योहान 8:44 - पवित्र पोल्‍ले

⁴⁴ मिमेट देय्यमता पिलाल्क आंदिर, देय्यमे मीवा बाबाल आंदुर. अदुनहाटीं मीवा बाबाल कियना तप्‍पुड कबाह्‍क कियमळ इत्‍ते मीकु वेल्‍लेन इस्‍टम. देय्यम मुन्‍नेटाले जीवां तिंचेके वाता. अद सत्‍तेमतुन बस्‍केने हय्सो. दानागा सत्‍तेम हिल्‍लेन हिल्‍ले. आबद्‍दम वळ्‍कमळे दाना गुनम आंदु, अदुनहाटीं अद बस्‍केळ्‍क आबद्‍दमे वळ्कंता, आबद्‍दमतुन पुट्‍संता.

योहान 8:44 Iomraidhean Croise

मत्‍तयाल 12:34

ए कट्‍ला तरास पोरिह्कुनसंटोरिटा, मिमेट कराबतोर आसि, मीवा तोळ्‍दाल बेसतां पोल्‍लें बल्हा पेय्‍सनुं? बारित्‍ते मनसुने मनना पोल्‍लेंगे तोळ्‍दाल पलाते पेय्‍संतां.

मत्‍तयाल 13:15

ओर कळ्‍कुने हूळसि, केव्‍कुने केंजसि, मनसुनाल अर्तम कीकुंचि नाहेके तिरियतस्के ओर्कुन नना बेस कीकन. इल्‍हा बस्‍केने जर्गामन्‍नि इंचि ओरा मनसु गट्‍टि पडता, केव्क बारे मंदोम आसि केंजा वायाकोंटा आतां, कळ्‍कुन बारे मुचकुतुर.” इद पोल्‍ले नावां केंजवोरा बारेमते निजम आता.

मत्‍तयाल 13:38

पोलम इत्‍ते ई दुनिया आंदु. आनि बेसता विज्‍जां इत्‍ते पेनदुन ‘मावा राजाल’ इंचि विस्वासम कीतोर, हकोलिं इत्‍ते देय्याल्कुन पोल्‍लें केंजानोर आंदुर.

योहान 6:70

अस्‍के येसु, “मीकुन पन्‍नेंड मंदितुन ननाने पेरतन, अय्नागानि मी अव्टे वरोर देय्यम मंतोर,” इंचि सिस्युल्कुन इत्‍तोर.

योहान 7:17

मीवा लोप्पोटाल बोरे आयिर, पेनदा इच्‍चा मत्‍ताप ताकंतन इनकुनानय्ते, नना कराहना पोल्‍लें नहगटाल वासंतंगा हिलाकोंटे पेनदागटाल वासंतंगा, इंचि ओन्क तेळियंता.

योहान 8:38

नना नावा बाबानतोनि मत्‍तस्के बतल अय्ते हूळतनो, अदे मीकु वेहचंतन. आनि मिमेटगुडा मीवा बाबानहेंदाल केंजतद कीसंतिर,” इंचि इत्‍तोर.

योहान 8:41

मिमेट मीवा बाबाल कीताप कीसंतिर,” इंचि इत्‍तोर. अस्‍के ओर, “मोमोट बोगमतनम कीते पुट्‍टा हिल्‍लोम! माकु वरोरे बाबाल मंतोर, ओर पेनबाबाले,” इंचि येसुन इत्‍तुर.

योहान 8:55

गानि मिमेट ओन एरपाट किय्‍यिर, नना ओन एरपाट कींतन. ननागिंटा, ‘ओन नना एरपाट किय्योन,’ इंचि इनानय्ते, ननागुडा मीलेसीं आबद्‍दम वळ्‍कानोन आंतन. गानि नना ओन एरपाट कींतन, ओना पोल्‍लेनपोर्रो ताकंतन.

प्रेरितुल्‍कुना कबाह्‍क 13:10

“अरे! दोका हियानोना, अन्‍नि तीरकुना नडेह कियाना बुद्‍दिं निंडिस मत्‍ता देय्यमता मर्रिना! अन्‍नि नीति पोल्‍लेंक अड्‍डम तिरियना पगातोन आंदिन. सामिना निजम पोल्‍लेतुन बदवेरदाका आबद्‍दम वळ्कसेक मनांतिन?

प्रेरितुल्‍कुना कबाह्‍क 24:9

अस्‍के यहुदिल्कगुडा ओनाहेके आसि, इवन्‍नि पोल्‍लें निजमे, आंदुं इंचि इनालय दल्‍गतुर.

प्रेरितुल्‍कुना कबाह्‍क 5:3

अदुन हूळसि पत्रु, “हनन्या! निमे बूमि अमता कोत्‍तानाल इच्‍चुं कोत्‍तां इरकुत्‍तिन. अय्ते पवित्र आत्मातोनि आबद्‍दम वळकालय नीवा मनसुने देय्यम बारि होळियता?

2 कुरेंति 11:3

गानि तरास चालाकिते हव्‍वान पसांचतापे, किरिस्‍तुनतोनि इमानदार, पवित्र मंदना मीवा मनसुनगुडा लक्‍कु किय्‍यार इंचि नना वेरियंतन.

1 पत्रु 5:8

मीवा पगातद पेद्‍दा देय्यम बोन तिनकन इंचि सिंहमतालेसीं वरगेयसेके नालुं मूलां तिरियसेक मंता, अदुनहाटीं हुसारते, तेल्‍विते मंटु.

