योहान 7:26 - पवित्र पोल्‍ले

²⁶ हुळट, ओर लोकुल्‍कुना नड्‍डुम नित्‍तिसि बल्हा कुल्‍लम-कुल्‍ला वळ्कसंतोर! अय्नागानि ओन बोरे बतल इंचेक हिल्‍लुर. ईरे किरिस्‍तु इंचि, मना पेद्‍दाल्कगुडा निजम एरपाट कीतुर बारे!

योहान 7:26 Iomraidhean Croise

मत्‍तयाल 22:16

परिसिल्क येसुन पसांचना उपायाल्‍क कीसि, ओरा इच्‍चुर सिस्युल्कुन हेरोद राजाना मनकालोरतोनि ओनाहेके लोहचीतुर. ओर येसुनगा होंचि इल्‍हा इत्‍तुर. “गुरु, निमे निजम वळ्‍कानोन, पेनदा हर्दा बारेमते सत्‍तेमते करहानोन आंदिन इंचि माक एरपाट मंता. बोर बतल इनिनागानि दाना पिकिरगुडा किय्‍यिन, निमे लोकुल्‍कुना मोकम हूळसि वळ्किन, इदिंका माकु एरके.

लूकाल 23:13

पजा पिलातुस पेर्मालोर्कुन, राज्येम कियानोर्कुन आनि लोकुल्‍कुन केयतोर.

लूकाल 7:30

गानि परिसिल्क आनि मूसाना नियम बेस तेळियतोर बारे योहानुनाहेंदाल पेनदा पोरोलते बापतिस्मा एतुवा, पेन ओर्क हुपिस्‍ता हर्दे ताका हिल्‍लुर.

योहान 12:42

अय्नागानि वेल्‍ले मंदि यहुदि अदिकारिल्‍क येसुनपोर्रो विस्वासम इरतुर. अव्टे यहुदि पेद्‍दाल्कगुडा मत्‍तुर. गानि परिसिल्कुंक तेळियते, ओर्कुन दर्मसास्‍त्रम कराहना लोते होळिया हिय्युर इत्‍ता वेर्रेक, ओर कुल्‍ला-कुल्‍ला ओप्कुनाकोंदुर.

योहान 18:20

अस्‍के येसु, “नना अंटोरा मुन्‍ने कुल्‍ला-कुल्‍ला वळ्‍कतन, यहुदिल्क अंटोर जमा आयना दर्मसास्‍त्रम कराहना लोह्कुने, गुळिने नना बस्‍केळ्‍क कराहतन. नना मक्‍किचि बतले वळ्का हिल्‍लेन.

योहान 3:1

परिसि लोकुल्‍कुनाल वरोर निकोदेमस इनना मनकल मत्‍तोर, ओर यहुदिल्कुना लीडर मत्‍तोर.

योहान 4:29

“इदवेरादाका नना कीतव अन्‍निना बारेमते वरोर मनकल वेहतोर. ओरे किरिस्‍तु बारे, मिमेट वासि हुळट!” इंचि नाटेनोर्कुन इत्‍ता.

योहान 7:25

अस्‍के येरुसलेमतोर इच्‍चुर लोकुल्‍क, “यहुदि पेद्‍दाल्क बोन अय्ते हव्कालय हूळसंतुरो, ओर ईरे अय्ते आयोर गदा!

योहान 7:31

अयना गुळितगा मत्‍ता मंदिताल वेल्‍लेटोर येसुन नमतुर. नम्मिसि, “किरिस्‍तु वातस्के, ईनकन्‍ना एक्‍को अद्‍बूतम आयना कबाह्‍क कियनुरा?” इंचि ओर वळ्कालय दल्‍गुतुर.

योहान 7:48

यहुदि पेद्‍दाल्कुनाल आयि, परिसिल्‍कुनाल आयि, बोर वरोरन्‍ना ओन नम्मुतोर मंतोरा? बोरे हिल्‍लुर.

योहान 9:22

यहुदि पेद्‍दाल्कुंक वेरियसि ओना तल्‍लुर-बाबो अल्हा इत्‍तुर. बारित्‍ते येसुए किरिस्‍तु आंदुर इंचि बोर अय्ते ओप्‍कुंतोर, ओन दर्मसास्‍त्रम कराहना लोताल पेचाहमळ जर्गंता, इंचि ओर मुन्‍नेन उंदि आसि मत्‍तुर.

प्रेरितुल्‍कुना कबाह्‍क 4:13

ओर पत्रुन आनि योहानुन हूळसि इस्कुल करियवोर, सादा मनकालोर आंदुर इनकुत्‍तुर, गानि ओरा दैरनेम हूळसि इचंत्रम आतुर. अस्‍के ईर येसुनतोनि मत्‍तोर आंदुर इंचि ओर्कुन एरपाट कीतुर.

पिलिपिया 1:14

इचोने आयका, नना जेलने मत्‍ताहेंका सामिनाहाटीं वेल्‍लेन मंदि विस्वासुल्कुंक दैरनेम दोर्कता. ओर बोर्के वेरियाकोंटा वेल्‍लेन दैरनेमते किरिस्‍तुना बारेमता पोल्‍लेतुन वेहालय तयार आतुर.