लूकाल 18:1 - पवित्र पोल्‍ले

¹ पजा येसु ओना सिस्युल्कुन, “रोज पारतना कीसेके मंदानां, पारतना कियानाहाटीं बस्‍केने पजोळ्क आयामन्‍नि,” इल्‍हा इंचि उंदि वेसुडि वेहातोर.

लूकाल 18:1 Iomraidhean Croise

लूकाल 11:10

बारित्‍ते बोर अय्ते तल्कंतोर ओन्क हियमळ जर्गंता. बोर अय्ते पह्कंतोर ओन्क दोर्कंता. बोर अय्ते तल्‍पुन तनंतोर ओनाहाटीं तल्‍पु तेंडमळ जर्गंता.

लूकाल 21:36

अदुनहाटीं वेल्‍लेन उसारते मंचि, बव अय्ते गटनां जर्गनद मंता, अव अन्‍नि गटनानाल पिस्‍सनाहाटीं ताकत दोर्कगोम इंचि बस्केळक पारतना कीसेक मंटु. अल्हा मत्‍तिरित्‍ते, बस्के अय्ते मनकना रूपमते पुटतोन नना वांतन, अस्‍के नावा मुन्‍ने वेरियाकोंटा नित्‍ता परकिट.”

रोम सहरतोरहाटीं पौलुसना सिट्‍टि 12:12

पेन हीता आसेते मिमेट बस्‍केळ्‍क कूस मंटु. तिप्‍पल्‍क वायिनागानि पजोळ्क होनाकोंटा ओर्सकुंटु. बस्‍केळ्‍क पारतना कीसेके मंटु.

2 कुरेंति 4:1

पेन मापोर्रो दया कीसि, दाना पोल्‍ले वेहाना इद सेवा माक हीता, अदुनहाटीं मोमोट दैरनेमते वेहांतोम.

गलातिया 6:9

मनम उंदेतीर बेसता कबळ कीते, पेन निरनायम कीता वेला एवतस्‍के मनाकु दाना पाय्दा दोर्कंता. अदुनहाटीं मनम नेरबळाकोंटा बेस कबळ कियाना.

इपीसि 6:18

अन्‍नि वेलाने पवित्र आत्माते बस्‍केळ्‍क पारतनां, विनंतिं कीसेके मंटु. इंका अंटोर विस्‍वासुल्‍कुनाहाटीं आगाकोंटा बस्‍केळ्‍क पारतना कीसेके मंटु.

पिलिपिया 4:6

बदे पोल्‍लेक पिकिर कियमट, गानि अन्‍नि पोल्‍लेनहाटीं पेनदुक पारतना कीसि मीवा अव्‍सरमतुन वेहाटु, दन्यवाद कीसि दान तल्‍कट.

कुलुसि 4:12

किरिस्‍तु येसुना दासुड इपप्रास ईर मीवा लोप्पोटोरे आंदुर, मीक जोहार वेहासेक मंतोर. मिमेट पेनदा इच्‍चा मत्‍ताप पुरागा आसि, विस्वासमते गट्‍टिगा निल्‍सि मनागोम इंचि ओर बस्‍केळ्‍क मीवाहाटीं जोर हीसि पारतना कीसेके मंतोर.

कुलुसि 4:2

मिमेट बस्‍केळ्‍क पेनदुक पारतना कीसेके मंटु. दानकु दन्यवाद कीसेके जेगर्ताते मंटु.

1 तेसलोनि 5:17

बस्‍केळ्‍क पारतना कीसेके मंटु.