योहान 7:28 - पवित्र पोल्‍ले

²⁸ येसु गुळितगा कराहनेंके इल्‍हा वळकालय दल्‍गतोर, “हो! नना बोन आंदुन, बगाटाल वातन इदंता मीकु एरपाटे मंता. गानि नावद ननेन इगे वाया हिल्‍लेन. नाकुन लोहतोर सत्‍तेमंतुड आंदुर, ओर बोर आंदुरो मीकु एरपाट हिल्‍ले.

योहान 7:28 Iomraidhean Croise

मत्‍तयाल 11:27

मर्रा येसु लोकुल्‍कुनतोनि इल्‍हा वळकुतोर. “नावा बाबाल नाकु अन्‍नि अप्पजेपतोर. बाबान तप्‍पा मर्रिन बोरे एरपाट किय्युर, मर्रिन तप्‍पा बाबान बोरे एरपाट किय्युर. मर्रि ओना इस्‍टमाताप बाबाना बारेमते बोर्क अय्ते तेळियानाल वेहांतोर ओरे बाबान एरपाट कींतुर.”

मत्‍तयाल 2:23

अगा ओर नासरेत इनना नाटे होंचि जेगा पीतोर. इंचि “ओन नासरेततोर इंतुर.” इल्‍हा पेनदा कबुरतोर मुन्‍नेने वेहचि मत्‍तद इंदके निजम आता.

मत्‍तयाल 26:55

अस्‍के येसु मंदितुन इल्‍हा इत्‍तोर. “वरोन दोंगन पिय्‍यालय वाताप मिमेट कसेह्‍क, गुत्‍पां पीसि नाकुन पिय्‍यालय वातिरा? नना अय्ते रोजे गुळिते कराहसेक मीतोनि मनुंदुन, अस्‍के नाकुन पिया हिल्‍लिर.

लूकाल 10:22

नावा बाबाल नाकु अन्‍नि अप्पजेपतोर. बाबान तप्‍पा मर्रिन बोरे एरपाट किय्युर, मर्रिन तप्‍पा बाबान बोरे एरपाट किय्युर. मर्रि ओना इस्‍टमाताप बाबाना बारेमते बोर्क अय्ते तेळियानाल वेहांतोर ओरे बाबान एरपाट कींतुर,” इंचि इत्‍तोर.

लूकाल 2:11

इय्याला दाविद राजाना नाटे, मीकुन पिसागोटनोर पुट्तोर, ओरे किरिस्‍तु सामि आंदुर.

लूकाल 2:39

इल्‍हा सामिना नियम परकारम कियानव अन्‍नि दंडकाल्क कियमळ मारतारित्‍ते योसेप आनि मरियम गालिल एरियाते मनना ओरा नासरेत इनना नाटेंक मल्सि होत्‍तुर.

लूकाल 2:4

अल्हेन योसेप दाविद राजाना वंसमतोर मत्‍तोर. अदुनहाटीं ओर गालिल एरियाता नासरेत नाटेनाल यहुदिया एरियाता दाविद राजाना पुटता नार बेतलहेम इनना नाटेंक होत्‍तोर.

लूकाल 2:51

पजा येसु ओना यावल-बाबानतोनि कलियसि नासरेत नार होत्‍तोर. तल्‍लुर-बाबो वेहता पोल्‍ले पोर्रेन ताकसेक मनुंदुर. ओना यावल इव अन्‍नि पोल्‍लें दाना मनसुने इरसि विचारम कीसेके मनुंदु.

योहान 1:46

अस्‍के नतेनल, “अल्हाना! नासरेततालगुडा बेसता पोल्‍लें वाया परंतंगा?” इंचि इत्‍तोर. अस्‍के पिलिपु, “अय्ते निमेन वासि हूळा!” इंचि इत्‍तोर.

योहान 12:49

बारित्‍ते नना नावा मनसुंक वाताप वळ्का हिल्‍लेन, गानि नना बतल वळकना, बतल वेहना, इंचि नाकुन लोहचीता बाबाले नाकु आदेस हीतोर.

