मत्‍तयाल 5:3 - पवित्र पोल्‍ले

³ “बोर अय्ते आत्माताल गरिब मंतुर पेन ओर्के आसिर्वाद हींता, स्वर्ग राज्येम ओरदे आंद.

मत्‍तयाल 5:3 Iomraidhean Croise

मत्‍तयाल 11:25

आ वेलाते येसु इल्‍हा इत्‍तोर: “ए नावा बाबा, बूमि आनि स्वर्गमता सामि, तेल्‍विगल्‍लोर्क आनि समजदार लोकुल्‍कुनगटाल इव पोल्‍लें मक्‍किचि इरतिन, सादा-सिंपल लोकुल्‍कुंक बारे इव पोल्‍लें हुपिस्‍तिन, इंचि नना नीवा स्‍तुति कीसेक मंतन.

मत्‍तयाल 11:6

बोर अय्ते नावा बारेमते अन्‍समन्‍स किय्योर, ओन्‍के आसिर्वाद दोर्कंता,” इंचि इत्‍तोर.

मत्‍तयाल 13:16

गानि मीवा कळ्‍कु हुळंतां, केव्क केंजंतां इंचि मिमेट आसिर्वाद दोर्कतोर आंदिर.

मत्‍तयाल 19:14

गानि येसु, “पिलाल्कुन नाहेके वायाहीम्ट, ओर्कुन आपमट. स्वर्ग राज्येम इसंटोरदे आंद,” इंचि इत्‍तोर.

मत्‍तयाल 25:34

अस्‍के राजाल तिना बाजुनोर्कुन इनानुर, “वटु, ना बाबाना आसिर्वाद मीकु दोर्कुता, मीवाहाटीं दुनिया पुटतस्केटाले राज्येम तयार कीसि मंता, दान एतट.

मत्‍तयाल 8:11

इंका नना मीकु वेहंतन गदा, वेल्‍लेटुर लोकुल्‍क पोळ्‍द पेय्‍सनाहेंदाल, पोळ्‍द अर्रानाहेंदाल वासि, अब्राहाम, इसाक, याकोब ईरतोनि स्वर्ग राज्येमते उद्‍दानुर.

मरकुस 10:14

गानि येसु ओर रांगानद हूळसि ओर्कुन इल्‍हा इत्‍तोर. “पिलाल्कुन नाहेके वायाहीम्ट, ओर्कुन आपमट. पेनदा राज्येम इसंटोरदे आंद,

लूकाल 11:28

अस्‍के येसु, “गानि बोर अय्ते पेनदा वचनाल्क केंजसि अवुन पीसि ताकंतोरो ओर एक्‍को आसिर्वाद दोर्कुतोर आंद,” इंचि इत्‍तोर.

लूकाल 18:14

नना मीक वेहांतन गदा, ओरा इव्वुरा लोप्पोटाल कर वसुल कियानोरे पेनदा मुन्‍ने नीतिमंतुड आसि लोन होत्‍तोर. गानि परिसि नीतिमंतुड आयोर. बारित्‍ते, बोर ओनद ओरे नना पेद्‍दोन इंचि इनकुंतोर, पेन ओन सिन्‍नगा कींता. अल्‍हेने बोर ओनद ओरे नना सिन्‍नोन इंचि इनकुंतोर, पेन ओन पेद्‍दा कींता,” इल्‍हा वेहचि येसु सामि वेसुडितुन महतोर.

लूकाल 22:29

अदुनहाटीं नावा बाबाल बल्हा नाकु राज्येम कियना अदिकारम हीतोर, अल्हेन ननागुडा मीकु अदिकारम हींतन.

लूकाल 22:30

अद अदिकारम बद इत्‍ते, मिमेटगुडा नावा राज्येमते नावातोनि उद्‍दिसि तिनकिर, उनकिर. इंका राजगद्‍देन पोर्रो उद्‍दिसि इस्राएलना पन्‍नेंड गोत्राल्कुनोरा न्‍यायम कीकिर,” इंचि इत्‍तोर.

लूकाल 4:18

“पेनदा पवित्र सेवक इल्‍हा वेहचंतोर, पेनदा आत्मा नावापोर्रो वाता. गरिबोर्कुंक बेसता कबुर वेहालय, पेन नाकुन अबिसेकम कीता. दोहचि वाटसि ओतोर्कुन, पेन होळसीता इंचि वेहालय, गुड्‍डोर्कुन, मिमेट हूळंतिर इंचि वेहालय, तकलिपते मनानोर्कुन, तकलिपताल तेंडालय,

योहान 20:29

पजा येसु ओन, “निमे नाकुन हूळसि विस्वासम कीतिन. गानि बोर नाकुन हूळाकोन्‍ना विस्वासम कींतोर, ओर आसिर्वाद दोर्कतोर आंद,” इत्‍तोर.

याकोब 1:10

अल्हेन सिरमंत विस्वासि, पेन हीता सिन्‍नातनमता हेंदाल आनंदमते मंदना. ओर जाडि पुंगार राल्सि होत्‍ताप हासि दांतोर.

याकोब 1:12

बोर अय्ते परिक्‍सां वातस्के अवुन ओर्सकुंतोर, ओर आसिर्वाद दोर्कतोर आंदुर. बारित्‍ते परिक्‍साने गट्‍टिगा नित्‍तिसि मंचि बोर अय्ते पेनदुन पावरम कींतोर, ओनकु पिस्वरता किरिटम हींतन इंचि पेन पोल्‍ले हीसि मत्‍ता, अद ओनकु हिय्यार.

याकोब 2:5

नावा पावरमगल्‍ला विस्वासुल्‍कुनिटा! केंजाट, ई दुनियाते बोर अय्ते गरिब मंतुर ओर्कुन विस्वासमते दनवंतुल्‍क कींतन इंचि, आनि दान पावरम कीतोर्कुंक दाना राज्येमते वारसदार्क कींतन इंचि, मुन्‍नेने पोल्‍ले हीसि मत्‍ता, अद हियालय ओर्कुन पेरता.

पेन हुपिस्‍ता पोल्‍लें 19:9

पजा पेनदा दूता नाकुन, “गोर्रे पोरिना मरमिना गाटो तिनालय बोर्कुनय्ते केयमळ जर्गता ओरे आसिर्वाद दोर्कतोर आंदुर.” पजा, “इद पेनदा सत्‍तेम पोल्‍ले आंद, इदुन रासा,” इंचि मर्रा इत्‍ता.

पेन हुपिस्‍ता पोल्‍लें 22:14

बोर अय्ते ओरा कपडिं हुक्‍सि बेस साप कीतुर ओर आसिर्वाद दोर्कतोर आंदुर. ओर्क पिस्वर हियना मराता पंडि तिनालय आनि आ गल्‍माताल सहरते होळियालय अदिकारम दोर्कार.

पेन हुपिस्‍ता पोल्‍लें 3:17

निमे अय्ते, “नना सिरमंतुन, नहगा अन्‍नि मंतां, नाकु बतल तक्‍को हिल्‍ले”, इंचि इनकुंचंतिन. गानि नीकु इदु एरपाट हिल्‍ले गदा, निमे पेद्‍दा हेडसोत्‍तोन, गति हिल्वोन, गरिबोन, गुड्‍डिन, कुळकें मंतिन इंचि.