लूकाल 9:7 - पवित्र पोल्‍ले

^7-8 पजा गालिल एरियाता राजाल हेरोद, बस्के अय्ते येसु कियना कबाह्‍कुना बारेमते केंजतोरो अस्‍के बतल जर्गसंता ओन्क बतले तेळिया हिल्‍ले. बारित्‍ते इच्‍चुर लोकुल्‍क, “योहान हातोराव्टेटाल मर्रा तेदतोर,” इंचि इनुंदुर. इंका इच्‍चुर लोकुल्‍क, “पेनदा कबुरतोर एलियल मर्रा वातोर,” इंचि इनुंदुर आनि इच्‍चुर लोकुल्‍क बारे, “एनकटा पेनदा कबुरतोरा लोप्पोटाल बोरो वरोर जीवाते तेदतोर,” इंचि इनुंदुर.

लूकाल 9:7 Iomraidhean Croise

मत्‍तयाल 11:2

बापतिस्मा हियना योहान जेलने मत्‍तस्के किरिस्‍तुना कबाह्‍कुना बारेमते केंजतोर. अस्‍के ओर ओना सिस्युल्कुंक इल्‍हा पूसकियालय येसुनहेके लोहतोर. “बोर अय्ते पिसागोटनोर वायानद मत्‍ता ओन निमेन ना? हिलाकोंटे मोमोट इंकावरोना एदुर हूळमळा?”

मरकुस 8:28

अस्‍के सिस्युल्क इल्‍हा वेहतुर. “इच्‍चुर इंतुर निमे बापतिस्मा हियना योहानुन आंदिन, इंका इच्‍चुर इंतुर निमे एलियाल आंदिन, इंका बोरो इंतुर निमे पेनदा कबुरतोरा लोप्पोटाल बोनो वरोन आंदिन,” इत्‍तुर.

लूकाल 13:31

अच्‍चोटेन इच्‍चुर परिसिल्क वासि येसुन, “नीकुन अंतिपस हेरोद राजाल हव्कालय हूळसंतोर, निमे इगेटाल बद्‍दना वेरे जेगाते पेय्सि होन,” इंचि इत्‍तुर.

लूकाल 21:25

“पोळ्‍दुनपोर्रो, वेळसिपोर्रो, सुक्‍कनपोर्रो चिन्‍हां दिस्‍सानुं. इंका बूमिपोर्रो समुद्रमता आवाज आनि अव्टे तेदाना पेद्‍दा तडाना सप्पुड केंजसि देसे-देसेल्‍कुना लोकुल्‍क इरगा वेरियानुर.

लूकाल 23:7

अव रोजकुने गालिल एरियापोर्रो हेरोद अंतिपस राजाल राज्येम कीसेके मत्‍तोर. येसु गालिल एरियातोर इंचि तेळियतस्के, पिलातुस ओन हेरोद राजानहेके लोहचीतोर. आ वेलाते हेरोद राजालगुडा येरुसलेम सहरतेन मत्‍तोर.

लूकाल 3:1

तिबेरियुस कैसर इनना वरोर राजाल पूरा रोम राज्येमपोर्रो पेद्‍दा राजाल मत्‍तोर. ओर राज्येम कियालय दल्‍गिसि पदिहेन वर्सां पूरा आतां. अवे तूकुल्कुने पुंतुस पिलातुस इनानोर यहुदिया एरियाता राज्यपाल मत्‍तोर. अंतिपस हेरोद राजाल गालिल एरियाता राज्यपाल मत्‍तोर. इंका ओना तम्मुर पिलिप इतुरिया आनि तारकोनितिस इव एरियान पोर्रो राज्यपाल मत्‍तोर. लिसानियास इनानोर बारे अबिलेन इनना एरियाता राज्यपाल मत्‍तोर.

लूकाल 9:19

अस्‍के ओर इल्‍हा जवाब हीतुर. “इच्‍चुर बारे नीकुन बापतिस्मा हियना योहान इंतुर. गानि इच्‍चुर बारे निमे एलियाल आंदिन इंतुर. इंकिच्‍चुर बारे एनकटा पेनदा कबुरतोरा लोप्पोटाल बोरो वरोर जीवा अरतोर इंतुर,” इत्‍तुर.