योहान 7:30 - पवित्र पोल्‍ले

³⁰ पजा यहुदि पेद्‍दाल्क येसुन दोर्का पियालय हूळतुर. गानि अस्केळ्क ओना वेला एव्‍वका मत्‍ता. अदुनहाटीं वरोरगुडा ओन्क कय दोस्‍सा पराहिल्‍लोर.

योहान 7:30 Iomraidhean Croise

मत्‍तयाल 12:14

पजा परिसिल्क अगटाल पलाते पेय्‍स्‍तुर. पेय्सि, येसुन बल्हा हव्कना? इंचि येसुना विरोदमते वळ्‍क्‍कुत्‍तुर.

मत्‍तयाल 21:46

पजा ओर येसुन दोर्का पियालय हूळतुर, गानि लोकुल्‍कुन हूळसि वेरियतुर. बारित्‍ते लोकुल्‍क येसुन पेनदा कबुरतोर आंदुर इंचि नमतुर.

मरकुस 11:18

इल्‍हा अंटोर लोकुल्‍क येसु वेहाना पोल्‍लें केंजसि इचंत्रम आयुंदुर. अदुनहाटीं पेर्मालोर, दर्मसास्‍त्रम कराहना गुरुल्क येसुन हव्कालय हूळुंदुर. गानि ओन अल्हा बतलन्‍ना कियालय ओर वेरियुंदुर.

लूकाल 20:19

येसु वेहता पोल्‍लें केंजसि, दर्मसास्‍त्रम कराहना गुरुल्क आनि पेद्‍दा पेर्मालोर्क, “ईर मनाकुने इंचंतोर,” इंचि एरपाट कीतुर. अदे वेलाते ओन दोर्का पियालय हूळतुर गानि लोकुल्‍कुन हूळसि वेरियतुर.

लूकाल 22:53

नना अय्ते रोज गुळितगा मीतोनि मनुंदुन, मिमेट अस्‍के नाकुन पिया हिल्‍लिर. अयना इद मीवा वेला आंदु, हीकटता राज्येम कियना वेला आंदु,” इंचि इत्‍तोर.

योहान 10:31

अस्‍के मरुंदि मल्का यहुदिल्क येसुन हव्कालय बंडां पेरतुर.

योहान 10:39

अस्‍के ओर मरुंदि मल्का येसुन दोर्का पियालय हूळतुर, गानि ओर ओरा कय्‍दाल तपिच्‍कुंचि अगटाल होत्‍तोर.

योहान 11:57

अचोने आयका पेर्मालोर्क, परिसिल्क, येसुन दोर्का पियनाहाटीं, “येसु बगा मंतोर इत्‍ता संगति बोर्कन्‍ना तेळियते, माकु वासि वेहाट हुळाट!” इंचि आदेस हीसि मत्‍तुर.

योहान 7:19

मूसाल अय्ते मीकु दर्मसास्‍त्रमतुन एव्विचि हीतोर. गानि मिहागटाल वरोरगुडा अव्टेटा नियमकुनपोर्रो ताकसेक हिल्‍लिर. अय्ते बारि नाकुन हव्कालय हूळसंतिर?” इंचि येसु इत्‍तोर.

योहान 7:32

लोकुल्‍क येसुना बारेमते इसोंटा पोल्‍लें गुसा-गुसा वळ्कानेंके परिसिल्क केंजतुर. केंजसि पेर्मालोर्क आनि परिसिल्क येसुन दोर्का पियानाहाटीं गुळितगा कावेल कीसेक मत्‍ता सिपाइल्कुन लोहतुर.

योहान 7:6

अस्‍के येसु, “मीकु अय्ते अन्‍नि वेलां मंचिये, मिमेट बस्के इत्‍ते अस्‍के अगा होना परांतिर. गानि नना अगा होनना वेला इंका एव्‍वा हिल्‍ले.

योहान 7:8

मिमेट पंडुगुंक होंटु. नना वायना वेला इंका एव्‍वा हिल्‍ले, अदुनहाटीं इद पंडुगुंक नना वासेक हिल्‍लेन,” इंचि येसु ओर्क वेहतोर.

योहान 8:20

येसु इव पोल्‍लें, गुळिता लोप्पो कोत्‍तां वाटना जेगातगा नित्‍तिसि कराहनेंके वळ्कतोर. अय्नागानि ओन बोरे दोर्का पिया हिल्‍लुर. बारित्‍ते ओना वेला एव्वनदे मत्‍ता.

योहान 8:37

मिमेट अब्राहामुना वंसमतोर इंचि नाकु एरके. अय्नागानि नावा पोल्‍लेंक मीलोप्‍पो जेगा हिलुवाहेंका मीवा लोप्पोटाल इच्‍चुर नाकुन हव्कालय हूळसंतिर.

योहान 8:59

इद पोल्‍ले पोर्रोटाल, ओन बंडाने तंचि हव्कना इंचि अंटोर बंडां पेरतुर. गानि येसु ओर्क दिसाकोंटा मक्‍किस गुळिताल पेय्सि होत्‍तोर.

योहान 9:4

नाकुन लोहतोना कबाह्‍कुन मनम, पोळ्‍द होनाका मुन्‍नेन महापींता. बोरे कबळ किया परुर असोंटद नर्का वायनद मंता.