लूकाल 11:2 - पवित्र पोल्‍ले

² अस्‍के येसु ओर्कुन, मिमेट पारतना कियनेंके इल्‍हा इंटु, “ए मावा पेनबाबा, नीवा पोरोलतुन अंटोर कदर कियिरकांटी. निमेन मापोर्रो राज्येम कीम.

लूकाल 11:2 Iomraidhean Croise

मत्‍तयाल 10:32

बोर अय्ते लोकुल्‍कुना मुन्‍ने नाकुन एरपाट कींतन इंचि ओप्‍कुंतोरो, ओन ननागुडा स्वर्गमते मनना पेनबाबाना मुन्‍ने नावा सिस्युड इंचि ओप्‍कुंतन.

मत्‍तयाल 5:16

अदुनहाटीं मीवा पिस्वर लोकुल्‍कुना मुन्‍ने इल्‍हा मनना गदा मीवा वेलगुनसोंटा बेसता कबाह्‍कुन हूळसि वेरेतोर स्वर्गमता बाबानद कदर कियानुर.

लूकाल 11:1

उंदि मल्का येसु उंदि जेगाते पारतना कीसेक मत्‍तोर. पारतना आतंका ओना सिस्युल्‍कुनाल वरोर सिस्युड ओन, “सामि, योहान ओना सिस्युल्कुंक बल्हा पारतना कियमळ कराहतोरो, अल्हेन निमे माकुगुडा पारतना बल्हा कियमळो करहा,” इंचि इत्‍तोर.

रोम सहरतोरहाटीं पौलुसना सिट्‍टि 1:7

रोम सहरते मनना मीकु अंटोर्क ई सिट्‍टि रासि नना बतल वेहासेक इत्‍ते, पेनदुक मिमेट इत्‍ते वेल्‍लेन पावरम. इंका अद मीकुन दाना पवित्र लोकुल्‍क आयालय केयता. मना पेनबाबाल आनि येसु किरिस्‍तु सामिनहेंदाल मीकु कुर्पा, सांति दोर्कि.

रोम सहरतोरहाटीं पौलुसना सिट्‍टि 8:15

पेन मीकुन मर्रा दासुल्क कीसि वेराहलय दाना आत्मातुन हिया हिल्‍ले. गानि अद मीकुन दाना मर्क-मियाह्क इनालय तयार कीता. दानहेंदाल मनम पेनदुन, “बाबाल,” इंचि केया परंतोम.

1 कुरेंति 1:3

मना पेनबाबाल आनि सामि येसु किरिस्‍तुनाहेंदाल कुर्पा, सांति दोर्कसेक मन्‍निकांटी.

2 कुरेंति 1:2

मना पेनबाबाल आनि सामि येसु किरिस्‍तुनाहेंदाल मीक कुर्पा, सांति दोर्कसेके मनि.

गलातिया 1:4

मनम मनना ई पापि दुनियाताल मनाकुन पिसागोटना इंचि मना पेनबाबाना इच्‍चा मत्‍ता. अदुनहाटीं येसु किरिस्‍तु मनाहाटीं ओना जीवा हीसि पेनबाबाना इच्‍चातुन पूरा कीतोर.

इपीसि 1:2

मना पेनबाबानहेंदाल आनि सामि येसु किरिस्‍तुनाहेंदाल मीकु कुर्पा, सांति दोर्किकांटी.

पिलिपिया 1:2

मना पेनबाबानाहेंदाल, मना सामि येसु किरिस्‍तुनहेंदाल मीकु कुर्पा, सांति दोर्कि.

पिलिपिया 4:20

मना पेनबाबान युगा-युगाल्‍कुनदाका स्‍तुति कीकोम. आमीन.

1 तेसलोनि 1:1

नना पौलुस, सिल्‍वानुस आनि तिमोति मोमोट इद सिट्‍टि मीक तेसलोनि सहरते मंदना कलिसियातोराहाटीं रासेके मंतोम. मिमेट पेनबाबाल आनि सामि येसु किरिस्‍तुनतोनि कलियसि मंतिट इंचि मीक पेनदाहेंदाल कुर्पा, सांति दोर्किकांटी.

1 तेसलोनि 1:3

मिमेट विस्वासमते कियाना कबाटुन, पावरमते कियाना मीवा कस्‍टमतुन अल्‍हेने सामि येसु किरिस्‍तुनापोर्रोटा आसेते ओप्के पीसि मत्‍तादुन मोमोट मना पेनबाबाना मुन्‍ने बस्‍केळ्‍क मति कीसेके मंतोम.

2 तेसलोनि 2:16

मना सामि येसु किरिस्‍तु आनि पेनबाबाल मनाकुन पावरम कीसि, ओना कुर्पाहेंदाल बस्‍केळ्‍क मनना सांति, बेसता आसे हीतोर.

पेन हुपिस्‍ता पोल्‍लें 11:15

एडुंगो दूता तूताकोम उह्कता, अस्‍के स्वर्गमते पेद्‍दा आवाज केंजावाता. अद आवाज, “दुनियाता पूरा राज्येम मना सामिनद आनि ओना किरिस्‍तुनद आता. युगा-युगाल्‍कुनदाका ओरे राज्येम कींतोर,” इंचि इत्‍ता.

पेन हुपिस्‍ता पोल्‍लें 15:4

हे सामि सिराप निमेने पवित्र मंतिन, असोंटस्के नीकु वेरियाकोंटा, नीवा पोरोलता महिमा कियाकोंटा बोर मना पर्रांतोर? नीवा न्‍यायमतुन अंटोर हूळतुर, अदुनहाटीं दुनियाता अन्‍नि देसेल्‍कुना लोकुल्‍क निहगा वासि नीके मोळ्‍कानुर.”

पेन हुपिस्‍ता पोल्‍लें 19:6

पजा नाकु वेल्‍लेन मंदितालेसीं आवाज, वेल्‍लेन एता तळाना आवाज आनि मब्बु उरुमताप आवाज केंजावाता. अद आवाज, “हालेलुया! सामि मना पेनबाबाल वेल्‍लेन सक्‍तिमंतुड आंदुर. ओरे राज्येम ताकिचेके मंतोर.

पेन हुपिस्‍ता पोल्‍लें 20:4

मर्रा राजगद्‍दें हूळतन. अवुनपोर्रो उद्‍दिस मत्‍तोर्कुंक न्‍यायम कियाना अदिकारम हीसि मत्‍ता. इंका येसुना बारेमते गवाइ वेहताहाटीं आनि पेनदा पोल्‍ले वेहताहाटीं बोरा तल्‍लां अय्ते कोयमळ जर्गता, बोर अय्ते जिवरासितुन हिलाकोंटे दाना बोम्मातुन मोळ्‍का हिल्‍लुर आनि कपालमपोर्रो हिलाकोंटे कय्दापोर्रो दाना चिन्‍ह वाटकुना हिल्‍लुर असंटोरा आत्मान नना अगा हूळतन. ओर मर्रा जीवाते तेदसि किरिस्‍तुनतोनि कलियसि वेय वर्सनदाका राज्येम कीतुर.