लूकाल 2:9 - पवित्र पोल्‍ले

⁹ अस्‍के अचानक ओरा मुन्‍ने उंदि पेनदा दूता वासि नितता. अस्‍के सामिना महिमाता वेल्‍गु ओरा सुट्‍टु एल्‍गता. अदुन हूळसि गोर्रें मेहानोर इरगा वेरियकुत्‍तुर.

लूकाल 2:9 Iomraidhean Croise

मत्‍तयाल 1:20

गानि इल्‍हा विचारम कीसेक मनानेंके पेनदा दूता कलाते वासि, “योसेपु, दाविदुन वंसमतोना, निमे मरियमुन नीवा मुत्‍तो इंचि ओप्‍कुनालय वेरियमा. बारित्‍ते दाना पीटे मनना पिंडेम पवित्र आत्माहेंदाल आसि मंता.

लूकाल 1:28

आ गब्रिएल दूता दाना दग्गेर्क होंचि दानतोनि, “पेनदा आसिर्वाद दोर्कुता बाई, नीकु जोहार! पेन नीकु तोळ मंता,” इंचि इत्‍ता.

लूकाल 2:8

अय्ते अदे नर्का इच्‍चुर गोर्रें मेहानोर नाटेना पलाते नेलिने ओर ओरा गोर्रेना कावेल कीसेक मत्‍तुर.

लूकाल 24:4

अव इदुना बारेमते इल्‍हा बल्हा आता इंचि विचारमते मननेंकेन अचानक इव्वुर मनकालोर जगा-जगा मेर्सना कपडिं केर्सि अवुनगा वासि निलतुर.

योहान 12:41

यसायाहल येसुना महिमातुन हूळताहेंकेन ओना बारेमते ओर इव पोल्‍लें वेहतोर.

प्रेरितुल्‍कुना कबाह्‍क 12:7

अचानक सामिनद उंदि पेनदा दूता अगा दिसता. आ अर्रंता पूरा वेल्‍गुनतोनि निंडिस होत्‍ता. आ पेनदा दूता पत्रुन मेलाहचि, बिराना तेदा! इंचि ओन तेहाता. ओना कय्‍कुना बेडीं लेंगसि हिळु अरतां.

प्रेरितुल्‍कुना कबाह्‍क 27:23

बारित्‍ते, बद अय्ते नावा पेन, नना अदे पेनदा सेवा कींतन दाना दूता निन्‍ने नर्का वासि, “पौलुस निमे वेरियमा, नीकु कैसर राजाना मुन्‍ने तप्‍पकोंटा नित्‍तना मंता, हूळा! नीतोनि डोंगाते मत्‍तुर अंटोर्कुनगुडा पेन पिसागोटंता,” इंचि इत्‍ता.

प्रेरितुल्‍कुना कबाह्‍क 5:19

गानि अदे नर्का उंदि पेनदा दूता वासि जेलना तल्‍पु तेंडसि ओर्कुन पलाते ओता.

2 कुरेंति 3:18

मनम अंटोरम अद मुस्‍कुन तेंडसि पोहतोम, इंदके अद्‍दमते हूळताप सामिना महिमाता वेल्‍गुन हूळसेक मंतोम. ओना आत्मा मनालोप्‍पो मत्‍ताहाटीं ओनालेसींगे मनम मारियसेके मंतोम.

2 कुरेंति 4:6

बारित्‍ते, “हीकटताल वेल्‍गु आयि” इंचि पेने इत्‍ता. मनम येसु किरिस्‍तुना मोकमते दिस्‍सना पेनदा महिमाता तेल्‍वितुन एरपाट कियागोम इंचि मनाकुन इदे वेल्‍गुने मना मनसुने मेर्सागोटता.

1 तिमोति 3:16

मना बक्‍तिता सत्‍तेमता मर्मम वेल्‍लेन पेद्‍देद, इव्टे बतले अनमानम हिल्‍ले: किरिस्‍तु मनकना रूपमते पुटतोर, ओनगा बतले दोसेम हिल्‍ले इंचि पवित्र आत्मा वेहता, पेनदा दूतांक ओर दिसतोर, ओना बारेमते दुनियाता अन्‍नि देसेल्‍कुना लोकुल्‍कुंक प्रचार कियमळ जर्गता, दुनियातोर ओनपोर्रो विस्वासम इरतुर आनि पेनदा कदरते ओन मर्रा स्वर्गमते तेहामळ जर्गता.

इब्रि 12:21

अगा जर्गता गटना इच्‍चोन वेरियानाल मत्‍ता गदा, अदुना बारेमते मूसालगुडा, “नना इरगा वेरियसि गजा-गजा आसंतन,” इंचि इत्‍तोर.

पेन हुपिस्‍ता पोल्‍लें 18:1

अद आता पजा नना उंदि पेनदा दूतातुन स्वर्गमताल हिळु रेयसेक मत्‍तद हूळतन, आ दूताक वेल्‍लेने अदिकारम हीसि मत्‍ता. दाना महिमाता वेल्‍गुने बूमिअंता जग्गरा आता.

पेन हुपिस्‍ता पोल्‍लें 20:11

पजा नना, उंदि तेल्‍लाटा राजगद्‍दे आनि दानपोर्रो उद्‍दिस मत्‍तोन हूळतन. बूमि, मब्बु ओना मुन्‍नेटाल पेय्सि वित्‍तुतां. मर्रा अवुंक बग्‍गेन जेगा दोर्काहिल्‍ले.