योहान 8:20 - पवित्र पोल्‍ले

²⁰ येसु इव पोल्‍लें, गुळिता लोप्पो कोत्‍तां वाटना जेगातगा नित्‍तिसि कराहनेंके वळ्कतोर. अय्नागानि ओन बोरे दोर्का पिया हिल्‍लुर. बारित्‍ते ओना वेला एव्वनदे मत्‍ता.

योहान 8:20 Iomraidhean Croise

मत्‍तयाल 26:55

अस्‍के येसु मंदितुन इल्‍हा इत्‍तोर. “वरोन दोंगन पिय्‍यालय वाताप मिमेट कसेह्‍क, गुत्‍पां पीसि नाकुन पिय्‍यालय वातिरा? नना अय्ते रोजे गुळिते कराहसेक मीतोनि मनुंदुन, अस्‍के नाकुन पिया हिल्‍लिर.

मत्‍तयाल 27:6

पेद्‍दा पेर्मालोर्क अव कोत्‍तन जमा कीसि, “वरोन हव्कालय हीता कोत्‍तन, मना नियम परकारम दान पेटिते वाटा वायो,” इंचि इत्‍तुर.

मरकुस 12:41

येसु गुळिते दान पेटिता मुन्‍ने उद्‍दिसि, लोकुल्‍क दान पेटिते कोत्‍तां वाटनद हूळसेक मत्‍तोर. वेल्‍लेटुर सिरमंत लोकुल्‍क वेल्‍लेने कोत्‍तां वाटतुर.

मरकुस 12:43

अस्‍के येसु ओना सिस्युल्कुन दग्‍गेरा केय्‍सि इल्‍हा इत्‍तोर. “नना मीक निजम वेहांतन, ई मुंडामोस्ता गरिब मुरतळे अंटोर्कन्‍ना एक्‍को दानम कीता. बारित्‍ते इग्‍गे सिरमंत लोकुल्‍क ओरा दनमताल दानम कीतुर, गानि इद गरिब मुंडामोस्ता मुरतटगा रोंडे रागि कोत्‍तां मत्‍तां. अद अवुनगुडा इत्‍ते दाना पिस्वरताहाटीं इरतादानगुडा पेनदुक वाटसीता,” इत्‍तोर.

लूकाल 20:19

येसु वेहता पोल्‍लें केंजसि, दर्मसास्‍त्रम कराहना गुरुल्क आनि पेद्‍दा पेर्मालोर्क, “ईर मनाकुने इंचंतोर,” इंचि एरपाट कीतुर. अदे वेलाते ओन दोर्का पियालय हूळतुर गानि लोकुल्‍कुन हूळसि वेरियतुर.

लूकाल 21:1

पजा येसु इच्‍चुर लक्‍कु नदर वाटतोर अस्‍के सिरमंत लोकुल्‍क दान पेटिते पेनदाहाटीं कोत्‍तां वाटनेंके ओन्क दिसतुर.

योहान 10:39

अस्‍के ओर मरुंदि मल्का येसुन दोर्का पियालय हूळतुर, गानि ओर ओरा कय्‍दाल तपिच्‍कुंचि अगटाल होत्‍तोर.

योहान 2:4

अस्‍के येसु, “यावा! निमे नाकु बारि वेहचंतिन? नना बतलन्‍ना कियना वेला इंका वाया हिल्‍ले,” इंचि इत्‍तोर.

योहान 7:14

पजा पंडुगु सुरुव आसि सगम पोळ्‍द आतंका, येसु गुळिते होंचि कराहलय दल्‍गतोर.

योहान 7:30

पजा यहुदि पेद्‍दाल्क येसुन दोर्का पियालय हूळतुर. गानि अस्केळ्क ओना वेला एव्‍वका मत्‍ता. अदुनहाटीं वरोरगुडा ओन्क कय दोस्‍सा पराहिल्‍लोर.

योहान 7:44

इच्‍चुर ओन दोर्का पियालय हूळतुर, गानि बोर वरोरगुडा ओनपोर्रो कय वाटा पराहिल्‍लुर.

योहान 7:8

मिमेट पंडुगुंक होंटु. नना वायना वेला इंका एव्‍वा हिल्‍ले, अदुनहाटीं इद पंडुगुंक नना वासेक हिल्‍लेन,” इंचि येसु ओर्क वेहतोर.

योहान 8:2

हक्‍केरेन मर्रा गुळितगा वातोर. वेल्‍लेन लोकुल्‍क ओनगा जमा आतुर. येसु उद्‍दिस ओर्क कराहलय दल्‍गतोर.

योहान 8:59

इद पोल्‍ले पोर्रोटाल, ओन बंडाने तंचि हव्कना इंचि अंटोर बंडां पेरतुर. गानि येसु ओर्क दिसाकोंटा मक्‍किस गुळिताल पेय्सि होत्‍तोर.