लूकाल 2:21 - पवित्र पोल्‍ले

²¹ इल्‍हा आ पेडल पुटसि एनमिदि रोजकु आतस्के ओनाद कतना रिवाज कीतुर. मरियम नेला तप्पका मुन्‍नेन पेनदा दूता दानकु वेहता परकारम, आ पेडाना पोरोल “येसु” इंचि इरतुर.

लूकाल 2:21 Iomraidhean Croise

मत्‍तयाल 1:21

अद पेडन कनंता, ओर ओना लोकुल्‍कुन ओरा पापाल्कुनाल पिसागोटंतोर. अदुनहाटीं ओना पोरोल येसु दोस्‍सा,” इंचि वेहता.

मत्‍तयाल 1:25

अय्नागानि अद एर पूरानाल ओर दानतोनि मींडा हिल्‍लोर. ओर पेडन पोरोल येसु इंचि दोसतोर.

मत्‍तयाल 3:15

अस्‍के येसु, “पेनदा इच्‍चागुडा मनम इल्हेन कियाना इंचि मंता. अदुनहाटीं ई नीतिता दंडकम इल्हेने जर्गिकांटी,” इंचि इत्‍तोर. इल्‍हा योहान येसुंक बापतिस्मा हियालय तयार आतोर.

लूकाल 1:31

केंजा! निमे नेला तप्पंतिन आनि वरोर मांड्‍सा पेडन कनांतिन. निमे ओना पोरोल येसु (इत्‍ते पेन पिसागोटंता) इंचि दोस्‍सा.

लूकाल 1:59

आ पेडल एनमिदि रोजकुनोर आतस्के ओना कतना कियनाहाटीं ओर अंटोर वातुर. वासि आ सिन्‍ना पेडाना पोरोल ओना बाबोना पोरोल पोर्रोटाल जकर्याह इंचि दोस्‍सनद मत्‍ता.

पिलिपिया 2:8

इल्‍हा मनकना रूपमते पुटसि ओनद ओर सिन्‍नगा कीकुत्‍तोर. इच्‍चोने आयका पेनबाबाना इच्‍चातुन पूरा कियालासि क्रुसुनपोर्रो जीवातुनगुडा हीतोर.