योहान 14:10

नना बाबाना लोप्पो, बाबाल नावा लोप्पो मंतोर. इदुन निमे विस्वासम कीसेक हिल्‍लिना? नना वेहना पोल्‍लें ना इच्‍चटा नना वेहसेक हिल्‍लेन, गानि नावा लोप्पो मनना नावा बाबाल, ओना कबाह्‍कुन नाहेंदाल कीकुंचंतोर.

योहान 14:31

अयना, नना बाबान पावरम कींतन इत्‍ता पोल्‍ले, दुनियाक तेळियगोम इंचि, बाबाल नाकु हीता आदेस परकारमे नना कींतन. सरे तेदट! मनम इगेटाल दाकोम,” इंचि येसु इत्‍तोर.

योहान 16:3

बाबाल आनि नना बोर आंदुम, ओर्क तेळियो, अदुनहाटीं ओर मीकुन अल्हा कींतुर.

योहान 17:25

बाबा! निमेन नीतिमंतुन आंदिन. ई दुनिया नीकुन एरपाट किय्‍यो. गानि नना एरपाट कींतन. अल्हेन नाकुन निमेन लोहतिन इंचि ई सिस्युल्क एरपाट कींतुर.

योहान 3:2

ओर उंदि रोजु नर्कटा वेलाक येसुंक वासि कलियतोर. कलियसि, “रब्‍बी, निमे कियना ई अद्‍बूतामाता कबाह्‍क पेनदा तोळ हिल्वा बोरे किया परोर. दीनहेंदाल निमे पेनदाहेंदाल वाता गुरुनिंचि मोमोट तेल्‍पिचकुत्‍तोम,” इंचि इत्‍तोर.

योहान 3:33

ओर वेहता गवाइतुन बोर अय्ते नम्मंतुरो, ओर अंटोर पेने सत्‍तेम इंचि पक्‍का कबुल कींतुर.

योहान 5:32

गानि नावा बारेमते गवाइ वेहालय इंकावरोर मंतोर. ओर वेहना गवाइ सत्‍तेम इंचि नाक एरपाट मंता.

योहान 5:43

नना नावा बाबाना पोरोल्ते वातन, गानि मिमेट नाकुन स्विकार किया हिल्‍लिर. गानि बोरन्‍ना वेरेतोर, ओना पोरोल्ते ओरे वायानय्ते मिमेट ओन स्विकार कींतिर.

योहान 7:14

पजा पंडुगु सुरुव आसि सगम पोळ्‍द आतंका, येसु गुळिते होंचि कराहलय दल्‍गतोर.

योहान 8:14

अय्ते येसु ओर्क इल्‍हा जवाब हीतोर, “नावा बारेमते ननाने गवाइ वेहिनागानि, नावा गवाइ मात्रम सत्‍तेम आंद. बारित्‍ते, नना बगाटाल वातन, बगा दांतन, इत्‍तद नाक एरपाट मंता. गानि नना बगा वातन, बगा दांतन मीकु बतले एरपाट हिल्‍ले.

योहान 8:16

ओक्‍कला नना न्‍यायम कियिनागानि नावा न्‍यायम निजम मनंता, बारित्‍ते नना वरोने हिल्‍लेन, नाकुन लोहचीता ना बाबाल नाक तोळ मंतोर.

योहान 8:19

इद केंजसि ओर, “नीवा बाबाल बगा मंतोर?” इंचि पूसकीतुर. अस्‍के येसु, “असल नना बोन, नावा बाबाल बोर? मीकु एरपाट हिल्‍ले. मिमेट नाकुन एरपाट कियानय्ते, ना बाबान इंका एरपाट कींतिर,” इंचि ओर्क वेहतोर.

योहान 8:26

मीवा बारेमते वळ्कालय, मीवा न्‍यायम कियालय, नहगा वेल्‍लेन पोल्‍लें मंतां. गानि नाकुन लोहतोर सत्‍तेमंतुड आंदुर, इंचि नना सिराप ओनागटाल केंजता पोल्‍लेंगें लोकुल्‍कुंक वेहचंतन,” इंचि इत्‍तोर.

