योहान 8:39 - पवित्र पोल्‍ले

³⁹ अस्‍के ओर, “अब्राहाम मावा बाबाल आंदुर,” इंचि इत्‍तुर. पजा येसु, “हिल्‍ले! मिमेटगिंटा अब्राहामुना पिलाल्क आसि मत्‍ते, ओर कीतापे मिमेटगुडा कीसि मन्‍नेर.

योहान 8:39 Iomraidhean Croise

मत्‍तयाल 3:9

वट्‍टिदे, मोमोट अब्राहामुना वंसमतोरम आंदुम, इंचि बस्‍केने इनकुनमट. नना मीकु निजम वेहांतन, पेन अब्राहामनाहाटीं ई बंडानालगुडा पिलाल्क पुट्‍टिचि हिया परंता.

मत्‍तयाल 5:45

बारित्‍ते सेड्‍डोर्क, बेसतोर्क इव्वुर्किंका पोळ्‍दुनाहेंदाल वेलगु ओरे हींतोर. अल्हेन पापिल्कुंक नीतिमंतुल्‍कुंक पिर्रुगुडा ओरे हींतोर.

योहान 8:33

अस्‍के ओर, “मोमोट अय्ते अब्राहामुना वंसंमतोरम आंदुम, इदवेरदाका मोमोट इद बूमिपोर्रो बोनदे कय हिळु दासुल्क आसि मना हिल्‍लोम. अय्ते, अद सत्‍तेम मीकुन होळसार, इंचि निमे बल्हा इंतिन?” इंचि येसुंक जवाब हीतुर.

योहान 8:37

मिमेट अब्राहामुना वंसमतोर इंचि नाकु एरके. अय्नागानि नावा पोल्‍लेंक मीलोप्‍पो जेगा हिलुवाहेंका मीवा लोप्पोटाल इच्‍चुर नाकुन हव्कालय हूळसंतिर.

योहान 8:43

नना वेहानदुन मिमेट असल केंजिर, अदुनहाटींगे नावा पोल्‍लें मीकु अर्तम आयों.

योहान 8:56

नना वायना रोजुन हूळंतन इत्‍ता आसेते, मीवा एनकटा पेद्‍दा मातरल अब्राहाम, कूस मत्‍तोर. पजा अद रोजुन हूळसि ओर वेल्‍लेन कूस आतोर,” इंचि इत्‍तोर.

रोम सहरतोरहाटीं पौलुसना सिट्‍टि 4:12

कतना आतोर्क अंटोर्कगुडा अब्राहाम मातिर दादले. गानि सिराप कतना आता इंचि ओर्क अब्राहाम मातिर दादल आया हिल्‍लोर. अब्राहामुना कतना आयाका मुन्‍ने ओना विस्वासम बल्हा मत्‍ता, अल्हेन ओर्कगुडा विस्वासम मत्‍ता इंचि अब्राहाम ओर्क मातिर दादल आतोर.

रोम सहरतोरहाटीं पौलुसना सिट्‍टि 4:16

अदुनहाटीं पेन अब्राहामुना वंसंमतोर्क अंटोर्क हीता पोल्‍ले विस्वासम कीतोर्कुंक दाना कुर्पाताहेंदाले दोर्कंता. इद सिराप मूसाना नियम परकारम ताकानोर्कुंके आयो गानि अब्राहामुनलेसीं विस्वासमते ताकानोर अंटोराहाटीं मंता. ओर मना अंटोरा बाबल आंदुर.

रोम सहरतोरहाटीं पौलुसना सिट्‍टि 9:7

अचोने आयका अब्राहामुना वंसंमतोर अंटोरगुडा ओना निजम पिलाल्क इंचि मनम इनानायो. बारित्‍ते इदुना बारेमते दर्मसास्‍त्रमते, “सिराप इसाकुना वंसंमतोरे नीवा वंसंमतोर इंचि लेक्‍का कियमळ जर्गंता,” इल्‍हा रासि मंता.

गलातिया 3:29

मिमेट किरिस्‍तुना लोकुल्‍क आतिर, इत्‍ते अब्राहामुना वंसमतोर आंदिर. दीनहेंदाल पेन अब्राहामुंक हीता पोल्‍ले परकारम, पेन ओन्क हियना आसिर्वादता वारसदार्कगुडा आंदिर.

गलातिया 3:7

अदुनहाटीं बोर अय्ते पेनदापोर्रो विस्वासम इर्रंतोर, ओरे अब्राहामुना निजमाता वंसमतोर आंदुर, इद मीकु तेळियगोम.