लूकाल 12:4 - पवित्र पोल्‍ले

⁴ “इंचि नावा दंटातोरिटा, नना मीकु वेहानद बतल इत्‍ते, बोर अय्ते मीवा मेंदुल्तुन हव्का परांतुर ओर्क मिमेट वेरियमट. ओर दानकन्‍ना एक्‍को बतल किया परुर.

लूकाल 12:4 Iomraidhean Croise

मत्‍तयाल 10:28

बोर अय्ते मीवा मेंदुल्तुन हव्का परांतुर गानि मी आत्मातुन हव्का परुर ओर्क मिमेट वेरियमट. गानि बोर अय्ते मेंदुल्तुन आनि आत्मातुन नरकमते वाट्‍सि नासडेम किया परांतोर ओन्‍के वेरियट.

योहान 15:13

वरोर मनकल ओना दंटागानाहाटीं ओना जीवा हियमळकन्‍ना पेद्‍दा पावरम बद्‍दे आयो.

प्रेरितुल्‍कुना कबाह्‍क 20:24

नाकु नावा जीवाता पिकिर हिल्‍ले. नना अय्ते सिराप येसु सामिनहेंदाल नाकु दोर्कुता आ पंदेमतुन, सेवातुन पूरा कींतन. अद बतल इत्‍ते, पेनदा कुर्पाता बारेमते बेसता पोल्‍लेना गवाइ वेहामळ आंद.”

प्रेरितुल्‍कुना कबाह्‍क 4:13

ओर पत्रुन आनि योहानुन हूळसि इस्कुल करियवोर, सादा मनकालोर आंदुर इनकुत्‍तुर, गानि ओरा दैरनेम हूळसि इचंत्रम आतुर. अस्‍के ईर येसुनतोनि मत्‍तोर आंदुर इंचि ओर्कुन एरपाट कीतुर.

पिलिपिया 1:28

बदे पोल्‍लेक आयि, बेसता कबुर वेहते तकलिप कियानोर्कुंक मिमेट वेरियमट, दैरनेमते मंटु. मीवा दैरनेमतुन हूळसि, मोमोट नासडेम आंतोम, पेन ओर्कुन कापाळंता इंचि तकलिप कियानोर्कुंक तेळियंता. इद पेनदा कबळे आंद.

याकोब 2:23

अय्ते, “अब्राहाम पेन पोर्रो विस्वासम कीतोर, अस्‍के पेन ओन नीतिमंतुड इत्‍ता,” इंचि दर्मसास्‍त्रमता पोल्‍ले पूरा आता. अल्‍हेने अब्राहाम पेनदा दंटातोर इंचि पोरोल दोर्किच्‍कुत्‍तोर.

1 पत्रु 3:14

ओक्‍कला मिमेटगिंटा नीति कबाह्‍क कियानेंके मीक कस्‍टाल्‍क वायिना, पेन मीक आसिर्वाद हिय्यार. ओर वेराहते मिमेट वेरियमट, परेसान आयमट.

पेन हुपिस्‍ता पोल्‍लें 2:10

बव तिप्‍पल्‍क अय्ते नीकु वायानव मंतां अवुना बारेमते निमे वेरियमा. हुळाट! देय्यम मी अव्टेटाल इच्‍चुर लोकुल्‍कुन जेलने वाटंता, मीवा विस्वासमता परिक्‍सा एतालय अल्हा जर्गार. मीकु पदि रोजकु तिप्‍पल्‍क अर्रापींता. हायाना वेला वायिनागानि मिमेट विस्वासमते गट्‍टिगा मंटु. अस्‍के मीकु पिस्वरता किरिटम हींतन” इंचि इत्‍ता.