5 मिमेट बोर्कु वेरियगोमो नना वेहांतन. मीकुन हव्कुतंका नरकमते वाटना अदिकारम बोन्क अय्ते मंतानो, मिमेट ओन्के वेरियट. नना वेहनद इदे.”
बोर अय्ते मीवा मेंदुल्तुन हव्का परांतुर गानि मी आत्मातुन हव्का परुर ओर्क मिमेट वेरियमट. गानि बोर अय्ते मेंदुल्तुन आनि आत्मातुन नरकमते वाट्सि नासडेम किया परांतोर ओन्के वेरियट.
पजा ओना डेमा बाजुंक मत्तोर्कुन, “सापनेमते मनानोरिटा, नहागटाल पेय्सि होंट. देय्याल्कुना मुक्यानाहाटीं आनि अवुना दूतनहाटीं तयार कीता बस्केळ्क पोत्सेके मनना तडमिते होंचि अर्रट.
पजा “ई सेड्डा लोकुल्कुंक मारवा सिक्सा आंता. नीतिमंतुल्कुंक बारे बस्केळ्क पिस्सना पिस्वर दोर्कंता,” इंचि येसु इत्तोर.
गानि नना मीकु वेहंतन गदा, बोर अय्ते ओना दंटातोनपोर्रो होंग आंतोर ओर पेनदा कोरटता सिक्सालायक आंतोर. अल्हेने बोर अय्ते ओना दंटातोना अपमानम कींतोर, ओर पेद्दाल्कुना कोरटता सिक्सालायक आंतोर. बोरन्ना अरे मुर्का इनानय्ते ओन्क देय्याल्क मनना अग्नि गुंडमता सिक्सा आयार.
गानि मिमेट उसारते मंटु; इव अन्नि पोल्लें नना मीक मुन्नेने वेहचीतन.
दीना बारेमते बोरे आयिर दंटाता विस्वासिन पसांचामन्नि, पसांचते सामि ओर्क सिक्सा हींतोर इंचि मोमोट मीक मुन्नेने गट्टिगा वेहतोम.
जीवाते मंदना पेनदा कय्दे दोर्कना सिक्सा इत्ते, इरगेन वेरियानाल मनंता.
बारित्ते, बस्के अय्ते पेनदा दूतां पापम कीतां, अस्के पेन अवुनगुडा होळसा हिल्ले. न्यायमता रोजु वायानादाका अवुन नरकमते हीकटता पोक्काने वाटसि इरता.
अद दूता पेद्दा आवाजते, “पेन न्यायम कियाना वेला दग्गेर्क एवता. अदुनहाटीं दानकु वेरियटु, दाना महिमा कीम्टु. स्वर्गमतुन, बूमितुन, समुद्रमतुन आनि एता ऊटान तयार कीता पेनदा आरादना कीम्टु” इंचि इत्ता.
हे सामि सिराप निमेने पवित्र मंतिन, असोंटस्के नीकु वेरियाकोंटा, नीवा पोरोलता महिमा कियाकोंटा बोर मना पर्रांतोर? नीवा न्यायमतुन अंटोर हूळतुर, अदुनहाटीं दुनियाता अन्नि देसेल्कुना लोकुल्क निहगा वासि नीके मोळ्कानुर.”
पजा पातालमतुन आनि नरकमतुन तळमिता सेरवुने वाटमळ जर्गता. ई तळमिता सेरवु इत्ते रोंडो हामुर आंदु.