लूकाल 10:2 - पवित्र पोल्‍ले

² ओर्कुन लोहानेंके इल्‍हा वेहातोर, “पंटा वेल्‍लेने पंडुता गानि बूतिनोर तक्‍को मंतुर. अदुनहाटीं पंटाता मालकुंक बूतिनोर्कुन पंटा कोय्‍यालय लोहा इंचि विनंति कीम्‍टु.

लूकाल 10:2 Iomraidhean Croise

मत्‍तयाल 20:1

येसु मर्रा इल्‍हा इत्‍तोर. नना मीकु स्वर्ग राज्येम बारेमते उंदि वेसुड वेहंतन केंजट. वरोर मालक मत्‍तोर. ओर हक्‍केरेने तेदसि, ओना अंगुर बगिचाते कबळ कियालय बूतिनोराहाटीं पलाते होत्‍तोर.

मरकुस 13:34

इद वरोर मनकनलेसीं मंता, बोर अय्ते पय्‍नेम होनाका मुन्‍ने, ओना जीतागाह्कुन केय्‍सि, बोना कबळ ओनकु अप्‍पजेपसि, लोतुन कावेल कियानोन ‘तेल्‍विते मन’ इंचि आदेस हींतोर.

मरकुस 16:15

पजा ओर्कु इल्‍हा वेहतोर. “मिमेट होंचि दुनियाता अन्‍नि देसेल्‍कुना लोकुल्‍कुंक बेसता कबुर प्रचार कीम्‍टु.

मरकुस 16:20

पजा येसुना सिस्युल्कु नालुं-मूलां होंचि अन्‍नि जेगाने ओना बारेमते प्रचार कीतुर. सामि ओरतोनि मंचेके कबळ कियुंदुर. कबळ कियनेंके जर्गना चिन्‍हाना हेंदाल सामि ओना पोल्‍ले निजम इंचि रुजुव कियुंदुर. आमेन.

लूकाल 9:1

येसु ओना पन्‍नेंड सिस्युल्कुन केय्‍सि ओर्क अन्‍नि देय्याल्कुन पेचाहनद, बिमार मत्‍तोर्कुन बेस कियना ताकत, अदिकारम हीतोर.

प्रेरितुल्‍कुना कबाह्‍क 11:19

स्‍टिपन हासोत्‍ता पज्जो वेल्‍लेन कस्‍टाल्‍क वातां, अदुनहाटीं लोकुल्‍क सिल्‍लर आसि हिके-हेके पायसि होत्‍तुर. आ लोकुल्‍क पिनिके, साइप्रस, अंताकिया इनना सहरकुने होंचि अगा सिराप यहुदिल्कुंके पेनदा बेसता पोल्‍ले वेहचेके मत्‍तुर.

प्रेरितुल्‍कुना कबाह्‍क 13:2

उंदि रोज ओर ओक्‍कापोद्‍दु मंचि सामिंक आरादना कीसेके मननेंके पवित्र आत्मा ओर्कुन, “नना बद कबळताहाटीं बरनाबासुन आनि साऊलुन पेरकुत्‍तनो, अदुन कियानाहाटीं ओर्कुन अलग कीम्‍टु,” इंचि इत्‍ता.

प्रेरितुल्‍कुना कबाह्‍क 13:4

पवित्र आत्माहेंदाल ओर्कुन लोहतारित्‍ते ओर सिलुकिया सहरते होत्‍तुर, अगटाल उंदि डोंगाते उद्‍दिस साइप्रस दीबेहेके पेय्‍स्‍तुर.

प्रेरितुल्‍कुना कबाह्‍क 20:28

पवित्र आत्मा मीकुन मीवा कलिसियातोरपोर्रो कोहानोन-मेहानोन लेह्का पेर्कुत्‍ता. अद मंदातुन पेन कुद्‍दु दाना मर्रिना नेत्‍तुर हीसि असकुत्‍ता. अदुनहाटीं मीवद मिमेट अल्‍हेने मीवा जिम्मेदारिते मनना मंदातुनगुडा मिमेट बेस कापाळसेके मंटु.

प्रेरितुल्‍कुना कबाह्‍क 22:21

अस्‍के सामि नाकुन, निमे होन, नना नीकुन वेल्‍लेन लक्‍कु वेरे जातितोरा लोप्पो लोहंतन,” इंचि इत्‍तोर.

प्रेरितुल्‍कुना कबाह्‍क 8:4

गानि सिलर-सिलर आसि होत्‍ता विस्वासि लोकुल्‍क मात्रम बगा-बगा अय्ते होत्‍तुरो अगा-अगा ओर लोकुल्‍कुंक पेनदा बेसता कबुर वेहुंदुर.

1 कुरेंति 12:28

कलिसियाता लोप्पो पेन मोदाला प्रेरितुल्कुन, ओरा पज्जो पेनदा कबुरतोर्कुन, ओरा पज्जो पेनदा पोल्‍लें कराहनोर्कुन, ओरा पज्जो अद्‍बूतामाता कबाह्‍क कियानोर्कुन, ओरा पज्जो बिमार्कुन बेस कियानोर्कुन, ओरा पज्जो सहायम कियानोर्कुन, राज्येम ताकसानोर्कुन आनि वेरे-वेरे बासां वळ्कानोर्कुन निलाहता.

1 कुरेंति 15:10

गानि इंदके बतलय्ते मंतानो, पेनदा कुर्पाहेंदाले मंतन. अद कुर्पा नाक एर्तम आयाहिल्‍ले. नना कळमता प्रेरितुल्‍कुंकन्‍ना एक्‍को कस्‍टम कीतन. अय्नागानि निजम इत्‍ते नना किया हिल्‍लेन, पेनदा कुर्पा नावातोनि मत्‍ता, अदे कीता.

