लूकाल 1:1 - पवित्र पोल्‍ले

^1-4 तियपिलुस सायाब, मावा नड्‍डुम येसु कीता कबाह्‍कुना बारेमते वेल्‍लेन लोकुल्‍क रासालय कोसिस कीतुर. बोर अय्ते जर्गुता आ गटनन कळ्‍कुने हूळतुर आनि पेनदा बेसता कबुरतुन कराहतुर, ओरे माकु ई पोल्‍लें एव्विचि हीतुर. माकु एव्ता पोल्‍लेन ननागुडा बेस हदविसि, परमेरका कीसि तेळियागोटकुत्‍तन. अदुनहाटीं इव अन्‍नि पोल्‍लेन बेस उंदान पज्जो उंदि नीकु रासि लोहना इंचि नाकु अनपिस्ता. दीनहेंदाल निमे बतल अय्ते करियतिनो, अदे निजम इत्‍ता संगति नीकु तेळियंता.

लूकाल 1:1 Iomraidhean Croise

मरकुस 16:20

पजा येसुना सिस्युल्कु नालुं-मूलां होंचि अन्‍नि जेगाने ओना बारेमते प्रचार कीतुर. सामि ओरतोनि मंचेके कबळ कियुंदुर. कबळ कियनेंके जर्गना चिन्‍हाना हेंदाल सामि ओना पोल्‍ले निजम इंचि रुजुव कियुंदुर. आमेन.

योहान 20:31

गानि येसे किरिस्‍तु, ओरे पेनदा मर्रि, इंचि मिमेट विस्वासम कीसि ओना पोरोल्ते पिस्वर दोर्किच्‍कुननाहाटीं, इवन्‍नि रासमळ जर्गता.

रोम सहरतोरहाटीं पौलुसना सिट्‍टि 14:5

बोरो-बोरो बदाना उंदि रोजुन अन्‍नि रोजकुंकन्‍ना बेसता रोजु इंतुर. इंका बोरो बारे अन्‍नि रोजुक उंदेतीर समानमे इंचि इंतुर. बोरे आयिर मी मनसुने बद बेसतद इंचि अनपिस्‍ते अल्हेन कीम्‍टु.

रोम सहरतोरहाटीं पौलुसना सिट्‍टि 4:21

पेन ओन्क हीता पोल्‍ले, अद पूरा किया परांता इंचि अब्राहामुंक पुरागा बरोसा मत्‍ता.

कुलुसि 2:2

इद कस्‍टम बारि कीसेके इत्‍ते, मिमेट मीवा विस्वासमते दैरनेमते मनना, मिमेट पावरमते वरोंक-वरोर कलियसि मंदना, मीक पूरा बुद्‍दिता पूरा दनम दोर्कना, पेनबाबाना मर्मम इत्‍ते किरिस्‍तुना लोप्पो मक्‍किस मत्‍ता बुद्‍दि, तेल्‍विता कजानातुन एरपाट कियाना.

कुलुसि 4:12

किरिस्‍तु येसुना दासुड इपप्रास ईर मीवा लोप्पोटोरे आंदुर, मीक जोहार वेहासेक मंतोर. मिमेट पेनदा इच्‍चा मत्‍ताप पुरागा आसि, विस्वासमते गट्‍टिगा निल्‍सि मनागोम इंचि ओर बस्‍केळ्‍क मीवाहाटीं जोर हीसि पारतना कीसेके मंतोर.

1 तेसलोनि 1:5

बारित्‍ते, मोमोट वेहता बेसता कबुर सिराप पोल्‍लेनतोने आयो गानि ताकतते, पवित्र आत्माते आनि पूरा गट्‍टि विस्वासमते मिहगा वाता. मोमोट मीवा नड्‍डुम मंचेके बल्हा ताकतोम मीक एरपाटे मंता.

1 तिमोति 3:16

मना बक्‍तिता सत्‍तेमता मर्मम वेल्‍लेन पेद्‍देद, इव्टे बतले अनमानम हिल्‍ले: किरिस्‍तु मनकना रूपमते पुटतोर, ओनगा बतले दोसेम हिल्‍ले इंचि पवित्र आत्मा वेहता, पेनदा दूतांक ओर दिसतोर, ओना बारेमते दुनियाता अन्‍नि देसेल्‍कुना लोकुल्‍कुंक प्रचार कियमळ जर्गता, दुनियातोर ओनपोर्रो विस्वासम इरतुर आनि पेनदा कदरते ओन मर्रा स्वर्गमते तेहामळ जर्गता.

2 तिमोति 4:17

गानि नाहेंदाल बेसता कबुर अंटोर्क एव्‍सि, दान यहुदि आयवोर अंटोर केंजगोम इंचि, सामि नाकु तोळ मंचेके नाकु बलम हीतोर. इल्‍हा नाकुन सिंहम तोळ्‍दाल कापाळतोर.

इब्रि 10:22

अदुनहाटीं मनम सत्‍तेम मनसुने, पुरागा विस्वासमते, इंका मना विवेकमतुन दोसेम हिलाकोंटा कियानाहाटीं मना मनसुनपोर्रो किरिस्‍तुना नेत्‍तुर सल्सि, इंका मेंदुल्तुन बेस साप एते नोर्सि पेनदा दग्गेर्क दाकोम.

इब्रि 6:11

मनम बदुनाहाटीं अय्ते आसे पळसि एदुर हूळसेक मंतोमो अद दोर्कनदाका, मी लोप्पोटा हरेक मनकल पुरागा गट्‍टि आसेते आकिरदाका कोसिस कीसेके मनना इंचि मोमोट मनसुनाल कोरसंतोम.