मत्‍तयाल 11:2 - पवित्र पोल्‍ले

^2-3 बापतिस्मा हियना योहान जेलने मत्‍तस्के किरिस्‍तुना कबाह्‍कुना बारेमते केंजतोर. अस्‍के ओर ओना सिस्युल्कुंक इल्‍हा पूसकियालय येसुनहेके लोहतोर. “बोर अय्ते पिसागोटनोर वायानद मत्‍ता ओन निमेन ना? हिलाकोंटे मोमोट इंकावरोना एदुर हूळमळा?”

मत्‍तयाल 11:2 Iomraidhean Croise

मत्‍तयाल 1:17

ई परकारम अब्राहामुनगटाल दाविदुनदाका पडनालुं तंतुल्क. दाविदुनगटाल बेबिलोनते गुलाम कीसि ओयानदाका पडनालुं तंतुल्क. अल्हे बेबिलोनते यहुदिल्कुन गुलाम कीसि ओतागटाल अय्ते येसु किरिस्‍तु पुट्‍टनदाका पडनालुं तंतुल्क आतां.

मत्‍तयाल 14:3

बारित्‍ते हेरोद राजाल ओना तम्मुर पिलिपुना मुत्‍तो हेरोदियान इरकुंचि मत्‍तोर अस्‍के, “नीवा तम्मुना मुत्‍तोन निमे निहगा इरमळ नियम परकारम बेस आयो,” इंचि योहान हेरोद राजांक वेहचि मत्‍तोर. अदुनहाटीं हेरोद राजाल योहानुंक बेडीं वाटसि ओन जेलने वाटतोर.

मत्‍तयाल 4:12

योहानुन जेलते वाटतुर इंचि येसुंक तेळिय्ताहेंका ओर गालिल एरियाता नासरेत नाटेने होत्‍तोर.

मत्‍तयाल 9:14

आयंका बापतिस्मा हियना योहानुना सिस्युल्क येसुनगा वासि, “गुरु, परिसिल्क आनि मोमोट ऊके ओक्‍कापोद्‍दु मनंतोम गानि नीवा सिस्युल्क बस्‍केने ओक्‍कापोद्‍दु मन्‍नुर. अल्हा बारि?” इंचि पूसकीतुर.

मरकुस 6:17

बारित्‍ते, हेरोद राजाल ओना तम्मुर पिलिपुना मुत्‍तो हेरोदियान इरकुंचि मत्‍तोर. अय्ते योहान हेरोद राजानगा होंचि, “नीवा तम्मुना मुत्‍तोन निमे निहगा इरमळ नियम परकारम बेस आयो,” इंचि वेहुंदुर. अल्हा वेहतादान्‍कु हेरोदियनहाटीं हेरोद राजाल सिपाइल्कुन लोहचि योहानुन जेलने वाटा वेहतोर.

लूकाल 3:19

पजा बतल आता इत्‍ते, गालिल एरियाता राजाल हेरोद, ओना तम्मुर पिलिप पिस्सि मननेंकेन ओना मुत्‍तो हेरोदियास इनानदान ओनगा तच्‍चि इरकुत्‍तोर. हेरोद राजाल ओना अंगेनतोनि कीता पापम, इंका वेरे-वेरे वेल्‍लेन तप्पु कबाह्कुनाहाटीं हेरोद राजान योहान तेराहतोर. अदुनहाटीं हेरोद राजाल योहानुन जेलने वाटसि, ओना तप्पुकुने इंकुंदि तप्पु कल्‍पकुत्‍तोर.

लूकाल 9:7

पजा गालिल एरियाता राजाल हेरोद, बस्के अय्ते येसु कियना कबाह्‍कुना बारेमते केंजतोरो अस्‍के बतल जर्गसंता ओन्क बतले तेळिया हिल्‍ले. बारित्‍ते इच्‍चुर लोकुल्‍क, “योहान हातोराव्टेटाल मर्रा तेदतोर,” इंचि इनुंदुर. इंका इच्‍चुर लोकुल्‍क, “पेनदा कबुरतोर एलियल मर्रा वातोर,” इंचि इनुंदुर आनि इच्‍चुर लोकुल्‍क बारे, “एनकटा पेनदा कबुरतोरा लोप्पोटाल बोरो वरोर जीवाते तेदतोर,” इंचि इनुंदुर.

योहान 4:1

येसु योहानुंकन्‍ना एक्‍को मंदिक बापतिस्मा हीसंतोर, योहानुंकन्‍ना एक्‍को मंदितुन ओना सिस्युल्क कीसंतोर, इंचि परिसिल्कुंक तेळियता.