2 कुरेंति 6:1

मोमोट पेनतोनि कलियसि कबळ कियानोर्कुम आताहाटीं मीक विनंति कीसेक मंतोम, मीक दोर्कता पेनदा कुर्पातुन एर्तम आया हियमटु.

पिलिपिया 2:21

अंटोर ओर-ओरा कबाह्‍कुने मुळ्‍गिसि मंतुर, येसु किरिस्‍तुना बारेमते विचारम कियानोर बोरे हिल्‍लुर.

पिलिपिया 2:25

नाकु अव्‍सरम अरतस्के सहायम कियनाहाटीं मिमेट इपपरदिसुन नाहेके लोहतिर. बेसता कबुर वेहनेंके वरोर सिपाइन लेह्का ओर नावा तोळ मत्‍तोर आंदुर, ओर नावा तम्मुनसंटोर आंदुर. गानि ओन मर्रा मीहेके लोहना इंचि नावा मनसु मंता. मीकुन हूळालय ओर इरगा गाबर आसंतोर. ओर बिमार अरता संगति मिमेट केंजतिर इंचि ओन्क तेळियतस्के ओर वेल्‍लेन नाराज आतोर.

कुलुसि 1:29

इदुनहाटीं किरिस्‍तुना पूरा ताकत नावा लोप्पो गट्‍टिगा कबळ कीसेके मंता, दानाहेंदाल नना मनसु दोस्‍सि बागा कस्‍टम कीसेके मंतन.

कुलुसि 4:12

किरिस्‍तु येसुना दासुड इपप्रास ईर मीवा लोप्पोटोरे आंदुर, मीक जोहार वेहासेक मंतोर. मिमेट पेनदा इच्‍चा मत्‍ताप पुरागा आसि, विस्वासमते गट्‍टिगा निल्‍सि मनागोम इंचि ओर बस्‍केळ्‍क मीवाहाटीं जोर हीसि पारतना कीसेके मंतोर.

1 तेसलोनि 2:9

विस्वासुल्‍कुनिटा! मावा कस्‍टम, तकलिप मीक मते मंदार. मोमोट मीक बोनके बर्वु आयामन्‍नि इंचि नर्का-पिय्यल कबळ कीतोम. अल्हा कीसेके पेनदा बेसता कबुर मीक वेहचि मत्‍तोम.

1 तेसलोनि 5:12

विस्वासुल्‍कुनिटा! बोर अय्ते मीवा नड्‍डुम कस्‍टपळसि, सामिना हर्दे मीकुन मुन्‍ने अर्सि ताकिचेके कराहंतुर, ओर्क मिमेट कदर हीम्टु. ओर कियाना बेसता कबाह्कुनाहाटीं पावरमते ओर्क एक्‍को मान-मर्यादा कीम्‍टु, वरोंक-वरोर बेस सांतिते मंटु, इंचि मीकु विनंति कींतन.

2 तेसलोनि 3:1

विस्वासुल्‍कुनिटा! मीक आकिरते वेहानद बतल इत्‍ते, सामिना पोल्‍ले मीलोप्‍पो पैलांचतापे, वेरेतोरा लोप्‍पोगुडा बिराना पैलांचि पेद्‍दातनम दोर्कनाहाटीं पारतना कीम्‍टु.

1 तिमोति 4:10

इदुनाहाटींगें मनम बागा कस्‍टपळसेके, पोराटम कीसेके मुन्‍नेळ्‍क ताकसेके मंतोम. बारित्‍ते मनम मना आसे, बस्‍केळ्‍क जीवाते मननद आनि अंटोर लोकुल्‍कुन कापाळना पेनदापोर्रो इरतोम, विसेस कीसि दान विस्वासम कियानोर्कुन पिसागोटना पेनदापोर्रो इरतोम.

2 तिमोति 4:5

गानि निमे बसोंटा परिस्तिति वायिना, पजोळ्क होनाकोंटा नित्‍तिसि मन. तकलिप्क वाते सहन कीम, बेसता कबुरतुन वेहाना नीवा कबळतुन कीसेके, निमे कियना पेनदा सेवाता कबळ पुरागा कीम.

पिलेमोन 1:1

नना पौलुस, किरिस्‍तु येसुना बारेमता बेसता कबुर वेहताहाटीं कैदिन आसि जेलने मंतन. ना तम्मुनलेसीं मनना तिमोतिनाहेंदाल ना पावरमगल्‍ला दंटातोर पिलेमोनुंक, मावा हेलड अपियांक, बेसता कबुर वेहानाहाटीं मावालेसीं लडाइ कियना अरकिपुसुंक, अल्‍हेने नीवा लोते जमा आयाना कलिसियातोर्क इद सिट्‍टि रासेक मंतन.

इब्रि 3:6

गानि पेनदा विस्वासमगल्‍ला मर्रि, किरिस्‍तु, पेनदा पूरा लोतोरा अदिकारि आसि मत्‍तोर. मनमगिंटा मना विस्वासम आनि आसेता बारेमते आकिरदाका इरगा गट्‍टिगा मत्‍ते, मनमगुडा पेनदा लोतोरम आसि मनंतोम.

पेन हुपिस्‍ता पोल्‍लें 2:1

इपीसि सहरता कलिसियाता दूताक इल्‍हा रासा. बोर अय्ते ओना तिना कय्‍दे एडुं सुक्‍कां पीसि मनांतोर, आनि बंगारमता एडुं दीसोडिन नड्‍डुम तिरियंतोर इव ओना पोल्‍लें आंदु.