योहान 9:7 - पवित्र पोल्‍ले

⁷ होकसि, “निमे सिलोम सेरवुनगा होंचि कळ्‍कुन नोर्कुन,” इंचि येसु आ गुड्‍डोन इत्‍तोर. अस्‍के ओर गुड्‍डि होंचि कळ्‍कुन नोरतस्के, ओना कळ्‍क दिसालय दल्‍गतां. अस्‍के ओर मल्सि वातोर.

योहान 9:7 Iomraidhean Croise

मत्‍तयाल 11:5

गुड्‍डोर्क हूळसंतुर, कुंटोर्क ताकसंतुर, कुस्‍टरोगम आतोर बेस आसंतुर, सेव्टोर्क केंजसंतुर, हातोर्कुंक जीवां अरसंतां आनि गरिबोर्कुंक बारे बेसता कबुर एवसंता.

लूकाल 13:4

सरे इंदके वेहाट! सिलो इनना गोपुरम कूलसि अरताहेंका पद्‍देनमिदि मंदि मनकालोर हातुर. अय्ते ई गोपुरम कूलता वेलाते येरुसलेमते मत्‍ता वेरे मनकालोर्कुंकन्‍ना हासोत्‍ता ई पद्‍देनमिदि मनकालोर एक्‍को तप्पु कीतुर इंचि इन्कुंचंतिरा?

लूकाल 2:32

वेरे जातिनोर्क बेसता हर्रि हुप्‍सना वेल्‍गु, नीवा इस्राएल लोकुल्‍कुंक पेनदाहेंदाल दोर्कुता पेद्‍दातनम ओरे आंदुर.”

योहान 11:37

गानि इच्‍चुर लोकुल्‍क, “ईर मनकल, वरोर गुड्‍डिंक कळ्‍क दिस्‍सानाल कीतोर अय्ते, लाजरुन हामुरताल कापाळा पराकोन्‍नेरा?” इंचि इत्‍तुर.

योहान 9:11

अस्‍के आ मनकल, “येसु पोरोलतोर वरोर मनकल बुर्दा कीसि, ना कळ्‍कुंक होकतोर, होकसि, ‘सिलोम सेरवुने कळ्‍कुन नोर्कुन,’ इंचि इत्‍तोर. होंचि नोरतन अय्ते, नावा कळ्‍क दिसालय दल्‍गतां,” इंचि ओर जवाब हीतोर.

योहान 9:39

अस्‍के येसु, “नना इद दुनियाते न्‍यायम कियालय वातन. गुड्‍डिर्क कळ्‍क दिस्सागोटालय आनि बोर अय्ते, ‘मोमोट अन्‍नि हूळा परंतोम’ इनकुंतुर, ओर्क ओर गुड्‍डिर्क इंचि हुप्‍सालय नना वातन,” इंचि इत्‍तोर.

प्रेरितुल्‍कुना कबाह्‍क 26:18

ओर्कुन हीकटताल वेल्‍गुनहेके, देय्यमता अदिकारमताल पेनदाहेके तिरियना हर्रि हुप्‍सालय नीकुन लोहसेक मंतन. ओर अल्हा तिरियते, ओरा पापाल्क मापि आंतां, अल्‍हेने नापोर्रो बोर अय्ते विस्वासम कीसि पवित्र आतुरो, ओरतोनि ओर्कु वारसाहक्‍क दोर्कार,” इंचि येसु नाकु वेहतोर.

रोम सहरतोरहाटीं पौलुसना सिट्‍टि 8:3

मनकालोरा बुद्‍दि पापमता कय्‍दा हिळु मत्‍ताहेंका मनम मूसाना नियमतुन केंजाकोंटा मत्‍तोम. अदुनहाटीं अद नियम मनाकुन पिसागोटा पराहिल्‍ले, अदुन पेने पिसागोटा परता. अद बल्हा इत्‍ते, पेन दाना मर्रिन इद बूमिते लोहचीता. ओर मनकालोरा पापाल्कुन तेंडसि पोहनाहाटीं, मनकाना मेंदुल्ते मारियतोर. अदे मेंदुल्ते ओर मना पापाल्कुना सिक्‍सातुन ओनपोर्रो एतकुत्‍तोर.

गलातिया 4:4

गानि बस्के अय्ते पेन निरनायम कीता वेला एवता, अस्‍के दाना मर्रिन ई दुनियाते लोहता. ओर मूसाना नियम परकारम ताकानोरा लोप्पो उंदि मुरतटा पीटे पुटतोर.