योहान 6:52 - पवित्र पोल्‍ले

⁵² इद केंजसि यहुदिल्क, “ओर मनकल ओना मेंदुलतुन मनाकु तिनालय बल्हा हिया परंतोर आयो?” इंचि ओरद-ओरे वदुरकुनालय दल्‍गतुर.

योहान 6:52 Iomraidhean Croise

योहान 1:19

“निमे बोन आंदिन?” इंचि योहानुन पूसकियालय येरुसलेम सहरते मनना यहुदि पेद्‍दाल्क, इच्‍चुर पेर्मालोर्कुन आनि लेवि जातितोर्कुन, ओनगा लोहतस्के योहानुना गवाइ इल्‍हा मत्‍ता.

योहान 10:19

इव पोल्‍लेनहेंदाल मरुंदि मल्का यहुदिल्क वरोनद वरोंक अर्राका वेरे-वेरे आतुर.

योहान 3:4

अस्‍के निकोदेमस, “गानि वरोर मातरल आता मनकल मर्रा बल्हा पुट्‍टा परंतोर? ओर ओना यावाना पीटे होळियसि मर्रा पुट्‍टा परांतोरा?” इंचि येसुन पूसकीतोर.

योहान 3:9

गानि “इद बल्हा आया परंता?” इंचि निकोदेमस येसुन पूसकीतोर.

योहान 4:11

अस्‍के आ मुरतळ, “कुहि अय्ते वेल्‍लेन लोतु मंता महाराज. निहगा एर तोरालय बाल्टिगुडा हिल्‍ले. इसोंटस्के ई पिस्वर हियना एर नीकु बल्हा दोर्कार?

योहान 6:41

“स्वर्गमताल रेय्ता तिंडि ननाने आंदुन,” इंचि येसु इत्‍तस्के यहुदि पेद्‍दाल्क ओरद ओरे येसुना बारेमते, “अरे! ईर योसेप इनानोना मर्रि आयोरा! ईना तल्‍लुर-बाबो मनाकु एरपाट. अय्ते ईर, नना स्वर्गमताल वातोनांदुन, इंचि बल्हा इंचंतोर?” इंचेके गुल्‍गालय दल्‍गतुर.

योहान 6:60

इव पोल्‍लें केंजसि, येसुना सिस्युल्‍कुनाल वेल्‍ले मंदि सिस्युल्क, “इव पोल्‍लें तेळियालय वेल्‍लेन कस्‍टम मंता, इवुन बोर केंजंतुर?” इंचि इनालय दल्‍गतुर.

योहान 9:16

ओर वेहतद केंजसि इच्‍चुर परिसिल्क, “ओर मनकल नोमकेम रोजुन नोमा हिल्‍लोर, अदुनहाटीं ओर पेनदागटाल वायाहिल्‍लोर,” इंचि इत्‍तुर. इंकिच्‍चुर बारे, “गानि वरोर पापि मनकल इसंटा अद्‍बूतामाता चिन्‍ह बल्हा हुप्‍सा परंतोर?” इंचि इत्‍तुर. इल्‍हा ओरद-ओर्के अर्राका ओर रोंड गेंग्क आतुर.

प्रेरितुल्‍कुना कबाह्‍क 17:32

बस्के अय्ते लोकुल्‍क, हातोराव्टेटाल मर्रा जीवाते तेदतोर इत्‍ता पोल्‍ले पौलुसुना तोळ्‍दाल केंजतुरो, अस्‍के इच्‍चुर लोकुल्‍क ओन कव्‍तुर. गानि इंका इच्‍चुर मात्रम, “निमे वेहना पोल्‍ले मर्रा बस्‍केनना केंजंतोम,” इंचि इत्‍तुर.

1 कुरेंति 2:14

बोनगा अय्ते पेनदा आत्मा हिल्‍ले ओर पेनदा आत्माता पोल्‍लेन ओप्‍कुन्‍नोर. ओनकु अव मुर्क पोल्‍लें अनपिच्‍चंतां. बारित्‍ते अव पोल्‍लें पेनदा आत्मातेने तेळिया परांतां, अदुनहाटीं ओनकु तेळिया पर्रों.