योहान 9:22 - पवित्र पोल्‍ले

²² यहुदि पेद्‍दाल्कुंक वेरियसि ओना तल्‍लुर-बाबो अल्हा इत्‍तुर. बारित्‍ते येसुए किरिस्‍तु आंदुर इंचि बोर अय्ते ओप्‍कुंतोर, ओन दर्मसास्‍त्रम कराहना लोताल पेचाहमळ जर्गंता, इंचि ओर मुन्‍नेन उंदि आसि मत्‍तुर.

योहान 9:22 Iomraidhean Croise

लूकाल 6:22

मनकना रूपमते पुटता पेनदा मर्रिना सिस्युल्क आताहाटीं, बस्के अय्ते लोकुल्‍क मीकुन हय्साकोंटा आंतुर, गेदमिसींतुर, अपमानम कींतुर, मिमेट हेळसोत्‍तिर इंचि, मीवा पोरोल एताकोंटा आंतुर, अस्‍के मीकु पेन आसिर्वाद हींता.

योहान 1:19

“निमे बोन आंदिन?” इंचि योहानुन पूसकियालय येरुसलेम सहरते मनना यहुदि पेद्‍दाल्क, इच्‍चुर पेर्मालोर्कुन आनि लेवि जातितोर्कुन, ओनगा लोहतस्के योहानुना गवाइ इल्‍हा मत्‍ता.

योहान 16:2

विस्वासम कियवा पेद्‍दाल्क मीकुन दर्मसास्‍त्रम कराहना लोहकुनाल पेच्‍हांतुर. इंका मीकुन हव्कना हरेक मनकल, नना पेनदा सेवा कीसंतन, इंचि इनकुनना कालम वायाना मंता.

योहान 19:38

अवंता आतंका, अरिमताइ नाटेना योसेप इनानोर, पिलातुसनगा होंचि, “येसुना पीनगुन हीम,” इंचि पूसकीतोर. पिलातुस ओम इत्‍तस्के ओर येसुना पीनगुन ओतोर.

योहान 20:19

अदे रोजु इत्‍ते वारमता मोदाटा रोजु, पोळ्‍द अर्रना वेलाक, सिस्युल्क अंटोर, यहुदि पेद्‍दाल्कुना वेर्रेक, तल्‍पुंक तालम वाटसि, उंदि अर्राते जमा आसि मत्‍तुर. अचानक, येसु ओरा नड्‍डुम वासि निल्‍सि, “मीकु सांति दोर्कि,” इंचि इत्‍तोर.

योहान 7:13

गानि यहुदि पेद्‍दाल्कुना वेर्रेकु बोरे लोकुल्‍क येसुना बारेमते कुल्‍ला-कुल्‍ला वळ्‍काकोंदुर.

योहान 9:18

आ मनकल गुड्‍डि मत्‍तोर, इंदके मर्रा ओना कळ्‍क दिसालय दल्‍गतां, इत्‍ता पोल्‍लेतुन यहुदि पेद्‍दाल्क इदवेरादाका गुडा नम्मा हिल्‍लुर. अदुनहाटीं ओर आ मनकना तल्‍लुर-बाबोन केयतुर. केय्‍सि, “ईर मी मर्रेना? पुट्तस्केटाल गुड्‍डिगा पुटतोर इंचि मिमेट इंतिर? अय्ते मरि ईर इंदके बल्हा हूळा परसंतोर?” इंचि पूसकीतुर.

योहान 9:21

गानि इंदके ईर बल्हा हूळा परसंतोरो माकु तेळियो, इंका ईन हूळानाल बोर कीतोरो माकु तेळियो. इंदके ईर सतता बारेमते वळ्कनलायक आतोर, मिमेट ओने पूस कीम्‍टु, ओरे वेहंतोर!” इंचि इत्‍तुर.

योहान 9:34

इव पोल्‍लें केंजसि परिसिल्क, “निमे अय्ते पुरागा पापमते पुट्‍सि-बेरस्तोन आंदिन. निमे माकु कराहंतिना?” इंचेके आ मनकन पेचाहचि गेदुमतुर.

योहान 9:35

आ मनकन पेचाहचि गेदुमतुर इंचि येसु केंजतोर. केंजसि, आ मनकंक कलियसि, “निमे मनकना रूपमते पुटतोन पोर्रो विस्वासम इर्रंतिना?” इंचि ओन पूसकीतोर.

प्रेरितुल्‍कुना कबाह्‍क 4:18

अस्‍के ओर्कुन मर्रा केय्‍सि, “मिमेट येसुना पोरोलते बतले वळ्‍कमट, बतले कराहमट,” इंचि आदेस हीतुर.

प्रेरितुल्‍कुना कबाह्‍क 5:13

अविस्वासुल्‍क ओरतोनि कलियालय वेरियुंदुर, गानि विस्वासुल्कुना बेस कदर कियुंदुर.

प्रेरितुल्‍कुना कबाह्‍क 5:40

अस्‍के पंचादितोर, गमलियेलना पोल्‍ले केंजतुर. पजा प्रेरितुल्कुन लोप्पो केय्‍सि ओर्कुन पोट्‍टेते तन्‍ना वेहचि, येसुना पोरोलते बग्‍गेन वेहमटु इंचि वेहचि होळ्‍सीतुर.

पेन हुपिस्‍ता पोल्‍लें 21:8

गानि वेरियानोर, विस्वासम हिल्वोर, कराब कबाह्‍क कियानुर, हव्कानुर, बोगमतनम कियानुर, होदें कियानुर, बोम्मान मोळ्‍कानुर आनि आबद्‍दम वळ्कानुर अंटोर, गंदकमते गबा-गबा पोतसेके मनना तळमिता सेरवुने अर्रानुर. इदु रोंडो हामुर आंद,” इंचि वेहतोर.