योहान 9:4 - पवित्र पोल्‍ले

⁴ नाकुन लोहतोना कबाह्‍कुन मनम, पोळ्‍द होनाका मुन्‍नेन महापींता. बोरे कबळ किया परुर असोंटद नर्का वायनद मंता.

योहान 9:4 Iomraidhean Croise

मत्‍तयाल 20:7

अस्‍के, “माकुन बोरे बूतिक केया हिल्‍लुर, दानहेंके मोमोट नित्‍तिसि मंतोम दादा!” इंचि ओर इत्‍तुर. अस्‍के, “अल्हा अय्ते मिमेट इंका नावा अंगुर बगिचाते कबळ कियालय होंट,” इंचि आ मालक ओर्कुन वेहतोर. अस्‍के ओर होत्‍तुर.

मरकुस 3:3

“अंटोरा मुन्‍ने वासि नित्‍ता,” इंचि येसु, कय वत्‍सोत्‍तोन इत्‍तोर.

योहान 10:32

अय्ते येसु, “नावा बाबाल नाकु वेहताप नना वेल्‍लेन बेसता कबाह्‍क मीकु कीसि हुपिस्तन. अव्टेटाल बद कबळहाटीं नाकुन बंडाने तनालय हूळसंतिर?” इंचि ओर्कुन पूसकीतोर.

योहान 10:37

नावा बाबाल कियना कबाह्‍क नना कियाकोंटे, नाकुन नममट.

योहान 12:35

अस्‍के येसु, “वेलगु मीतोनि इंका जेरासेप मनंता. हीकट मीकुन मुच्‍चका मुन्‍नेन, वेलगुने मिमेट ताकसेके मंटु. बारित्‍ते हीकटते ताकानोर, ओर बगा दांतोर ओनद ओन्‍के तेळियो.

योहान 4:34

अस्‍के येसु ओर्क इल्‍हा वेहतोर: “नाकुन लोहतोना इच्‍चा मत्‍ताप ताकमळ, ओर वेहता कबाह्‍कुन पूरा कियमळ, इदे नावा तिंडि आंद.

योहान 5:19

अस्‍के येसु ओर्क इल्‍हा वेहतोर: “नना मीकु निजम-निजम वेहचंतन, मर्रि ओनद-ओर बतले किय्योर. गानि बाबो बतल-बतल अय्ते कींतोर, बाबो कियनदुन हूळसि मर्रि अल्हेन कींतोर.

योहान 5:36

गानि योहानुना गवाइकन्‍ना पेद्‍दा गवाइ नहगा मंता. बारित्‍ते पूरा कियनाहाटीं पेनबाबाल नाकु हीता कबाह्‍क आनि नना कियना कबाह्‍क. इवे पेनबाबाल नाकुन लोहतोर इत्‍तादांकु गवाइ मंतां.

योहान 7:33

अस्‍के येसु ओर्क, “इंका जेर्रासेप नना मीतोनि मनंतन, पजा नाकुन लोहतोनगा नना तिरियसि दांतन.

प्रेरितुल्‍कुना कबाह्‍क 4:20

बदाय्ते मोमोट हूळतोम, केंजतोम अदुन वेहाकोंटा मनमळ मावातोनि आया परो,” इंचि इत्‍तुर.

गलातिया 6:10

अय्ते मरि, मनाकु बल्हा मोका दोर्कते अल्हा अंटोराहाटीं, एक्‍कोते-एक्‍को मना विस्‍वासुल्‍कुनाहाटीं बेस सहायम कीकोम.

इपीसि 5:16

इव रोजकु बेसतव आयों, इंचि दोर्कता हरेक मोकातुन बेसताहाटीं वाळकुंटु.

कुलुसि 4:5

विस्वासम कियवोरतोनि बेस तेल्‍विते ताकट, मोका दोर्कतस्के ओर्क बेसता कबुर वेहाना पायदा तप्‍पाकोंटा एतट.