्‍लेटुर लोकुल्‍क माहेंदाल पेनदुक दन्यवाद कीसेक मंतुर. अय्ते मिमेटगुडा अंटोर कूळसि माहाटीं पारतना कीसि माक सहायम कीम्‍टु.

गलातिया 3:5

पेन मीकु दाना पवित्र आत्मातुन हीसि मीवा नड्‍डुम पेद्‍दा-पेद्‍दा अद्‍बूताल्‍क कींता. अद बल्हा? मिमेट मूसाना नियम परकारम पिस्संतिट इंचा? हिल्‍ले. मिमेट किरिस्‍तुना बारेमता बेसता कबुर केंजसि दानपोर्रो विस्वासम कीतिर इंचि अल्हा कींता.

गलातिया 4:6

मनम पेनदा पिलाल्क आताहाटीं अद मनालोप्‍पो दाना मर्रिना आत्मातुन लोह्ता. अद आत्मा मनालोप्‍पो मंचि पेनदुन, “बाबा! बाबा!” इंचेके केयसेक मनंता.

पिलिपिया 1:18

अयना बतल आयो. बेस उद्‍देसमते आयि, कराब उद्‍देसमते आयि, अद बल्हे आयि! किरिस्‍तुना बारेमतेन वेहमळ जर्गसंता इंचि नाकु वेल्‍लेन कुसि आसंता. आनि नना इल्हेन कुसिते मनंतन.

1 पत्रु 1:11

किरिस्‍तु बल्हा तकलिप वासि हायनुर, दाना पजा बल्हा ओनकु स्वर्गमते कदर दोर्कार इंचि ओरा लोप्पो मनना किरिस्‍तुना आत्मा मुन्‍नेन वेहचि मत्‍ता. गानि इव पोल्‍लें बोना बारेमते, बस्के आयनुं इंचि पेनदा कबुरतोर पहकुंदुर.