योहान 7:18 - पवित्र पोल्‍ले

¹⁸ बोर अय्ते ओना सतता पोल्‍लें कराहंतोरो, ओर ओना पोरोल्तुने पेद्‍दा कियालय हूळांतोर. गानि बोर अय्ते ओन लोहतोन्कु कदर दोर्कना इंचि इनकुंतोरो, ओर सत्‍तेम मनकल आंदुर, ओनगा बतले आबद्‍दम हिल्‍ले.

योहान 7:18 Iomraidhean Croise

मत्‍तयाल 6:9

अदुनहाटीं मिमेट पारतना कियनेंके इल्‍हा पारतना कीम्‍टु: “ए स्वर्गमते मनना मावा पेनबाबा, नीवा पोरोलतुन अंटोर कदर कियिरकांटी.

योहान 11:4

अद कबुर केंजसि येसु, “लाजरुंक अद बिमारि ओन हव्‍किसि ओयालय वाया हिल्‍ले, गानि पेनदा पेदातनमतुन हुप्‍सालय वाता. इदुनहेंदाल पेनदा मर्रिंक कदर दोर्कार,” इंचि इत्‍तोर.

योहान 12:28

बाबा! नीवा पोरोल्क निमेन कदर हीम,” इंचि येसु इत्‍तोर. अल्हा इत्‍तस्के स्वर्गमताल उंदि अल्किर, “नना नावा महिमाता कदरतुन दीनकन्‍ना मुन्‍ने हीतन, मर्रा इंका हींतन,” इंचि केंजावाता.

योहान 12:43

बारित्‍ते, ओराहाटीं पेनदाहेंदाल दोर्कना कदरकन्‍ना, लोकुल्‍कुनहेंदाल दोर्कना कदरे ओर्क एक्‍को पावरम.

योहान 5:41

नना मनकालोराहेंदाल कदर कोरोन.

योहान 8:54

येसु ओर्क इल्‍हा जवाब हीतोर, “नावद ननाने कदर कीकुत्‍ते, अद कदरक बतले विलुवा मन्‍नो. गानि बोन अय्ते मिमेट, ‘मावा पेन आंदुर’ इंचि इंतिरो, ओरे नावा बाबाल आंदुर, ओरे नाकु कदर हीसंतोर.

1 तेसलोनि 2:6

इच्‍चोरे आयाका, मोमोट अय्ते किरिस्‍तुना प्रेरितुल्कुम इंचि मीपोर्रो मावा अदिकारम हूपिस्तोमे, गानि मिमेट आयि, वेरेटोर आयि, इंका बोनाहेंदाले आयि पेद्‍दातनम दोर्किच्‍कुनालय मोमोट हूळा हिल्‍लोम.

1 पत्रु 4:11

बोन्क अय्ते पेनदा पोल्‍ले वेहाना वरम दोर्कता, ओर पेन वेहतापे वळ्कना. बोर अय्ते सेवा कींतोर, ओर पेन हिय्यना बलमतेने कियाना. अन्‍नि पोल्‍लेने येसु किरिस्‍तुनाहेंदाल पेनदुके महिमा दोर्काना. महिमा आनि ताकत युगा-युगाल्‍कुनदाका पेनदादे आंद. आमीन.

1 योहान 2:29

मिमेट ओक्‍कला किरिस्‍तु नीतिमंतुड इंचि तेल्‍पिचकुत्‍तोर आयानय्ते, सत्‍तेमता कबळ कियाना हरेक मनकल पेनदाहेंदाले पुट्तोर इंचिगुडा मीकु तेळियंता.