योहान 8:43 - पवित्र पोल्‍ले

⁴³ नना वेहानदुन मिमेट असल केंजिर, अदुनहाटींगे नावा पोल्‍लें मीकु अर्तम आयों.

योहान 8:43 Iomraidhean Croise

मत्‍तयाल 13:15

ओर कळ्‍कुने हूळसि, केव्‍कुने केंजसि, मनसुनाल अर्तम कीकुंचि नाहेके तिरियतस्के ओर्कुन नना बेस कीकन. इल्‍हा बस्‍केने जर्गामन्‍नि इंचि ओरा मनसु गट्‍टि पडता, केव्क बारे मंदोम आसि केंजा वायाकोंटा आतां, कळ्‍कुन बारे मुचकुतुर.” इद पोल्‍ले नावां केंजवोरा बारेमते निजम आता.

योहान 5:25

नना निजम-निजम वेहासेक, हासोत्‍तोरगुडा पेनदा मर्रिना अल्किर केंजना वेला वासेक मंता. अद अय्ते वासे मंता. बोर अय्ते अद अल्किरतुन केंजांतुर, ओर्क पिस्वर दोर्कार.

योहान 5:43

नना नावा बाबाना पोरोल्ते वातन, गानि मिमेट नाकुन स्विकार किया हिल्‍लिर. गानि बोरन्‍ना वेरेतोर, ओना पोरोल्ते ओरे वायानय्ते मिमेट ओन स्विकार कींतिर.

योहान 6:60

इव पोल्‍लें केंजसि, येसुना सिस्युल्‍कुनाल वेल्‍ले मंदि सिस्युल्क, “इव पोल्‍लें तेळियालय वेल्‍लेन कस्‍टम मंता, इवुन बोर केंजंतुर?” इंचि इनालय दल्‍गतुर.

योहान 7:17

मीवा लोप्पोटाल बोरे आयिर, पेनदा इच्‍चा मत्‍ताप ताकंतन इनकुनानय्ते, नना कराहना पोल्‍लें नहगटाल वासंतंगा हिलाकोंटे पेनदागटाल वासंतंगा, इंचि ओन्क तेळियंता.

योहान 8:27

गानि येसु ओना बाबाना बारेमते वेहतोर इंचि ओर्क इंकागुडा अर्तम आयाहिल्‍ले.

योहान 8:33

अस्‍के ओर, “मोमोट अय्ते अब्राहामुना वंसंमतोरम आंदुम, इदवेरदाका मोमोट इद बूमिपोर्रो बोनदे कय हिळु दासुल्क आसि मना हिल्‍लोम. अय्ते, अद सत्‍तेम मीकुन होळसार, इंचि निमे बल्हा इंतिन?” इंचि येसुंक जवाब हीतुर.

योहान 8:39

अस्‍के ओर, “अब्राहाम मावा बाबाल आंदुर,” इंचि इत्‍तुर. पजा येसु, “हिल्‍ले! मिमेटगिंटा अब्राहामुना पिलाल्क आसि मत्‍ते, ओर कीतापे मिमेटगुडा कीसि मन्‍नेर.

प्रेरितुल्‍कुना कबाह्‍क 7:51

अरे पिस्‍सा लोकुरिटा, मीवा मनसु बारे वेरे जातितोरा मनसुन लेह्का मंता, मीवा केव्क बारे पेनदा पोल्‍लें केंजाकोंटा डोप्पां अरसोत्‍तां. मिमेट बस्‍केळ्‍क पवित्र आत्मातुन पक्‍काक दोबसेके, इंदके मिमेटगुडा मीवा एनकटा पेद्‍दाल्कुनालेसीं कीसंतिर.

रोम सहरतोरहाटीं पौलुसना सिट्‍टि 3:11

निजम तेळियतोर बोरे हिल्‍लुर, वरोरगुडा हिल्‍लोर. पेनदुन पह्कानोर बोरे हिल्‍लुर.