योहान 8:47 - पवित्र पोल्‍ले

⁴⁷ बोर अय्ते पेनदा मनकल, ओर पेनदा पोल्‍लें केंजंतोर. गानि मिमेट पेनदा मनकालोर आयिर, अदुनहाटीं मिमेट अव पोल्‍लेन केंजसेक हिल्‍लिर,” इंचि येसु इत्‍तोर.

योहान 8:47 Iomraidhean Croise

योहान 12:48

बोर अय्ते नाकुन हय्साका नावा पोल्‍लेन पिय्योर, ओना न्‍यायम कियनाहाटीं वेरे उंदि मंता. अद नना मीकु कराहता पोल्‍ले आंद. आकिर रोजुननाड ओना न्‍यायम नावा पोल्‍ले किय्‍यार.

योहान 18:37

अस्‍के पिलातुस, “अल्हा अय्ते निमे राजाना?” इंचि इत्‍तोर. अय्ते येसु, “निमेन इंचंतिन नाकुन राजाल इंचि! नना अय्ते सत्‍तेम बारेमते गवाइ वेहालय पुटतन. इद कारनमहाटींगे नना ई दुनियाते वातन. सत्‍तेमते ताकाना हरेक मनकल, नावा अल्किरतुन केंजंतोर,” इंचि वेहतोर.

योहान 5:25

नना निजम-निजम वेहासेक, हासोत्‍तोरगुडा पेनदा मर्रिना अल्किर केंजना वेला वासेक मंता. अद अय्ते वासे मंता. बोर अय्ते अद अल्किरतुन केंजांतुर, ओर्क पिस्वर दोर्कार.

योहान 6:65

पजा येसु, “नना मीकु वेहचि मत्‍तन गदा, बाबाल लोहवद बोरे नहगा वाया परुर इंचि. अदुनहाटींगे इव अन्‍नि पोल्‍लें नना मीकु वेहतन,” इंचि इत्‍तोर.

योहान 8:37

मिमेट अब्राहामुना वंसमतोर इंचि नाकु एरके. अय्नागानि नावा पोल्‍लेंक मीलोप्‍पो जेगा हिलुवाहेंका मीवा लोप्पोटाल इच्‍चुर नाकुन हव्कालय हूळसंतिर.

योहान 8:43

नना वेहानदुन मिमेट असल केंजिर, अदुनहाटींगे नावा पोल्‍लें मीकु अर्तम आयों.

योहान 8:45

अदुनहाटीं नना मीकु सत्‍तेम वेहिनागानि मिमेट नाकुन नम्मिर.

1 योहान 3:10

इदुन पीसे, पेनदा पिलाल्क बोर आंदुर, देय्यमता पिलाल्क बोर आंदुर? इत्‍तद तेळियसि दांता. बोर अय्ते सत्‍तेमते ताकुर, ओरा दादन पावरम किय्युर, ओर पेनदा संतानम आयुर.

1 योहान 5:1

येसु, किरिस्‍तु आंदुर इंचि बोरय्ते विस्वास कींतोर, ओर पेनदा मर्रि आंतोर आनि बोरय्ते पेनतोनि पावरम कींतोर, ओर दाना मर्रिनतोनि इंका पावरम कींतोर.

2 योहान 1:9

किरिस्‍तु कराहता बोदा परकारम ताकाकोंटा बोर अय्ते मुन्‍ने-मुन्‍ने दांतोर, ओर पेनतोनि कलिया हिल्‍लोर. गानि बोर अय्ते किरिस्‍तु कराहता बोदा परकारम ताकंतोर, ओनतोनि पेनबाबाल, मर्रि इव्वुरगुडा मनांतुर.

3 योहान 1:11

पावरमगल्‍ला दंटातोना! निमे ओनालेसीं कराबता जोलिक होन्‍मा, सिराप बेस बतल अदे कीसेके मन. बेसता कबाह्‍क कियानोर पेनदा मनकल आंदुर, सेड्‍डा कबाह्‍क कियानोर पेनदा मनकल आयोर.