लूकाल 3:1 - पवित्र पोल्‍ले

¹ तिबेरियुस कैसर इनना वरोर राजाल पूरा रोम राज्येमपोर्रो पेद्‍दा राजाल मत्‍तोर. ओर राज्येम कियालय दल्‍गिसि पदिहेन वर्सां पूरा आतां. अवे तूकुल्कुने पुंतुस पिलातुस इनानोर यहुदिया एरियाता राज्यपाल मत्‍तोर. अंतिपस हेरोद राजाल गालिल एरियाता राज्यपाल मत्‍तोर. इंका ओना तम्मुर पिलिप इतुरिया आनि तारकोनितिस इव एरियान पोर्रो राज्यपाल मत्‍तोर. लिसानियास इनानोर बारे अबिलेन इनना एरियाता राज्यपाल मत्‍तोर.

लूकाल 3:1 Iomraidhean Croise

मत्‍तयाल 14:1

अद वेलाते गालिल एरियाता राजाल, हेरोद इनानोर, येसुना बारेमते केंजतोर.

मत्‍तयाल 14:3

बारित्‍ते हेरोद राजाल ओना तम्मुर पिलिपुना मुत्‍तो हेरोदियान इरकुंचि मत्‍तोर अस्‍के, “नीवा तम्मुना मुत्‍तोन निमे निहगा इरमळ नियम परकारम बेस आयो,” इंचि योहान हेरोद राजांक वेहचि मत्‍तोर. अदुनहाटीं हेरोद राजाल योहानुंक बेडीं वाटसि ओन जेलने वाटतोर.

मत्‍तयाल 14:6

गानि हेरोद राजाना पुटता रोजु मत्‍तस्के अगा हेरोदियाना मिय्यड लोकुल्‍कुन मुन्‍ने एगरिसि ओन कूस कीता.

मत्‍तयाल 22:17

अय्ते माकु वेहा. नियम परकारम, कैसर राजांक कर दोहमळ न्‍यायमेना आयोना? नीवा विचारमते बतल मंता?” इत्‍तुर.

मत्‍तयाल 27:2

पजा ओन दोह्‍चि वाट्‍सि ओसि, पिलातुस राज्यपालुंक अप्पजेपतुर.

मरकुस 6:17

बारित्‍ते, हेरोद राजाल ओना तम्मुर पिलिपुना मुत्‍तो हेरोदियान इरकुंचि मत्‍तोर. अय्ते योहान हेरोद राजानगा होंचि, “नीवा तम्मुना मुत्‍तोन निमे निहगा इरमळ नियम परकारम बेस आयो,” इंचि वेहुंदुर. अल्हा वेहतादान्‍कु हेरोदियनहाटीं हेरोद राजाल सिपाइल्कुन लोहचि योहानुन जेलने वाटा वेहतोर.

मरकुस 6:21

उंदि रोज हेरोदियांक मोका दोर्कता. हेरोद राजाल ओना पुटता रोज मंता इंचि ओनगा मनना पेद्‍दाल्कुन, सिपाइल्कुना अदिकारिल्‍कुन आनि गालिल राज्येमता लीडर्कुन बोजनमहाटीं केयतोर.

लूकाल 13:31

अच्‍चोटेन इच्‍चुर परिसिल्क वासि येसुन, “नीकुन अंतिपस हेरोद राजाल हव्कालय हूळसंतोर, निमे इगेटाल बद्‍दना वेरे जेगाते पेय्सि होन,” इंचि इत्‍तुर.

लूकाल 2:1

योहान पुटतस्के, रोम सरकारता राजाल कैसर अगस्तुस ओना कय हिळु मनना अन्‍नि देसेल्‍कुना लोकुल्‍कुनद सिरगंति कियना इंचि आदेस हीतोर.

लूकाल 23:24

अदुनहाटीं पिलातुस, लोकुल्‍कुना इच्‍चा परकारमे आयि, इंचि इत्‍तोर.

लूकाल 3:19

पजा बतल आता इत्‍ते, गालिल एरियाता राजाल हेरोद, ओना तम्मुर पिलिप पिस्सि मननेंकेन ओना मुत्‍तो हेरोदियास इनानदान ओनगा तच्‍चि इरकुत्‍तोर. हेरोद राजाल ओना अंगेनतोनि कीता पापम, इंका वेरे-वेरे वेल्‍लेन तप्पु कबाह्कुनाहाटीं हेरोद राजान योहान तेराहतोर. अदुनहाटीं हेरोद राजाल योहानुन जेलने वाटसि, ओना तप्पुकुने इंकुंदि तप्पु कल्‍पकुत्‍तोर.

लूकाल 9:7

पजा गालिल एरियाता राजाल हेरोद, बस्के अय्ते येसु कियना कबाह्‍कुना बारेमते केंजतोरो अस्‍के बतल जर्गसंता ओन्क बतले तेळिया हिल्‍ले. बारित्‍ते इच्‍चुर लोकुल्‍क, “योहान हातोराव्टेटाल मर्रा तेदतोर,” इंचि इनुंदुर. इंका इच्‍चुर लोकुल्‍क, “पेनदा कबुरतोर एलियल मर्रा वातोर,” इंचि इनुंदुर आनि इच्‍चुर लोकुल्‍क बारे, “एनकटा पेनदा कबुरतोरा लोप्पोटाल बोरो वरोर जीवाते तेदतोर,” इंचि इनुंदुर.

प्रेरितुल्‍कुना कबाह्‍क 23:26

“महाराज पिलिक्‍स राज्यपाल नीकु, कलादियुस लुसियाना हेंदाल जोहार.

प्रेरितुल्‍कुना कबाह्‍क 24:27

रोंडु वर्सां इल्हेने पेय्सि होत्‍तारित्‍ते पिलिक्‍सना जेगाते पुरकियुस पेसतुस पोरोलतोर राज्यपाल आतोर. पिलिक्‍स होनना वेलाते, यहुदिल्कुन कूस कियानाहाटीं पौलुसुन जेलतेन इरतोर.

प्रेरितुल्‍कुना कबाह्‍क 26:30

अल्हा इत्‍तस्के, अग्रिपा राजाल, ओना हेलड बर्निका, राज्यपाल आनि ओरतोनि उद्‍दिस मत्‍तुर अंटोर तेदतुर.

प्रेरितुल्‍कुना कबाह्‍क 4:27

“निजमे, निमे पेरकुंचि लोहचीता नीवा पवित्र सेवक येसुना विरोदमते हेरोद आनि पुंतुस पिलातुसगुडा वेरे जातितोरतोनि, इस्राएल लोकुल्‍कुनतोनि कलियसि उंदि आतुर.