योहान 8:32 - पवित्र पोल्‍ले

³² अस्‍के मिमेट सत्‍तेमतुन एरपाट कीकिर, आ सत्‍तेमे मीकुन होळसार,” इंचि इत्‍तोर.

योहान 8:32 Iomraidhean Croise

मत्‍तयाल 11:29

ना कांडी मिमेट तेहाकुंचि नावातोनि करियट, नना बेस आनि सादा-सिंपल मंतन. इंका नावा कांडी सवरगा मंता नावा बर्वु अल्कगा मंता. इंचि मी आत्माकु सांति दोर्कंता.”

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

योहान 1:17

मूसाल इनानोनहेंदाल पेन मनाकु नियमाल्‍क हीता. गानि कुर्पा, सत्‍तेम मनाकु येसु किरिस्‍तुनाहेंदाल दोर्कता.

योहान 14:6

पजा येसु, “हर्रि, सत्‍तेम, आनि पिस्वर ननाने आंदुन. नाकुन होळसि बाबानगा बोरे एव्‍वा परोर.

योहान 16:13

गानि सत्‍तेम आत्मा वातस्के, अद मीकु पूरा सत्‍तेमतुन हुप्‍सार. अद दाना मनसुंक वाताप वळ्को, गानि बतल अय्ते अद बाबानगटाल केंजंता, अदे वेहंता. इंका मुन्‍ने जर्गना बारेमतेगुडा वेहंता.

योहान 17:17

नीवा पोल्‍ले सत्‍तेम आंद, नीवा सत्‍तेमते ओर्कुन पवित्र कीम.

योहान 6:45

पेनदा कबुरतोरा पुस्तकाल्कुने, अंटोर लोकुल्‍कुंक पेने कराहंता, इंचि रासि मंता. बोर अय्ते बाबाना पोल्‍लें केंजांतुर, करियांतुर, ओर अंटोर नहगा वांतुर.

योहान 7:17

मीवा लोप्पोटाल बोरे आयिर, पेनदा इच्‍चा मत्‍ताप ताकंतन इनकुनानय्ते, नना कराहना पोल्‍लें नहगटाल वासंतंगा हिलाकोंटे पेनदागटाल वासंतंगा, इंचि ओन्क तेळियंता.

योहान 8:36

अदुनहाटीं पेनदा मर्रि मीकुन पापमताल होळसीतेने, निजमते मिमेट पापमताल पलाते अर्रंतिर.

रोम सहरतोरहाटीं पौलुसना सिट्‍टि 6:22

गानि इंदके पेन मीकुन पापमता कय्‍दाल होळसीताहेंका मिमेट दाना दासुल्क आतिर. अदुनहाटीं इंदके मीकु दोर्कना इनाम बतल इत्‍ते, पेन मीकुन दाना पवित्र हर्दे ताक्‍किचि, आकिरते बस्‍केळ्‍क पिस्सना पिस्वरताहेके ओंता.

रोम सहरतोरहाटीं पौलुसना सिट्‍टि 8:15

पेन मीकुन मर्रा दासुल्क कीसि वेराहलय दाना आत्मातुन हिया हिल्‍ले. गानि अद मीकुन दाना मर्क-मियाह्क इनालय तयार कीता. दानहेंदाल मनम पेनदुन, “बाबाल,” इंचि केया परंतोम.

रोम सहरतोरहाटीं पौलुसना सिट्‍टि 8:2

बारित्‍ते पेनदा आत्माता नियम येसु किरिस्‍तुनाहेंदाल मनाकु पूना पिस्वर हीता. मनाकुन पापम आनि हामुरता नियमताल तपिस्ता.

1 कुरेंति 7:22

बारित्‍ते, दास आसि मत्‍तस्के निमे सामिन विस्वासम कीतिन, अव्टेटाल इळबळतिन. इळबळतस्के सामिन विस्वासम कीतिन अय्ते किरिस्‍तुना दास आतिन.

गलातिया 5:1

मनम नियमकुना लोप्पो दासुनलेसीं मनामन्‍नि इंचि किरिस्‍तु मनाकुन अव्टेटाल इळबळिस्तोर. अदुनहाटीं विस्वासमते गट्‍टिगा मंटु, मिमेट नियमकुना बर्वु दासुल्‍कुनलेसीं मर्रा कांजमटु.

गलातिया 5:13

गानि विस्वासुल्‍कुनिटा! पेन मीकुन नियमकुना लोप्पोटाल इळबळिस्ता. अदुनहाटीं नना वेहासेक मंतन, मिमेट मीवा पापि विचाराल्कुन पूरा कियालय मीकु विचारम वाताप ताकानायो गानि पावरमते वरोंक-वरोर सहायम कीसेक मंदना.

2 तिमोति 3:7

इव मुर्ताह्क बस्‍केळ्‍क करियसेकेन मनंतां, गानि सत्‍तेम बतल अव तेल्‍पिचकुन्‍नों.

याकोब 1:25

गानि बोर अय्ते मुक्‍तिता तप्पु हिल्वा नियम मत्‍ताप ताकंतोर आनि अदुन मरगोर, असंटोना कबळ लोप्पो पेनदा आसिर्वाद मनंता.

याकोब 2:12

बोरद अय्ते पापमताल इळबळिचना नियम परकारम न्‍यायम आयाना मंता. मिमेट ओरालेसींगे वळ्कट, कबळ कीम्‍टु.

1 पत्रु 2:16

मिमेट बोना कय्‍दा हिळु हिल्‍वाप मना परांतिट गानि “बोना कय्‍दा हिळु हिल्‍लोम” इंचि मीवा मनसुंक वाताप कराब कबाह्‍कुने ताकमट, पेनदा सेवाकुल्कुनलेसीं ताकट.

2 योहान 1:1

नना मीवा कलिसियाते बेस पोरोल होत्‍ता मनकन आंदुन. पेन पेरता बाई आनि दाना पिलाल्कुंक, इद सिट्‍टि रासेके मंतन. नना मीकुन पावरम कींतन. नना वरोने आयो, पेनदा सत्‍तेमतुन तेल्‍पिचकुत्‍तोर अंटोरे मीकुन पावरम कींतुर. बारित्‍ते, मनम सत्‍तेमतुन तेल्‍पिचकुत्‍तोम. अदुनहाटीं अद सत्‍तेम मना पिस्‍वरतगा निल्‍सि मंता आनि बस्‍केळ्‍के अद मनातोनि मनंता.