योहान 6:51 - पवित्र पोल्‍ले

⁵¹ स्वर्गमताल वाता जीवाते मनना तिंडि ननाने आंद. बोर अय्ते ई तिंडितुन तिंतुरो, ओर बस्‍केळ्‍क जीवातेन मनांतोर. ई तिंडि ना मेंदुल आंद, नना इद मेंदुलतुन दुनियातोरा पिस्वरताहाटीं हींतन,” इंचि इत्‍तोर.

योहान 6:51 Iomraidhean Croise

मत्‍तयाल 20:28

बारित्‍ते मनकना रूपमते पुटतोन नना, सेवा कियागोटकुनालय वाया हिल्‍लेन गानि वेरेतोरा सेवा कियालय आनि वेल्‍लेटोर्कुन पापमताल पेचाहलय, ओराहाटीं नावा जीवा हियालय वातन,” इत्‍तोर.

लूकाल 22:19

पजा येसु उंदि हारितुन पीसि, पेनदुक दन्यवाद कीतोर. पजा आ हारितुन तुकडां कीसि ओना सिस्युल्कुंक पंचि हीसेक, “इद हारि इत्‍ते, मीवाहाटीं मोक्‍कु आयना नावा मेंदुलता चिन्‍ह आंदु. नाकुन मति कियनाहाटीं मिमेट इल्हेन कीसेक मंटु,” इंचि ओर्कु वेहतोर.

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

योहान 1:29

इंकुंदि रोजु योहान, येसु ओनाहेके वायनद हूळसि, “अद हुळाट, दुनियातुन पापमता सिक्‍साताल तप्‍सानाहाटीं मोक्‍कु आयाना पेनदा गोर्रे पोरिनसंटोर!

योहान 11:26

जीवाते मननेंके नापोर्रो विस्वासम इर्रनोर अंटोर्क बस्‍केने हामुर वायो. इद पोल्‍लेतुन निमे नम्मंतिना मार्ता?” इंचि दान पूसकीतोर.

योहान 3:13

मनकना रूपमते पुट्तोन नना स्वर्गमताल वातन. इंका नाकु तप्‍पा स्वर्गमते वेरे बोरे होना हिल्‍लुर.

योहान 3:14

नाकुन बोर अय्ते विस्वासम कींतोर, ओन्क बस्‍केळ्‍क पिस्सना पिस्वर दोर्कगोम इत्‍ते, मूसाल बल्हा बय्‍लि बूमिते इत्‍तोळता तरासुन कोय्यापोर्रो वेलाड वाटसि मत्‍तोर, अल्‍हेने मनकना रूपमते पुटतोन नाकुनगुडा वेलाड वाटमळ जर्गागोम,” इंचि येसु इत्‍तोर.

योहान 3:16

पेन दुनियातोर्कुन इच्‍चोन पावरम कीता गदा, दाना वरोरे मर्रिनगुडा ई दुनियातोराहाटीं हीता. ओन नम्मना हरेक मनकल नासडेम आयामन्‍नि गानि ओन्क बस्‍केळ्‍क पिस्सना पिस्वर दोर्कना इंचि अद अल्हा कीता.

योहान 3:36

पेनदा मर्रिन बोर अय्ते नम्मंतुरो, ओर्क बस्‍केळ्‍क पिस्सना पिस्वर दोर्कंता. गानि बोर अय्ते मर्रिना पोल्‍ले केंजुरो, ओर्क बस्‍केळ्‍क पिस्सना पिस्वर अय्ते दोर्केन दोर्को, गानि ओनपोर्रो पेन होंग पीसि मनंता.

योहान 5:24

नना निजम-निजम वेहासेक, बोर अय्ते नना वेहना पोल्‍लेन केंजसि नाकुन लोहतोना पोर्रो विस्वासम इर्रंतोर, ओन्क बस्‍केळ्‍क पिस्सना पिस्वर दोर्कंता. पेन ओन्क सिक्‍साता आदेस हिय्यो, ओर हामुरताल पेय्सि पिस्वरतुन संपादिंच्‍कुंतोर.

योहान 6:33

बारित्‍ते पेनबाबाल स्वर्गमताल लोहतदे, इद दुनियातोर्क पिस्वरतुन हींता. पेनबाबाल लोहचीता निजमाता तिंडि अदे आंद,” इंचि वेहतोर.

योहान 6:35

अस्‍के येसु ओर्क इल्‍हा वेहालय दल्‍गतोर, “पिस्वर हियना तिंडि ननाने आंदुन. नहगा बोर अय्ते वांतुर, ओर्क बस्‍केने करवेस्सो. बोर अय्ते नापोर्रो विस्वासम इर्रंतुर, ओर्क बस्‍केने दूपा आयो.

