योहान 9:17 - पवित्र पोल्‍ले

¹⁷ पजा परिसिल्क आ गुड्‍डितनमताल बेस आता मनकन, “ओर नीवा कळ्‍कुन बेस कीतोर, अय्ते निमे ओना बारेमते बतल इंतिन?” इंचि इंकुंदि मल्का पूसकीतुर. अय्ते आ मनकल, “ओर वरोर पेनदा कबुरतोर आंदुर,” इंचि इत्‍तोर.

योहान 9:17 Iomraidhean Croise

मत्‍तयाल 21:11

अस्‍के, “ईर गालिल एरियाता नासरेत नाटेना पेनदा कबुरतोर येसु आंदुर,” इंचि लोकुल्‍क वेहुंदुर.

लूकाल 24:19

अस्‍के येसु, “बव पोल्‍लें आंदुं?” इंचि पूसकीतस्‍के ओर इल्‍हा वेहालय दल्‍गतुर. “नासरेत नाटेना येसुना बारेमता पोल्‍लें आंदुं दादा. ओर इसंटा मनकल मत्‍तोर गदा, ओर बतल वेहिना, बतल किय्‍यिना पेनदा ताकततोने कियुंदुर. ओर पेनदा कबुरतोर मत्‍तोर. लोकुल्‍कगुडा ओन बेसतोर इंचि इनुंदुर.

योहान 4:19

अस्‍के अद मुरतळ, “महाराज, नीवा पोल्‍लें केंजसि नाक अय्ते, निमे पेनदा कबुरतोन आंदिन इंचि नाकु तेळियता.

योहान 6:14

येसु कीता इसोंटा अद्‍बूतामाता चिन्‍हतुन हूळसि लोकुल्‍क, “निजमे! इद दुनियाते वरोर पेनदा कबुरतोर वायानोर मत्‍तोर, ओर ईरे आंदुर,” इंचि इनालय दल्‍गुतुर.

योहान 9:15

तत्‍तस्के, आ मनकन, “नीवा दिसवा कळ्‍क बल्हा दिसालय दल्‍गतां?” इंचि परिसिल्कगुडा पूसकीतुर. अस्‍के आ मनकल, “ओर नावा कळ्‍कुंक बुर्दा होकतोर, पजा होंचि नोरतस्के, नावा कळ्‍क दिसालय दल्‍गतां,” इंचि इत्‍तोर.

प्रेरितुल्‍कुना कबाह्‍क 10:38

नासरेत नाटेना येसुन पेन पवित्र आत्मातोनि अबिसेकम कीसि अद्‍बूतामाता ताकत हीता. पेन ओनतोनि मत्‍ताहेंका, ओर अंटोराहाटीं बेसता कबाह्‍क कियुंदुर, देय्याल्कुना मुक्‍याना कय्‍दा हिळु मत्‍तोर्कुन बेस कीसेके तिरियुंदुर, इद मीकु एरके.

प्रेरितुल्‍कुना कबाह्‍क 2:22

इस्राएल लोकुल्‍कुनिटा, इव पोल्‍लें केंजट. पेन नासरेत नाटेना येसुनाहेंदाल पेद्‍द-पेद्‍दा कबाह्‍क, इचंत्रमता कबाह्‍क आनि चिन्‍हां मीवा मुन्‍ने हुपिच्‍चि, पेन लोहतोर ईरे आंदुर इंचि रुजुव कीता, इद मीकु एरपाटे.