मरकुस 1:34 - पवित्र पोल्‍ले

³⁴ येसु तीरतीरकुना बिमार्क मत्‍तोर वेल्‍लेटोर्कुन बेस कीतोर, देय्याल्क पीसि मत्‍ता वेल्‍लेटोर्कुना देय्याल्कुन पेचाह्‍चि गेदुमतोर. अव ओन एरपाट कियुंदुं, अदुनहाटीं ओर अवुन वळ्का हिया हिल्‍लोर.

Aheri Gondi

³⁴ येसु तीरतीरकुना बिमार्क मत्‍तोर वेल्‍लेटोर्कुन बेस कीतोर, देय्याल्क पीसि मत्‍ता वेल्‍लेटोर्कुना देय्याल्कुन पेचाह्‍चि गेदुमतोर. अव ओन एरपाट कियुंदुं, अदुनहाटीं ओर अवुन वळ्का हिया हिल्‍लोर.

मरकुस 1:34 Iomraidhean Croise

मत्‍तयाल 4:23

यहुदिल्कुना दर्मसास्‍त्रम कराहना लोतागा येसु पेनदा पोल्‍लें कराहतोर. स्वर्ग राज्येम बारेमते बेसता कबुर वेहचेके, लोकुल्‍कुना अन्‍नि तीरकुना रोगाल्‍कुन, कमजोरिन बेस कीसेके गालिल एरियाते पूरा तिरियतोर.

मत्‍तयाल 4:24

येसु कियना कबळ पूरा सिरिया देसेमंता तेळियसि होत्‍ता. दानहाटीं तीरतीराता रोगाल्कुनोर, नोप्पिनोर, देय्याल्क पीतोर, कुंदेल रोगमतोर आनि लकवा बिमारतोर इसंटा लोकुल्‍कुन ओनगा तत्‍तुर. येसु ओर अंटोर्कुन बेस कीतोर.

मरकुस 1:25

अद केंजसि, “निमे चुपचाप मन, ओनागटाल पलाते पेय्‍सा,” इंचि येसु जोरसे गदरिच्‍तोर.

मरकुस 3:12

गानि येसु मात्रम, “नावा बारेमते बोर्के बतले वेहमट,” इंचि आ देय्याल्‍कुंक गट्‍टिगा हुकुम हीतोर.

लूकाल 4:41

वेल्‍लेटोर्कुन देय्याल्क पीसि मत्‍तां. अव देय्याल्कुन येसु गद्‍दरिच्‍चि पेचाहतोर. देय्याल्क ओरागटाल पेय्सनेंके, येसु किरिस्‍तु आंदुर इंचि एरपाट कीसि, “निमे पेनदा मर्रिन आंदिन” इंचेके जोरते वरगेयसेके पेय्सुंदुं. गानि येसे किरिस्‍तु आंदुर इंचि अव एरपाट कियुंदुं इंचि येसु अवुन वळ्का हिया हिल्‍लोर.