योहान 6:41

“स्वर्गमताल रेय्ता तिंडि ननाने आंदुन,” इंचि येसु इत्‍तस्के यहुदि पेद्‍दाल्क ओरद ओरे येसुना बारेमते, “अरे! ईर योसेप इनानोना मर्रि आयोरा! ईना तल्‍लुर-बाबो मनाकु एरपाट. अय्ते ईर, नना स्वर्गमताल वातोनांदुन, इंचि बल्हा इंचंतोर?” इंचेके गुल्‍गालय दल्‍गतुर.

योहान 6:47

नना निजम-निजम वेहासेक, नापोर्रो विस्वासम कीतोन्कु बस्‍केळ्‍क पिस्सना पिस्वर दोर्कते इनकुंटु.

योहान 6:48

पिस्वर हियना तिंडि ननाने आंद.

योहान 6:50

गानि स्वर्गमताल हिळु वाता तिंडितुन तित्‍तोर, बस्‍केने हायोर.

योहान 7:38

दर्मसास्‍त्रमते रासि मत्‍ताप, नापोर्रो विस्वासम कीतोना लोप्पोटाल पिस्वर हियना एता बेरेह्क पोंगनूं,” इंचि लगांचि वेहतोर.

2 कुरेंति 5:19

अद बल्हा इत्‍ते, लोकुल्‍कुना पापाल्क लेक्‍का पिय्याकेन, ओर्कुन किरिस्‍तुना हामुरताहेंदाल दानतोनि कल्‍पता. इल्‍हा कल्‍पना पोल्‍लेतुन लोकुल्‍कुनगा ओयालय माकुन निल्‍हाता.

2 कुरेंति 5:21

मनम किरिस्‍तुनाहेंदाल पेनदा लोप्पो नीतिमंतुल्क आयागोम इंचि मना बदलाते मना पापाल्कुनाहाटीं पापम कियवा किरिस्‍तु मोक्‍कु आतोर.

इपीसि 5:2

किरिस्‍तु मनाकुन पावरम कीसि मनाहाटीं पेनदा मुन्‍ने मोक्‍कु आसि, पेनदुक नच्‍चना गुगलेमलेसीं ओनद ओर बलि आतोर. अदे पावरमते मिमेटगुडा ताकट.

इपीसि 5:25

अय्ते ए मरमिं आता मांडसुरिटा! किरिस्‍तु बल्हा कलिसियातुन पावरम कीसि, दानाहाटीं ओना सतता जीवातुन हीतोर, अल्हेन मिमेटगुडा मीवा मुत्‍तोह्‍कुन पावरम कीम्‍टु.

तीतु 2:14

इंका किरिस्‍तु मनाकुन अन्‍नि तीरकुना तप्‍पुड कबाह्कुनाल तपिच्‍चि, बस्‍केळ्‍क बेसता कबाह्के कियगोम इंचि मनसु इर्राना ओना सतता लोकुल्‍क मनम आयगोम इंचि, मनाकुन पवित्र कियनाहाटीं ओना सतता जीवातुन हीतोर.

इब्रि 10:20

येसु ओना मेंदुलताहेंदाल परदातुन पक्‍काक कीताहाटीं, मनम पेनदागा विस्वासमते होना पर्रंतोम.

1 पत्रु 2:4

मिमेट जीवाते मंदना बंडातसोंटा किरिस्‍तुनगा वट, मनकालोर्क ओन हय्‍सा हिल्‍लुर गानि ओर पेनदा लोप्पो पेरकुत्‍तोर आनि विलुवातोर आंदुर.

1 योहान 2:2

मना पापाल्क मापि आयाना इंचि ओर मनाहाटीं मोक्‍कु आतोर. ओर सिराप मना पापाल्क मापि आयानाहाटींगे आयो, पूरा दुनियातोरा पापाल्क मापि आयानाहाटीं मोक्‍कु आतोर.

1 योहान 4:10

मनम पेनदुन पावरम कीतोम इंचि आयो, गानि पेने मनाकुन पावरम कीता. अदुनहाटींगे, पेन दाना मर्रिन मना पापाल्क मापि आयाना इंचि मोक्‍कु आयालय लोहता. इदे निजम पावरम आंद.

1 योहान 4:14

दीन मनम हूळतोम आनि मनम दीना साक्‍सि मंतोम, मना पेन बाबल दुनियाता पापाल्क पायिचालय ओना मर्रिन लोहतोर.