मरकुस 13:9 - पवित्र पोल्‍ले

⁹ गानि मिमेट उसारते मंटु. बारित्‍ते मीकुन पंचादितोरा कय्‍दे अप्‍पजेपनुर आनि दर्मसास्‍त्रम कराहना लोह्कुने ओसि तनानुर. पजा नावा बारेमते गवाइ वेहालय मीकुन राज्यपाल आनि राजालोरा मुन्‍ने निलाहनुर.

Aheri Gondi

⁹ गानि मिमेट उसारते मंटु. बारित्‍ते मीकुन पंचादितोरा कय्‍दे अप्‍पजेपनुर आनि दर्मसास्त्रम कराहना लोह्कुने ओसि तनानुर. पजा नावा बारेमते गवाइ वेहालय मीकुन राज्यपाल आनि राजालोरा मुन्‍ने निलाहनुर.

मरकुस 13:9 Iomraidhean Croise

मत्‍तयाल 5:22

गानि नना मीकु वेहंतन गदा, बोर अय्ते ओना दंटातोनपोर्रो होंग आंतोर ओर पेनदा कोरटता सिक्‍सालायक आंतोर. अल्‍हेने बोर अय्ते ओना दंटातोना अपमानम कींतोर, ओर पेद्‍दाल्कुना कोरटता सिक्‍सालायक आंतोर. बोरन्‍ना अरे मुर्का इनानय्ते ओन्क देय्याल्क मनना अग्नि गुंडमता सिक्‍सा आयार.

मरकुस 13:5

अस्‍के येसु ओर्कु इल्‍हा वेहालय दल्‍गतोर, “मीकुन बोर पसांचकोंटा मिमेट उसारते मंटु.

मरकुस 13:8

देसेमपोर्रो देसेम, राज्येमपोर्रो राज्येम लडाईं आयनुं, वेरे-वेरे जेगाने बूकंपाल्क आयनुं, कर्वु अर्रार. गानि इल्‍हा आयमळ इत्‍ते एर पूरालय नोप्‍पिं सुरुव आताप आंद.

मरकुस 6:11

बोर अय्ते मीकुन ओप्‍कुन्‍नुर, मीवा पोल्‍लें केंजुर अगटाल पेय्सनेंके ओर्क विरोदमते गवाइलेसीं मीवा काल्कुना दुम्मु दुल्‍पट. नना मीक निजम वेहासेक मंतन, न्‍यायमता रोजुने आ नाटुक वाता गोसाकन्‍ना सदोम, गमोरा सहरकुंक वायाना गोसा बच्‍चोरो तक्‍को मनंता,” इंचि वेहतोर.

लूकाल 9:5

बद नाटेना लोकुल्‍क मीकुन मना हिय्‍युरो, अद नाटेनाल पेय्सनेंके ओर कीता तप्पुन हुप्‍सालय उंदि गवाइ लेह्का मननाहाटीं, मिमेट मीवा काल्कुना दुम्मु दुल्‍पिसि पेय्‍सट” इंचि वेहतोर.

योहान 15:20

वरोर दासुड ओना मालकुंकन्‍ना पेद्‍दोड आयोर, इंचि नना दीनकन्‍ना मुन्‍ने वेहता पोल्‍लेतुन मिमेट मति इर्कुंटु. ओर नाकुने तकलिप कीतुर अय्ते, मीकुनगुडा तकलिप कींतुर. ओर नावा पोल्‍ले परकारम ताकानय्ते, मीवा पोल्‍ले पोर्रोगुडा ताकंतुर.

योहान 16:2

विस्वासम कियवा पेद्‍दाल्क मीकुन दर्मसास्‍त्रम कराहना लोहकुनाल पेच्‍हांतुर. इंका मीकुन हव्कना हरेक मनकल, नना पेनदा सेवा कीसंतन, इंचि इनकुनना कालम वायाना मंता.

प्रेरितुल्‍कुना कबाह्‍क 21:11

ओर मावा दग्गेर्क वासि पौलुसना नडिता पट्‍टा तेंडकुंचि, ओना कय्‍कु-काल्‍कुन दोहकुंचि, “इद पट्‍टा बोनद अय्ते आंदो ओन येरुसलेम सहरते यहुदि लोकुल्‍क इल्हेन दोहाचि वेरे जातितोर्कुंक अप्पजेपंतुर, इंचि पवित्र आत्मा वेहासेक मंता,” इत्‍तोर.

प्रेरितुल्‍कुना कबाह्‍क 7:54

ओना पोल्‍लें केंजसि पंचादिते मत्‍ता पेद्‍दाल्क वेल्‍ले होंगुंक वासि, ओनाहेके हूळसि पटपटा पल्कु कोर्कालय दल्‍गुतुर.

प्रेरितुल्‍कुना कबाह्‍क 9:16

नावा पोरोल एतानाहाटीं ओन्क बच्‍चोर कस्‍टाल्‍क अर्रा पींतानो नना कुद ओन्क हुप्‍संतन,” इंचि इत्‍तोर.

पिलिपिया 1:29

सिराप किरिस्‍तुन विस्वासम कियालये आयो गानि ओनाहाटीं तिप्‍पल्‍क अर्रालयगुडा पेन किरिस्‍तुनहेंदाल मीकु आसिर्वाद हीता.

2 तेसलोनि 1:5

इद पेनदा सत्‍तेम न्‍यायमता रुजुव आंदु. मिमेट पेनदा राज्येमते होननालायक आयागोम इंचि इवन्‍नि बादां अरसेक मंतिर.

2 योहान 1:8

मोमोट कीता कबाह्‍क, मीहेंदाल एर्तम आयाकोंटा हूळकुंटु. कीता कबाह्‍कुना पुरागा इनाम दोर्कानादाका जेगर्ता मंटु.

पेन हुपिस्‍ता पोल्‍लें 1:9

नना योहानुन मीवा दादान आंदुन. येसु बोगांसता तिप्पल्कुने, राज्येमते आनि ओप्के पियमळते मीवातोनि दंटाते मंतन. नना पेनदा पोल्‍ले आनि येसुना बारेमते गवाइ वेहताहाटीं पतमोस इनना दीबेतगा बंद कीसि मंतन.

पेन हुपिस्‍ता पोल्‍लें 2:10

बव तिप्‍पल्‍क अय्ते नीकु वायानव मंतां अवुना बारेमते निमे वेरियमा. हुळाट! देय्यम मी अव्टेटाल इच्‍चुर लोकुल्‍कुन जेलने वाटंता, मीवा विस्वासमता परिक्‍सा एतालय अल्हा जर्गार. मीकु पदि रोजकु तिप्‍पल्‍क अर्रापींता. हायाना वेला वायिनागानि मिमेट विस्वासमते गट्‍टिगा मंटु. अस्‍के मीकु पिस्वरता किरिटम हींतन” इंचि इत्‍ता.

पेन हुपिस्‍ता पोल्‍लें 2:13

बगा अय्ते देय्यमता राजगद्‍दे मंता अग्गेन निमे मनांतिन इंचि नाकु एरपाटे. अयना ना पोरोलते निमे निल्‍सि मंतिन. नावा विस्वासमगल्‍ला सेवक अंतिपान मीवा नड्‍डुमे देय्यम मनना जेगाते हव्कतुर, अव रोजकुनेगुडा निमे नावा पोर्रोटा विस्वासमताल पजोळ्क होना हिल्‍लिन.