योहान 7:1 - पवित्र पोल्‍ले

¹ इद आता पजा, येसु गालिलतेन नार-नार तिरियसेक मत्‍तोर. यहुदि पेद्‍दाल्क ओन हव्कालय पोंचादोस्‍सि मत्‍ताहेंका ओर यहुदिया राज्येमते होना हूळा हिल्‍लोर.

योहान 7:1 Iomraidhean Croise

मत्‍तयाल 10:23

मीकुन उंदि नाटे तकलिप हियानय्ते मिमेट इंकुंदि नाटे पेय्सि होंट. नना निजम वेहासेक मंतन, इस्राएलता अन्‍नि नाह्कुने तिरियसि पेनदा बेसता कबुर वेहामळ मारवा मुन्‍नेने मनकना रूपमते पुटतोन नना वांतन.

मत्‍तयाल 21:38

गानि बटाइतोर, ओना मर्रि वायानद हूळसि, “ईर अय्ते वारसदार आंदुर, दट ओन हव्‍किसि, ओना जाय्‍दाद मनम एतकुनकोम,” इंचि ओर ओरे इनकुत्‍तुर.

मरकुस 11:18

इल्‍हा अंटोर लोकुल्‍क येसु वेहाना पोल्‍लें केंजसि इचंत्रम आयुंदुर. अदुनहाटीं पेर्मालोर, दर्मसास्‍त्रम कराहना गुरुल्क येसुन हव्कालय हूळुंदुर. गानि ओन अल्हा बतलन्‍ना कियालय ओर वेरियुंदुर.

योहान 1:19

“निमे बोन आंदिन?” इंचि योहानुन पूसकियालय येरुसलेम सहरते मनना यहुदि पेद्‍दाल्क, इच्‍चुर पेर्मालोर्कुन आनि लेवि जातितोर्कुन, ओनगा लोहतस्के योहानुना गवाइ इल्‍हा मत्‍ता.

योहान 4:3

इद पोल्‍ले सामिंक तेळियतस्के ओर यहुदिया राज्येमतुन होळसि, मर्रा गालिल राज्येम होनालय पेय्सतोर.

योहान 4:54

यहुदियाताल गालिलते वासि येसु कीतद इद रोंडो इचंत्रमायना चिन्‍हे आंद.

योहान 6:1

अद आता पजा येसु गालिल इनना समुद्रमतुन दाटसि हब्बेर ओड्‍डुंक होत्‍तोर.

योहान 7:11

यहुदि पेद्‍दाल्क पंडुगुनगा, “ओर बगा मंतोर?” इंचेके ओन पहकालय दल्‍गतुर.

योहान 7:13

गानि यहुदि पेद्‍दाल्कुना वेर्रेकु बोरे लोकुल्‍क येसुना बारेमते कुल्‍ला-कुल्‍ला वळ्‍काकोंदुर.

योहान 7:19

मूसाल अय्ते मीकु दर्मसास्‍त्रमतुन एव्विचि हीतोर. गानि मिहागटाल वरोरगुडा अव्टेटा नियमकुनपोर्रो ताकसेक हिल्‍लिर. अय्ते बारि नाकुन हव्कालय हूळसंतिर?” इंचि येसु इत्‍तोर.

योहान 7:25

अस्‍के येरुसलेमतोर इच्‍चुर लोकुल्‍क, “यहुदि पेद्‍दाल्क बोन अय्ते हव्कालय हूळसंतुरो, ओर ईरे अय्ते आयोर गदा!

योहान 7:35

अल्हा वेहाटेलक, यहुदि पेद्‍दाल्क ओरद-ओरे, “मनम पहकिना गानि दोर्काकोंटा ओर बगा दांतोर आयावच्‍चु? युनानि देसेमते होंचि, सिल्‍लर-सल्‍लर आसि मनना मना लोकुल्‍कुंक पेनदा पोल्‍लें अय्ते करहोर गदा! हिलाकोंटे युनानि लोकुल्‍कुनगा दांतोरा?

योहान 8:37

मिमेट अब्राहामुना वंसमतोर इंचि नाकु एरके. अय्नागानि नावा पोल्‍लेंक मीलोप्‍पो जेगा हिलुवाहेंका मीवा लोप्पोटाल इच्‍चुर नाकुन हव्कालय हूळसंतिर.

योहान 8:40

गानि नना पेनदागटाल केंजता सत्‍तेम पोल्‍लें मीकु वेहते, मिमेट नाकुने हव्कालय हूळसंतिर. अब्राहाम अय्ते अल्हा किया हिल्‍लोर.

प्रेरितुल्‍कुना कबाह्‍क 10:38

नासरेत नाटेना येसुन पेन पवित्र आत्मातोनि अबिसेकम कीसि अद्‍बूतामाता ताकत हीता. पेन ओनतोनि मत्‍ताहेंका, ओर अंटोराहाटीं बेसता कबाह्‍क कियुंदुर, देय्याल्कुना मुक्‍याना कय्‍दा हिळु मत्‍तोर्कुन बेस कीसेके तिरियुंदुर, इद मीकु एरके.