लूकाल 8:1 - पवित्र पोल्‍ले

¹ पजा इल्‍हा जर्गुता गदा, येसु अन्‍नि सहरकुने, नाह्कुने पेनदा राज्येमता बारेमता बेसता कबुर वेहासेके तिरियालय दल्‍गतोर. ओनतोनि पंन्‍नेड मंदि प्रेरितुल्क मत्‍तुर.

लूकाल 8:1 Iomraidhean Croise

मत्‍तयाल 11:1

येसु ओना पन्‍नेंडु सिस्युल्कुंक आदेस हीतारित्‍ते, अगटाल पेय्सि गालिल एरियाता नाहकुने प्रचार कियालय आनि पेनदा पोल्‍लें कराहलय होत्‍तोर.

मत्‍तयाल 13:19

स्वर्ग राज्येमता बारेमता कबुरतुन केंजसि बोर दान अर्तम कीकुन्‍नोर, ओना मनसुने बतल अय्ते वीतिस मत्‍तनो अदुन देय्यम वासि इग्‍गिस ओंता. आ लोकुल्‍क इत्‍ते विज्‍जां अरता हर्दा जेगातसंटोर आंदुर.

मत्‍तयाल 4:23

यहुदिल्कुना दर्मसास्‍त्रम कराहना लोतागा येसु पेनदा पोल्‍लें कराहतोर. स्वर्ग राज्येम बारेमते बेसता कबुर वेहचेके, लोकुल्‍कुना अन्‍नि तीरकुना रोगाल्‍कुन, कमजोरिन बेस कीसेके गालिल एरियाते पूरा तिरियतोर.

मत्‍तयाल 9:35

पजा येसु अगाटा दर्मसास्‍त्रम कराहना लोतागा पेनदा पोल्‍लें कराहतोर. स्वर्ग राज्येम बारेमते बेसता कबुर वेहचेके, लोकुल्‍कुना अन्‍नि तीरकुना रोगाल्‍कुन, कमजोरिन बेस कीसेके अन्‍नि सहरकुने, नाह्कुने तिरियतोर.

मरकुस 1:39

अल्हा ओर पूरा गालिल एरियाते तिरियसेके, ओरा दर्मसास्‍त्रम कराहना लोहकुने होंचि पेनदा पोल्‍लें वेहचेके, देय्याल्क पीसि मत्‍तोरागटाल देय्याल्कुन पेचाह्‍चि गेदुमसेके होत्‍तोर.

लूकाल 1:80

इल्‍हा आ पेडल पेद्‍दा बेर्सतोर. अल्हे आत्मातेगुडा बेस गट्‍टिगा आतोर. ओर ओना इस्राएल लोकुल्‍कुंक पेनदा पोल्‍लें वेहना वेला एवनदाका ओर बय्‍लि जेगाने मत्‍तोर.

लूकाल 20:1

उंदि रोजु येसु लोकुल्‍कुंक गुळिते कराहसेके, बेसता कबुर वेहासेके मत्‍तोर. अस्‍के पेद्‍दा पेर्मालोर, दर्मसास्‍त्रम कराहना गुरुल्क, आनि यहुदि पेद्‍दाल्क येसुनगा वातुर.

लूकाल 4:18

“पेनदा पवित्र सेवक इल्‍हा वेहचंतोर, पेनदा आत्मा नावापोर्रो वाता. गरिबोर्कुंक बेसता कबुर वेहालय, पेन नाकुन अबिसेकम कीता. दोहचि वाटसि ओतोर्कुन, पेन होळसीता इंचि वेहालय, गुड्‍डोर्कुन, मिमेट हूळंतिर इंचि वेहालय, तकलिपते मनानोर्कुन, तकलिपताल तेंडालय,

लूकाल 9:6

अस्‍के ओर अगटाल पेय्सि, नार-नार बेसता कबुर वेहासेके, बिमार मत्‍तोर्कुन बेस कीसेके होत्‍तुर.

प्रेरितुल्‍कुना कबाह्‍क 10:38

नासरेत नाटेना येसुन पेन पवित्र आत्मातोनि अबिसेकम कीसि अद्‍बूतामाता ताकत हीता. पेन ओनतोनि मत्‍ताहेंका, ओर अंटोराहाटीं बेसता कबाह्‍क कियुंदुर, देय्याल्कुना मुक्‍याना कय्‍दा हिळु मत्‍तोर्कुन बेस कीसेके तिरियुंदुर, इद मीकु एरके.

प्रेरितुल्‍कुना कबाह्‍क 13:32

पेन मना पेद्‍दाल्कुंक मुन्‍नेने पोल्‍ले हीसि मत्‍ता. अदे पोल्‍लेता कबुरतुन मोमोट मीक वेहासेक मंतोम.

रोम सहरतोरहाटीं पौलुसना सिट्‍टि 10:15

अल्‍हेने पेन बोर्कुने लोहाकोंटे ओरगा होंचि ओर बल्हा वेहा परांतोर? असले वेहा परोर. दीना बारेमते दर्मसास्‍त्रमते इल्‍हा रासतद मंता: “बेसता कबुरतुन पीसि वायना लोकुल्‍कुन हूळते बच्‍चोनो कुसि आंता!” इंचि रासि मंता.