लूकाल 4:41 - पवित्र पोल्‍ले

⁴¹ वेल्‍लेटोर्कुन देय्याल्क पीसि मत्‍तां. अव देय्याल्कुन येसु गद्‍दरिच्‍चि पेचाहतोर. देय्याल्क ओरागटाल पेय्सनेंके, येसु किरिस्‍तु आंदुर इंचि एरपाट कीसि, “निमे पेनदा मर्रिन आंदिन” इंचेके जोरते वरगेयसेके पेय्सुंदुं. गानि येसे किरिस्‍तु आंदुर इंचि अव एरपाट कियुंदुं इंचि येसु अवुन वळ्का हिया हिल्‍लोर.

लूकाल 4:41 Iomraidhean Croise

मत्‍तयाल 26:63

गानि येसु चुपचाप मत्‍तोर. अस्‍के पेद्‍दा पेर्मल येसुन इल्‍हा इत्‍तोर. “जीवाते मनना पेनदा ओट्‍टु तिंचि नीकुन पूसकीसंतन, ओक्‍कला निमे पेनदा मर्रि, किरिस्‍तुन आते माक वेहा,” इत्‍तोर.

मत्‍तयाल 4:3

अस्‍के आ पट्‍टु हूळानोर येसुनगा वासि, “ओक्‍कला निमे पेनदा मर्रिन आते ई बंडां हारिं आयिं इंचि आदेस हीम,” इंचि इत्‍ता.

मत्‍तयाल 8:16

पजा पोळ्‍द होंचि लोकुल्‍क देय्याल्क पीतोर्कुन वेल्‍लेन मंदितुन येसुनगा पीसि वातस्के ओर उंदे पोल्‍लेते देय्याल्कुन गेदमिसि, बिमार मत्‍ता अंटोर्कुन बेस कीतोर.

मत्‍तयाल 8:29

हुळाट! ओर इव्वुर येसुनगा वासि, “पेनदा मर्रिना, मातोनि नीकु बता कबळ? इत्‍ता वेलाकन्‍ना मुन्‍नेन निमे माकु सिक्‍सा हियालय वातिना?” इंचि मोत्‍कुत्‍तुर.

मत्‍तयाल 8:4

पजा, “इगे जर्गतद बोर्के वेहमा. गानि निमे होंचि मीवा पेर्मांक हुप्‍सा. कुस्‍टरोगमताल निमे बेस आता गवाइ इंचि मूसाल वेहता मोक्‍कु हीम. अदुन हूळसि निमे बेस आतिन इंचि लोकुल्‍कुंक एरपाट आंता,” इंचि येसु ओन इत्‍तोर.

मरकुस 1:25

अद केंजसि, “निमे चुपचाप मन, ओनागटाल पलाते पेय्‍सा,” इंचि येसु जोरसे गदरिच्‍तोर.

मरकुस 1:32

पजा पोळ्‍द होंचि, लोकुल्‍क बिमारते मत्‍तोर्कुन, देय्याल्क पीतोर्कुन अंटोर्कुन येसुनगा पीसि वातुर.

मरकुस 1:34

येसु तीरतीरकुना बिमार्क मत्‍तोर वेल्‍लेटोर्कुन बेस कीतोर, देय्याल्क पीसि मत्‍ता वेल्‍लेटोर्कुना देय्याल्कुन पेचाह्‍चि गेदुमतोर. अव ओन एरपाट कियुंदुं, अदुनहाटीं ओर अवुन वळ्का हिया हिल्‍लोर.

मरकुस 3:11

देय्याल्क पीसि मत्‍ता लोकुल्‍क येसुन बस्के अय्ते हूळुंदुरो अस्‍के, “निमे पेनदा मर्रिन!” इंचि वरगेयसि ओना मुन्‍ने हिळु अर्रुंदुर.

लूकाल 4:39

अस्‍के येसु दाना दग्‍गेरा नित्‍तिसि एडकितुन गदरिचतस्‍के दाना एळकि रेय्ता. पजा अद बिराना तेदसि, ओरा सेवा कियालय दल्‍गता.

योहान 20:31

गानि येसे किरिस्‍तु, ओरे पेनदा मर्रि, इंचि मिमेट विस्वासम कीसि ओना पोरोल्ते पिस्वर दोर्किच्‍कुननाहाटीं, इवन्‍नि रासमळ जर्गता.

याकोब 2:19

पेन उंदे मंता इंचि मिमेट विस्वासम कीतिर, बेसे आंद. गानि देय्याल्कुगुडा विस्वासम कीसि गजा-गजा वनकंतां.