लूकाल 11:9 - पवित्र पोल्‍ले

⁹ अदुनहाटीं नना मीकु वेहचंतन पेनदुन तल्कसेक मंटु, मीकु हिय्यार. पह्कसेक मंटु, मीकु दोर्कार. तलपुन टोक-टोक कीसेक मंटु, मीवाहाटीं तल्‍पु तेंडार.

लूकाल 11:9 Iomraidhean Croise

मत्‍तयाल 21:22

मिमेट विस्वासमतोनि पारतनाते बतल तल्‍किना अद मीकु दोर्कार,” इत्‍तोर.

मत्‍तयाल 21:31

अय्ते आ इव्वुर मर्कनाल बा मर्रि बाबोना पोल्‍ले केंजताप? इंचि येसु ओर्कुन पूसकीतोर. अस्‍के ओर, “पेद्‍दा मर्रि केंजतोर,” इंचि इत्‍तुर. “नना निजम वेहंतन, बोगामोताह्क आनि कर वसुल कियानोर मीकन्‍ना मुन्‍ने पेनदा राज्येमते दांतुर.

मत्‍तयाल 6:29

गानि नना वेहानद बतल इत्‍ते, सुलेमान राजाल वेल्‍लेन सिरमंत मंचिगुडा ओना कपडिं आ पूतानाल उंदि पूतातच्‍चोगुडा सोकु मनाहिल्‍लें.

मरकुस 11:24

अदुनहाटीं नना मीकु वेहांतन, मिमेट विस्वासमतोनि पारतनाते बतल तल्‍किना, अद मीकु दोर्कता इंचि विस्वासम कीम्‍टु, अस्‍के अद मीवादे आंता.

मरकुस 13:37

इद नना मीक वेहतन, अल्‍हेने अंटोर्कगुडा अदे वेहासेक मंतन. तेल्‍विते मंटु,” इंचि येसु ओर्क वेहतोर.

लूकाल 11:10

बारित्‍ते बोर अय्ते तल्कंतोर ओन्क हियमळ जर्गंता. बोर अय्ते पह्कंतोर ओन्क दोर्कंता. बोर अय्ते तल्‍पुन तनंतोर ओनाहाटीं तल्‍पु तेंडमळ जर्गंता.

योहान 14:13

अदुनहाटीं, मिमेट नावा पोरोल्ते बतल तल्‍किना, नावा बाबांक महिमा वायानाहाटीं नना अदुन कींतन.

योहान 15:16

नाकुन मिमेट पेर्रा हिल्‍लिर, गानि मीकुन नना पेरतन. पेरसि, मिमेट बेसता कबाह्‍क कीसेक बेस पलम हियगोम, इंचि नना मीकुन निलाहतन. अल्हा कीते, मिमेट नावा पोरोल्ते बाबान बतल तल्किनागानि, अद मीकु दोर्कंता.

योहान 15:7

मिमेट ना लोप्पो आनि नावा पोल्‍लें मीलोप्‍पो मनानय्ते, मीकु गावाले मत्‍तद बतल तल्‍किना, अद मीवाहाटीं कियमळ जर्गंता.

योहान 4:10

अस्‍के येसु, “ओक्‍कला निमे, पेनदा वरमतुन आनि उनालय एर हीम इंचि नीकुन तल्कानोर बोर आंदुरो, एरपाट कीसि मत्‍ते, निमेने कुद्‍दु नाकुन एर तल्किस मन्‍नेन, अस्‍के नना नीकु पिस्वर हियना एर हीसि मन्‍नेन,” इंचि इत्‍तोर.

रोम सहरतोरहाटीं पौलुसना सिट्‍टि 2:7

बोर अय्ते बस्‍केळ्‍क बेसता कबाह्‍क कीसेके, पेनदाहेंदाल कदर, दोसेम हिल्वा पिस्वरतुन दोर्किच्‍कुनालय हूळांतुरो पेन ओर्क बस्‍केळ्‍क पिस्सना पिस्वर हींता.

2 कुरेंति 6:2

बारित्‍ते पेनदा दर्मसास्‍त्रमते, “बेसता वेलाते नना नीवा पोल्‍ले केंजतन, मुक्‍तिता रोजुने नना नीकु सहाय्यम कीतन,” इंचि रासि मंता. हुळाट, बेसता वेला इदे आंद, इदे मुक्‍तिता रोजु आंदु.

इब्रि 11:6

विस्वासम हिल्‍वद पेनदुन बोरे कूस किया पर्रुर. पेनदागा वायाना हरेक मनकल, पेन निजमते मंता आनि दान हट्‍टु पीसि पहकानोंक अद बेसता इनाम हींता इंचि विस्वासम किया पींता.

इब्रि 4:16

अय्ते वट! गट्‍टिगा दैरनेम कीसि मनम पेनदा दयाता राजगद्‍दे दग्गेर्क दाकोम. दीनहेंदाल मनाकु अव्‍सरम मत्‍तस्के, मना सहायमहाटीं ओना कुर्पा आनि दया दोर्कार.

याकोब 1:5

गानि मीवा लोप्पोटाल बोनकन्‍ना बुद्‍दि तक्‍को मत्‍ते पेनदुन तल्‍कट, अस्‍के पेन हींता. बारित्‍ते अद बतले तप्‍पु दोस्‍साका, तल्कतोर अंटोर्कुंक वेल्‍लेने हींता.

याकोब 5:15

ओर विस्वासमते कीता पारतनाते बिमारतोर बेस आयानुर. सामि ओन बिमारताल तेहाचि निप्‍संतोर, ओर पापम किय्यिनागानि ओना पापमतुन मापि कींतोर.

1 योहान 3:22

इंका दाना आदेस परकारम ताकसेके, अद कूस आयाना कबाह्‍क कीसेके मत्‍ते, मनम बतल तल्‍किना अद मनाकु हींता.

पेन हुपिस्‍ता पोल्‍लें 2:24

गानि तुयतीराते अद कराहताप ताकवोर कळमतोर मिमेट बोर अय्ते विस्वासिर मंतिरो, मीक नना बतल वेहांतन इत्‍ते, मिमेट देय्यमता लोप्पोटा मर्ममतुन एरपाट किया हिल्‍लिर अदुनहाटीं नना मीपोर्रो इंका बर्वु वाटोन.