53 अस्के येसु, “हिके केंजट, निजम नना वेहांतन. मिमेट, मनकना रूपमते पुट्तोना, मेंदुलतुन तिन्वा, ओना नेत्तुरतुन उन्वा, मीकु पिस्वर हिल्ले.
नना मीकु निजम वेहचेके मंतन, बूमि मब्बु नासडेम आयानदाका दर्मसास्त्रमतद उंदि सिन्ना गीता, पोल्लेगुडा रद्द आयो.
अस्के येसु ओन इल्हा इत्तोर, “नक्कांक बारे मनालय सोर्रें मंतां, पिट्टेंक मनालय गूडां मंतां, गानि मनकना रूपमते पुटतोन नाकु मात्रम तल्ला इर्रालयगुडा जेगा हिल्ले.”
नना वेहासेक! अल्हा बिल्कुले आयो. गानि पापमताल मनसु मार्सकुंचि पेनदाहेके तिरियाकोंटे मिमेटगुडा ओरालेसींगे हासि नासडेम आंतिर.
हिल्ले. नना मीकु वेहनद बतल इत्ते, पापमताल मनसु मार्सकुनाकुंटे मिमेट अंटोरगुडा ओरालेसींगे हासि नासडेम आंतिर.”
पजा पत्रु, “निमे नावा काल्क बस्केने नोरमा,” इंचि इत्तोर. अस्के येसु, “ननागिंटा नीवा काल्क नोर्रकोंटे, निमे नावोन आया परिन,” इंचि वेहतोर.
मिमेट नावातोनि बस्केळ्क कलियसि मंटु, अस्के ननागुडा इंका मीवातोनि बस्केळ्क कलियसि मनंतन. पंगा वेलिक अंटिस मनाकोंटे दान्क कायां हादों, अल्हेन मिमेटगुडा नावातोनि कलियसि मनाकोंटे बेसता कबाह्क किया परिर.”
अस्के येसु ओन, “नना निजम-निजम वेहासेक, बोरे आयिर, पूना रीतुने मर्रा पुट्टुवा, ओर पेनदा राज्येमतुन हूळा परोर,” इंचि वेहतोर.
पेनदा मर्रिन बोर अय्ते नम्मंतुरो, ओर्क बस्केळ्क पिस्सना पिस्वर दोर्कंता. गानि बोर अय्ते मर्रिना पोल्ले केंजुरो, ओर्क बस्केळ्क पिस्सना पिस्वर अय्ते दोर्केन दोर्को, गानि ओनपोर्रो पेन होंग पीसि मनंता.
अस्के येसु ओन्क इल्हा वेहतोर: “नना निजम-निजम वेहासेक, वरोर मनकल एताल आनि पवित्र आत्माहेंदाल पुट्टुवद, ओर पेनदा राज्येमते होळिया परोर.
नना निजम-निजम वेहासेक, नापोर्रो विस्वासम कीतोन्कु बस्केळ्क पिस्सना पिस्वर दोर्कते इनकुंटु.
स्वर्गमताल वाता जीवाते मनना तिंडि ननाने आंद. बोर अय्ते ई तिंडितुन तिंतुरो, ओर बस्केळ्क जीवातेन मनांतोर. ई तिंडि ना मेंदुल आंद, नना इद मेंदुलतुन दुनियातोरा पिस्वरताहाटीं हींतन,” इंचि इत्तोर.
बारित्ते नावा मेंदुल निजमाता तिंडि आनि नावा नेत्तुर निजमाता उनानद आंदु.
अय्ते मनकना रूपमते पुटतोन नना, मुन्ने बगा मत्तन अगा मल्सि होननेंके हूळानय्ते, अस्के मिमेट बतल इंदकिरो मरि?
बोरय्ते पेनदा मर्रिन स्विकार कींतोर, ओनाकु ई पिसवर दोर्कंता गानि बोनगा अय्ते पेनदा मर्रि हिल्लोर, ओनगा ई पिसवर हिल्ले.
पवित्र आत्मा कलिसियातोर्क बतल वेहांता अदुन, केव्क मत्तोर बेस केंजिर. बोर अय्ते गेल्सांतोर ओन्क मक्किचि इरता मन्ना आनि उंदि तेल्ला बंडा हींतन. आ बंडापोर्रो उंदि पूना पोरोल रासि मनंता अद बोन्क अय्ते दोर्कार ओन्के तेळियार.
पवित्र आत्मा कलिसियातोर्क बतल वेहांता अदुन, केव्क मत्तोर बेस केंजिर. बोर अय्ते गेल्सांतोर नना ओन्क स्वर्गमते पेनदागा मनना पिस्वरता मराता पंडि तिनालय हींतन.