योहान 7:12 - पवित्र पोल्‍ले

¹² अद मंदिताल इच्‍चुर लोकुल्‍क बारे येसुना बारेमते, “ओर बेस मनकल आंदुर,” इंचि इनुंदुर. इंकिच्‍चुर बारे, “हिल्‍ले रो! ओर लोकुल्‍कुन गयबेत कींतोर,” इंचि गुसा-गूसा वळ्ककुनुंदुर.

योहान 7:12 Iomraidhean Croise

मत्‍तयाल 10:25

सिराप सिस्युड गुरुनलेसीं, जीतागाड मालकुनालेसीं आयगोम अचोने सालु. ओक्‍कला लोता मालकुन नाकुने बेलजेबुल इनानय्ते, लोते मनना मीवद अंटोरद बद गति आयार!

मत्‍तयाल 21:46

पजा ओर येसुन दोर्का पियालय हूळतुर, गानि लोकुल्‍कुन हूळसि वेरियतुर. बारित्‍ते लोकुल्‍क येसुन पेनदा कबुरतोर आंदुर इंचि नमतुर.

मत्‍तयाल 27:63

“महाराज, आ बोंकिच्‍चना मनकल जीवाते मननेंके, ‘नना हासि मूड रोजकुंक मर्रा जीवाते तेदंतन’ इंचि इत्‍तोर, अद माकु मते मंता.

लूकाल 18:19

अस्‍के येसु ओन इल्‍हा इत्‍तोर. “नाकुन बारि बेसतोर इंतिन? बोरे बेसतोर आयोर, सिराप पेन उंदे बेसतद आंद.

लूकाल 23:47

नूर मंदि सिपाइल्कुनपोर्रो मनना दरोगाल अगा जर्गतद हूळसि, “ई मनकल निजमे नीतिमंतुड आंदुर,” इंचेके पेनदुन तल्‍सकुत्‍तोर.

लूकाल 23:50

पजा अगा यहुदिया एरियाता अरिमताइ नाटेनोर वरोर योसेप इनना मनकल मत्‍तोर, ओर यहुदिल्कुना पंचादिता मेंबर मत्‍तोर. अल्‍हेने ओर बेस नीतिमंतुड मत्‍तोर. पंचादिते येसुन हव्कना बारेमते येतता निरनायम ओन्क इस्‍टम मनाहिल्‍ले. इस्राएल देसेमते पेन दाना राज्येम बस्के निलाहंता इंचि ओर एदुर हूळसेक मत्‍तोर.

लूकाल 6:45

बारित्‍ते, मनसुने मनना पोल्‍लेंगे तोळ्‍दाल पलाते पेय्‍संतां. अदुनहाटीं बेसता मनकल ओना मनसुने मनना बेसता पोल्‍लेंगे पेच्‍हांतोर, अल्‍हेने कराब मनकल ओना मनसुने मनना कराब पोल्‍लेंगे पेच्‍हांतोर.”

लूकाल 7:16

अगा मत्‍तोर अंटोर्क वेर्रे दल्‍गता, ओर वेरियसि, “पेन दाना लोकुल्‍कुंक सहायम कियालय वाता, मना नड्‍डुम दाना पेद्‍दा कबुरतोन लोहचीता,” इल्‍हा इंचेके पेनदुन तल्‍सकुनालय दल्‍गतुर.

योहान 6:14

येसु कीता इसोंटा अद्‍बूतामाता चिन्‍हतुन हूळसि लोकुल्‍क, “निजमे! इद दुनियाते वरोर पेनदा कबुरतोर वायानोर मत्‍तोर, ओर ईरे आंदुर,” इंचि इनालय दल्‍गुतुर.

योहान 7:32

लोकुल्‍क येसुना बारेमते इसोंटा पोल्‍लें गुसा-गुसा वळ्कानेंके परिसिल्क केंजतुर. केंजसि पेर्मालोर्क आनि परिसिल्क येसुन दोर्का पियानाहाटीं गुळितगा कावेल कीसेक मत्‍ता सिपाइल्कुन लोहतुर.

योहान 7:47

पजा परिसिल्क ओर्कु इल्‍हा जवाब हीतुर. “ओर मीकुनगुडा पसांच्‍तोरा?

योहान 7:52

अय्ते ओर, “अरेय, निमेगुडा गालिल एरियातोना रो? होन! होंचि दर्मसास्‍त्रमते बेस पहकिसि हदवा, गालिलताल बोरे पेनदा कबुरतोर वायोर इंचि रासि मंता,” इत्‍तुर.

योहान 9:16

ओर वेहतद केंजसि इच्‍चुर परिसिल्क, “ओर मनकल नोमकेम रोजुन नोमा हिल्‍लोर, अदुनहाटीं ओर पेनदागटाल वायाहिल्‍लोर,” इंचि इत्‍तुर. इंकिच्‍चुर बारे, “गानि वरोर पापि मनकल इसंटा अद्‍बूतामाता चिन्‍ह बल्हा हुप्‍सा परंतोर?” इंचि इत्‍तुर. इल्‍हा ओरद-ओर्के अर्राका ओर रोंड गेंग्क आतुर.

प्रेरितुल्‍कुना कबाह्‍क 11:24

ओर बेस मनकल मत्‍तोर, अचोने आयका विस्वासम आनि पवित्र आत्माते निंडिस मत्‍तोर. इल्‍हा वेल्‍लेन मंदि सामिन नम्मिसि विस्वासुल्‍क आतुर.

रोम सहरतोरहाटीं पौलुसना सिट्‍टि 5:7

वरोर नीतिमंतुनाहाटीं बोरन्‍ना जीवा हिय्यालय तयार मनमळ वेल्‍लेने कस्‍टम, गानि वरोर बेसता मनकनाहाटीं बोरन्‍ना जीवा हिय्यालय तयार आया परांतुर आयावच्‍चु.

पिलिपिया 2:14

बद कबळ कियिनागानि गुल्‍गाकोंटा, जगडम कियाकोंटा कीम्‍टु.