मरकुस 1:41 - पवित्र पोल्‍ले

⁴¹ येसुंक ओनपोर्रो दया वाताहेंका कय मुन्‍नेळ्‍क कीसि ओन इट्‍सि, “निमे बेस आयगोम इंचि नावा मनसु मंता. निमे बेस आम” इंचि इत्‍तोर.

Aheri Gondi

⁴¹ येसुंक ओनपोर्रो दया वाताहेंका कय मुन्‍नेळ्‍क कीसि ओन इट्‍सि, “निमे बेस आयगोम इंचि नावा मनसु मंता. निमे बेस आम” इंचि इत्‍तोर.

मरकुस 1:41 Iomraidhean Croise

मत्‍तयाल 9:36

तिरियनेंके येसुन नदर लोकुल्‍कुनपोर्रो होत्‍ता. कोहानोर हिल्वा गोर्रें बल्हा तकांचि, सिल्‍लर-सिल्‍लर आसि मनांतंगो अल्हा आ लोकुल्‍क आसि मत्‍तुर, इंचि ओर्कुन हूळसि येसुंक दया वाता.

मरकुस 1:40

अल्हा होंचेके मननेंके वरोर कुस्‍टरोगम आता मनकल येसुनगा वासि, ओना काल्कुनपोर्रो अर्सि, “निमे इन्‍कुत्‍ते नाकुन बेस किया पर्रांतिन,” इंचि येसुन विनंति कीतोर.

मरकुस 1:42

इत्‍ता इनुडे ओना कुस्‍टरोगम होत्‍ता ओर बेस आतोर.

मरकुस 4:39

अस्‍के ओर तेदसि, वळि-दुमारमतुन आनि समुद्रमतुन, “आगा, चुपचाप मन” इंचि गदरिचतोर, अस्‍के वळि-दुमारम मग्‍गिसि, अगा पूरा सांत आता.

मरकुस 5:41

होंचि अद पेगिटा कयदुन पीसि, “तलिता कुम” इंचि इत्‍तोर. इत्‍ते, “पेगिटुना, नना वेहासेक, तेदा!” इंचि अर्तम.

मरकुस 6:34

येसु डोंगाताल रेयसि अद जेगातगा वेल्‍लेने मंदितुन हूळतस्‍के, कोहानोर हिल्वा गोर्रें बल्हा मनांतंगो ओर अल्हा आसि मत्‍तुर. अदुनहाटीं ओनकु ओरपोर्रो दया वासि ओर ओर्क पेनदा पोल्‍लें कराहलय सुरुव कीतोर.

इब्रि 1:3

आ मर्रि पेनदा महिमाता वेलगु आंदुर. इंका पेनदा गुनम आनि मर्रिना गुनम उंदेतीर मंता. मर्रि ओना बलमगल्‍ला पोल्‍लेने ई दुनियातुन ताकिच्‍चेके मंतोर. ओर मना पापाल्कुनंता नोर्सि मनाकुन पवित्र कीतोर. पजा एत्‍तुने स्वर्गमते मंदना अन्‍निटकन्‍ना पेद्‍दा पेनदा तिना बाजुंक होंचि उदतोर.

इब्रि 2:17

इदुनाहाटींगें येसुंक अन्‍नि तीरकुने ओना तम्मुह्‍क-हेलाह्‍कुनलेसीं रूपम येतमळ अव्‍सरम मत्‍ता. इल्‍हा रूपम येतते ओर पेनदा मुन्‍ने सेवा कियाना वरोर दयागल्‍लोड आनि विस्वासमलायक पेद्‍दा पेर्मल आंतोर. अस्‍केन ओर लोकुल्‍कुना पापाल्कुनाहाटीं मोक्‍कु हिय्या पर्रंतोर.

इब्रि 4:15

मना पेद्‍दा पेर्मल येसुंकगुडा मनालेसीं पापम कियाना अन्‍नि परिक्‍सां वातां, गानि ओर बस्‍केने पापमते अर्रा हिल्‍लोर. अदुनहाटीं ओर मना कमजोरिन, दुक्‍काल्कुन तेल्‍पिचकुंतोर.