योहान 8:42

अस्‍के येसु ओर्कुन इल्‍हा इत्‍तोर, “पेन मीवा बाबाल आसि मत्‍ते मिमेट नाकुन पावरम कीसि मन्‍नेर. बारित्‍ते नना पेनदागटाल वातन. इगे नावद ननेन वाया हिल्‍लेन. पेने नाकुन लोहता.

योहान 9:29

पेन मूसानतोनि वळ्कता इंचि माकु एरपाट मंता. गानि ई मनकल बगाटाल वातोर? माकु बतले एरपाट हिल्‍ले,” इंचेके ओन तेराहतुर.

प्रेरितुल्‍कुना कबाह्‍क 17:23

नना मीवा सहरअंता तिरियसि मिमेट मोळ्‍कना अन्‍नि वस्‍तुकुन हूळतन. अचोने आयका, “एरपाट हिलवा पेनदाहाटीं” इंचि रासि मत्‍ता उंदि गद्‍देतुन इंका नना हूळतन. अय्ते मीकु एरपाट हिलाकोन्‍ना मिमेट मोळ्‍कना आ पेनदा बारेमतेन नना मीकु वेहंतन.

रोम सहरतोरहाटीं पौलुसना सिट्‍टि 1:28

पेनदा सत्‍तेमता पोल्‍लेतुन ओर एरपाट कियालय हूळा हिल्‍लुर. अय्ते ओर बद कबळ कियमळ बेस आयो, अदे कबळ कियालय पेन ओर्कुन होळसीता.

रोम सहरतोरहाटीं पौलुसना सिट्‍टि 3:4

अल्हा आयापर्रो. लोकुल्‍क अंटोर आबद्‍दम वळकानोर आयिना, पेन मात्रम बस्‍केळ्‍क निजम मनंता. बारित्‍ते दर्मसास्‍त्रमते, “निमे वळ्कते नीवा पोल्‍ले निजम इंचि दिस अर्रंता, निमे न्‍यायम कियनेंके नीवा पोल्‍ले गेल्‍संता,” इंचि रासि मंता.

2 कुरेंति 1:18

पेन विस्वासमगल्‍लद आंद. अल्हेन मोमोटगुडा “हो” आनि “हिल्‍ले” इल्‍हा रोंडु पोल्‍लें वळ्‍कोम.

2 कुरेंति 4:6

बारित्‍ते, “हीकटताल वेल्‍गु आयि” इंचि पेने इत्‍ता. मनम येसु किरिस्‍तुना मोकमते दिस्‍सना पेनदा महिमाता तेल्‍वितुन एरपाट कियागोम इंचि मनाकुन इदे वेल्‍गुने मना मनसुने मेर्सागोटता.

तीतु 1:2

ई सत्‍तेम, बस्‍केळ्‍क पिस्सना पिस्वरता आसे पोर्रो निल्‍सि मंता. बस्‍केने आबद्‍दम वळ्कुवा पेन इदुन हींतन इंचि वेल्‍लेन मुन्‍ने पोल्‍ले हीसि मत्‍ता.

इब्रि 6:18

पेन हीता पोल्‍ले आनि ओट्‍टु, इव रोंडु बस्‍केने बदलांचो. इवुना बारेमते पेन बस्‍केने आबद्‍दम वळ्का पर्रो. मनम बद आसेहेके अय्ते होनालय पेय्सतोमो, अद आसेहेके मनम इंकिच्‍चो गट्‍टि दैरनेमते होनना इंचि पेन अल्हा माकु रोंडु मल्कां गेरांटि हीता.

1 योहान 5:10

बोरय्ते पेनदा मर्रिनपोर्रो विस्वास इर्रंतोर, ओर ओनालोप्‍पो पेनदा साक्‍सितुन इर्रंतोर. पेन इत्‍ता पोल्‍लेनपोर्रो बोरय्ते विस्वास इर्रोर, ओर पेनदुन आबद्‍दम कींतोर. बारित्‍ते पेन तना मर्रिना बारेमते हीता साक्‍सितुन ओर विस्वास किया हिल्‍लोर.