2 पत्रु 2:4

बारित्‍ते, बस्के अय्ते पेनदा दूतां पापम कीतां, अस्‍के पेन अवुनगुडा होळसा हिल्‍ले. न्‍यायमता रोजु वायानादाका अवुन नरकमते हीकटता पोक्‍काने वाटसि इरता.

1 योहान 1:8

ओक्‍कला मनमगिंटा, महगा बदे पापम हिल्‍ले इंचि वेहकुनानय्ते, मनद मनमे पसांचकुंचंतोम, मनालोप्‍पो सत्‍तेम हिल्‍ले.

1 योहान 2:21

मीकु सत्‍तेम तेळियो इंचि नना मीकु रासा हिल्‍लेन. मीकु सत्‍तेम एरपाटे मंता, इंका सत्‍तेमताहेंदाल बद्‍दे आबद्‍दम पोल्‍ले वायो इंचिगुडा मीकु तेळियसे मंता. अदुनहाटीं नना मीकु रासतन.

1 योहान 2:4

बोर अय्ते, “नना पेनदुन तेल्‍पिचकुत्‍तन,” इंचि इंतोर, गानि दाना आदेसकुन पीसि ताकोर ओर पोंगुळ आंदुर. ओनगा सत्‍तेम हिल्‍ले.

1 योहान 3:12

मनम काइनुनालेसीं मननायो. ओर देय्यमता बाजुनोर आसि ओना तम्मुन हव्कतोर. ओर ओना तम्मुन बद कारनमते हव्कतोर? बारित्‍ते, ओना तम्मुना कबाह्‍क नीतितव मत्‍तां आनि ओना कबाह्‍क बारे तप्‍पुनव मत्‍तां.

1 योहान 3:15

बोर अय्ते ओना दादन, तम्मुन हय्‍सोर, ओर मनकन हव्‍कानसंटोर आंदुर. मनकन हव्‍कानोनगा बस्‍केळ्‍क पिस्सना पिस्वर मन्‍नो इंचि मीके अय्ते एरपाटे मंता.

यहुदा 1:6

अचोने आयाका, बवय्ते पेनदा दूतां अवुना अदिकारमता जेगान इर्रा हिल्‍लें, अल्हेन अव जेगान होळ्‍सीतां, पेन अवुनगुडा न्‍यायम कियाना रोजुनहाटीं हीकटते बस्‍केन नेम्मुवा गोल्सुल्कुने दोहचि इर्ता.

पेन हुपिस्‍ता पोल्‍लें 12:9

पजा अद मासुल तरासतुन आनि दाना दूतन बूमिपोर्रो दोब्‍बिसीयमळ जर्गता. अद तरास दाना दूतनतोनि कलियसि पूरा दुनियातुन पसांचेके मंता. इद मासुल तरासुन पडाना तरास, हिलाकोंटे पसांचनदु, हिलाकोंटे देय्यम इंचि इंतुर.

पेन हुपिस्‍ता पोल्‍लें 13:14

मोदाटा जिवरासिता मुन्‍ने इद जिवरासिक चिन्‍हां हुप्‍सना अदिकार दोर्कता, अदुनहाटीं चिन्‍हां हुपिच्‍चेक बूमिपोर्रो मनना लोकुल्‍कुन, “बद जिवरासिक अय्ते हायानसोंटा देब्बा दल्‍गिसि मत्‍ता, अद जीवाते मंता अदुना बोम्मा कीम्‍टु,” इंचि बोंकिचुंदु.

पेन हुपिस्‍ता पोल्‍लें 2:10

बव तिप्‍पल्‍क अय्ते नीकु वायानव मंतां अवुना बारेमते निमे वेरियमा. हुळाट! देय्यम मी अव्टेटाल इच्‍चुर लोकुल्‍कुन जेलने वाटंता, मीवा विस्वासमता परिक्‍सा एतालय अल्हा जर्गार. मीकु पदि रोजकु तिप्‍पल्‍क अर्रापींता. हायाना वेला वायिनागानि मिमेट विस्वासमते गट्‍टिगा मंटु. अस्‍के मीकु पिस्वरता किरिटम हींतन” इंचि इत्‍ता.

पेन हुपिस्‍ता पोल्‍लें 21:8

गानि वेरियानोर, विस्वासम हिल्वोर, कराब कबाह्‍क कियानुर, हव्कानुर, बोगमतनम कियानुर, होदें कियानुर, बोम्मान मोळ्‍कानुर आनि आबद्‍दम वळ्कानुर अंटोर, गंदकमते गबा-गबा पोतसेके मनना तळमिता सेरवुने अर्रानुर. इदु रोंडो हामुर आंद,” इंचि वेहतोर.

पेन हुपिस्‍ता पोल्‍लें 22:15

गानि नयकस्‍केल लोकुल्‍क, होदेगाह्‍कु, बोगमतनम कियानुर, हव्कानुर, बोम्मांक मोळ्‍कानुर, आबद्‍दमतुन पावरम कियानुर, आबद्‍दम वळ्कानुर अंटोरगुडा सहरता पलातेन मनांतुर.

पेन हुपिस्‍ता पोल्‍लें 9:11

वेल्‍लेन लोत पोक्‍काता दूता, अवुंक राजाल आसि मत्‍ता. इब्रानि बासाते दान अबदोन आनि ग्रीक बासाते अपुलोन इंचि इंतुर.