योहान 8:11 - पवित्र पोल्‍ले

¹¹ अस्‍के अद मुरतळ, “नाकु बोरे सिक्‍साता आदेस हिय्या हिल्‍लुर सामि!” इंचि इत्‍तस्के येसु, “ननागुडा नीकु सिक्‍साता आदेस हिय्योन. होन, इंका बस्‍केने पापम कियमा,” इंचि दान्क वेहतोर.

योहान 8:11 Iomraidhean Croise

लूकाल 13:3

नना वेहासेक! अल्हा बिल्कुले आयो. गानि पापमताल मनसु मार्सकुंचि पेनदाहेके तिरियाकोंटे मिमेटगुडा ओरालेसींगे हासि नासडेम आंतिर.

लूकाल 13:5

हिल्‍ले. नना मीकु वेहनद बतल इत्‍ते, पापमताल मनसु मार्सकुनाकुंटे मिमेट अंटोरगुडा ओरालेसींगे हासि नासडेम आंतिर.”

लूकाल 15:10

नना मीक वेहांतन, इदुनलेसींगे वरोर पापि मनकल ओना पापमताल मनसु मार्सकुत्‍ते ओनाहाटीं स्वर्गमते पेन दाना दूतानतोनि आनंदम कींता,” इंचि इत्‍तोर.

लूकाल 15:32

गानि ईर नीवा तम्मुर वेल्‍लेन लक्‍कु होंचि हासोत्‍ताप मत्‍तोर, इंदके पिस्सि मल्सि वातोर. तप्‍सोंचि मत्‍तोर गानि इंदके दोर्कतोर. अदुनहाटीं मनम कूस आयमळ गावाले इत्‍तोर.” इल्‍हा वेहचि येसु वेसुडि वेहमळ महतोर.

लूकाल 15:7

नना मीक वेहानद बतल इत्‍ते, बोर्क अय्ते मनसु मार्सकुनना अव्‍सरम हिल्‍ले, असोंटा टोंबै तोम्मिद मंदि नीतिमंतुल्‍कुना बारेमते आयना आनंदमकन्‍ना, वरोर पापि मनकल मनसु मार्सकुत्‍ते ओनाहाटीं स्वर्गमते बच्‍चोरो आनंदम आंता,” इंचि वेहतोर.

लूकाल 5:32

नना नीतिमंतुल्‍कुन केयालय आयो गानि पापि लोकुल्‍कुन मनसु मार्सकुननाहाटीं केयालय वातन,” इंचि इत्‍तोर.

लूकाल 9:56

पजा ओर अगटाल वेरे नाटे होत्‍तुर.

योहान 18:36

अस्‍के येसु, “नावा राज्येम ई दुनियाक संबंदिस्तद आयो. ओक्‍कला नावा राज्येम ई दुनियाक संबंदिस्तद आसि मत्‍ते, नाकुन यहुदि पेद्‍दाल्कुंक अप्‍पजेपकोंटा नावा सेवाकुल्क लडाइ कीसि मन्‍नेर. गानि इंदके नावा राज्येम ई दुनियाक संबंदिस्तद आयो,” इंचि जवाब हीतोर.

योहान 3:17

पेन ई दुनियातोर्क सिक्‍सा हिया वेहालय, दाना मर्रिन ई बूमिपोर्रो लोहा हिल्‍ले, गानि दुनियातोर्कुन पिसागोटालय ओन लोहचीता.

योहान 5:14

इदंता आतंका येसु आ मनकंक गुळिते कलियसि, “हूळा, निमे इंदके बेस आतिन! मर्रा पापि कबाह्‍कुना जोलिक होन्‍मा. होत्‍तिनित्‍ते दीनकन्‍ना एक्‍को बिमार अर्रंतिन,” इंचि वेहतोर.

योहान 8:15

मिमेट मनकना बुद्‍दिते न्‍यायम कींतिर, गानि नना बोनदे न्‍यायम किय्योन.

रोम सहरतोरहाटीं पौलुसना सिट्‍टि 2:4

हिलाकोंटे दाना दया, ओप्के आनि मापितुन गम्मत इन्कुंचंतिरा? निजम बतले इत्‍ते, मिमेट मनसु मार्सकुनना इंचि पेने मीवापोर्रो दया हुपिस्‍ता, इद मीकु तेळियोना?

1 कुरेंति 5:12

विस्वासम कियवोरा न्‍यायम नना बारि कीकन? बोर अय्ते विस्वासमते मंतुर, ओरा न्‍यायम मिमेट किय्‍यिरा?

2 पत्रु 3:15

मना सामिना ओप्के पीसि मनमळ मना मुक्‍तिहाटींगे इंचि इनकुंटु. सामि हीता बुद्‍दि परकारमे मना पावरमगल्‍ला पौलुस दादल मीक इव पोल्‍लें रासतोर.