योहान 7:32 - पवित्र पोल्‍ले

³² लोकुल्‍क येसुना बारेमते इसोंटा पोल्‍लें गुसा-गुसा वळ्कानेंके परिसिल्क केंजतुर. केंजसि पेर्मालोर्क आनि परिसिल्क येसुन दोर्का पियानाहाटीं गुळितगा कावेल कीसेक मत्‍ता सिपाइल्कुन लोहतुर.

योहान 7:32 Iomraidhean Croise

मत्‍तयाल 12:14

पजा परिसिल्क अगटाल पलाते पेय्‍स्‍तुर. पेय्सि, येसुन बल्हा हव्कना? इंचि येसुना विरोदमते वळ्‍क्‍कुत्‍तुर.

मत्‍तयाल 23:13

अरे डोंगि परिसिल्क आनि दर्मसास्‍त्रम कराहना गुरुल्कुनिटा, मीक गोसा तप्‍पो. स्वर्ग राज्येमते होनानोरा हर्रि मिमेट बंद कीतिर. मिमेट अय्ते होन्‍निर, होनानोर्कुनगुडा होन्‍ना हिय्यिर.

मत्‍तयाल 26:58

गानि पत्रु लक्‍कुटाले येसुना पज्जो-पज्जो पेद्‍दा पेर्माना दारादाका होत्‍तोर. अगा बतल आयार इंचि हूळालय, दाराते होंचि कावेल कियानोरतोनि उदतोर.

योहान 11:46

गानि ओराव्टेटाल इच्‍चुर लोकुल्‍क मात्रम, परिसिल्कुनगा होंचि येसु बतल-बतल कीतोर अदुन वेहतुर.

योहान 12:19

पजा परिसिल्क, “मना पिलानकु बता कबळ्‍क ओज्जा हिल्‍लें. हुळाट, पूरा दुनियंता ओना पज्जो अरसि होंचंता,” इंचि ओरद-ओरे वळ्कालय दल्‍गतुर.

योहान 18:3

अय्ते यहुदल सिपाइल्कुना गेंगुन, पेद्‍दा पेर्मालोर, परिसिल्क लोहता गुळितगा कावेल कियानोर्कुन पीसि अगा वातोर. ओरतोनि दिव्टीं, कंदिलिं, लडाइ कियना विस्रें मत्‍तां.

योहान 7:30

पजा यहुदि पेद्‍दाल्क येसुन दोर्का पियालय हूळतुर. गानि अस्केळ्क ओना वेला एव्‍वका मत्‍ता. अदुनहाटीं वरोरगुडा ओन्क कय दोस्‍सा पराहिल्‍लोर.

प्रेरितुल्‍कुना कबाह्‍क 5:26

अस्‍के आ अदिकारि, गुळिता कावेल कियानोर्कुन पीसि गुळितगा होत्‍तोर. होंचि, लोकुल्‍क मापोर्रो बंडां हुक्‍सि हव्कानुर इत्‍ता, वेर्रेते ओर्कुन बतले बल्‍मि कियाकोंटा पंचादितगा तत्‍तोर.