लूकाल 8:2 - पवित्र पोल्‍ले

² अगा देय्याल्कुनाल, बिमारकुनाल बेस आतव इच्‍चुं मुर्ताह्कगुडा ओरतोनि मत्‍तां. अव मुर्ताह्कुनाल उंदि मगदलेनि नाटेनद मरियम पोरोलता मुरतळ मत्‍ता. येसु दानगटाल एडुं देय्याल्कुन पेचाह्‍चि मत्‍तोर.

लूकाल 8:2 Iomraidhean Croise

मत्‍तयाल 4:24

येसु कियना कबळ पूरा सिरिया देसेमंता तेळियसि होत्‍ता. दानहाटीं तीरतीराता रोगाल्कुनोर, नोप्पिनोर, देय्याल्क पीतोर, कुंदेल रोगमतोर आनि लकवा बिमारतोर इसंटा लोकुल्‍कुन ओनगा तत्‍तुर. येसु ओर अंटोर्कुन बेस कीतोर.

मरकुस 16:1

नोमकेमता रोजु मारतारित्‍ते, मगदलेनि नाटेना मरियम, याकोबुना यावल मरियम आनि सलोमि इव येसुना पीनगुंक होकालय, गमागमा गब्‍बु वायानव वस्‍तुक अस्तां.

मरकुस 16:9

वारमता मोदाटा रोज इत्‍ते अय्तारम रोज, येसु हामुरताल जीवाते तेदतोर. तेदता पजा मोट्‍टा मोदाला मगदलेनि नाटेना मरियमुंक दिसतोर. इदे मरियमुनगटाल एडुं देय्याल्कुन येसु गेदमिस मत्‍तोर.

लूकाल 23:27

अस्‍के लोकुल्‍कुनद उंदि पेद्‍दा मंदा येसुना पज्जो होंचेके मत्‍ता. अद मंदाते इच्‍चुं मुर्ताह्क इंका मत्‍तां, अव येसुनाहाटीं वेल्‍लेन बादाते इरगा अळसेके मत्‍तां.

लूकाल 23:49

गानि येसुन एरपाट कियानोर अंटोर आनि गालिल एरियाताल ओना पज्जो-पज्जो वातव मुर्ताह्क इच्‍चुर लक्‍कु नित्‍तिसि अगा जर्गतदुनंता हूळसेक मत्‍तां.

लूकाल 23:55

पजा येसुनतोनि गालिल एरियाताल वाता मुर्ताह्क पीनगुन ओयनेंके बोंदातुन हूळनाहाटीं योसेपुना पज्जो होत्‍तां. इंका अव येसुना पीनगुन बोंदाते बल्हा इरतुर अदुनगुडा हूळतां.

लूकाल 8:30

“नीवा पोरोल बतल?” इंचि येसु पूसकीतोर. ओनकु वेल्‍लेने देय्याल्क पीसि मत्‍ताहाटीं, “मोमोट वेल्‍लेन मंदा आसि मंतोम, इंचि नावा पोरोल मंदा आंद,” इंचि अव येसुन इत्‍ता.

योहान 19:25

येसुन वेलाड वाटता क्रुसुना दग्‍गेरा, येसुना यावल, ओना यावाना हेलड, कोल्‍पाना मुत्‍तो मरियम, आनि मगदलेनि नाटेना मरियम इव निलसि मत्‍तां.

प्रेरितुल्‍कुना कबाह्‍क 1:14

ईरतोनि इच्‍चुंग मुर्ताह्क, येसुना यावल मरियम, ओना तम्मुह्‍क ईर अंटोर उंदे मनसुने पारतना कीसेके मनुंदुर.