योहान 5:44 - पवित्र पोल्‍ले

⁴⁴ मीवद मिमेटे कदर कीकुनमळ इत्‍ते मीकु वेल्‍लेन इस्‍टम. गानि पेनदाहेंदाल दोर्कना कदरतुन मात्रम बोरे पहका हूळिर. असोंटस्के मिमेट नापोर्रो बल्हा विस्वासम किया परांतिर?

योहान 5:44 Iomraidhean Croise

मत्‍तयाल 23:5

ओर ओरा कबाह्‍क लोकुल्‍क हूळना इंचि कींतुर. पेनदा पोल्‍लेन रासि, तायित्‍कुने निहचि पेद्‍दा-पेद्‍दा दुम्में ओरा दंडा कयकुंक, कप्पर्क दोहकुंतुर. ओरा कपडिना कोंगुल्कु जिल्‍लर-जल्‍लर होळसींतुर. लोकुल्‍क ओर्कुन “सादु” इनागोम इंचि इल्‍हा कींतुर.

लूकाल 19:17

अस्‍के राजाल, ‘निमे बेस कबळ कीतिन, निमे बेसता दासुन आंदिन, निमे सिन्‍ना कबळतगागुडा विस्वासमलायक मत्‍तिन, अदुनहाटीं पदि नाह्कुन ताकसालय नीकु अदिकारम हींतन,’ इंचि इत्‍तोर.

योहान 12:43

बारित्‍ते, ओराहाटीं पेनदाहेंदाल दोर्कना कदरकन्‍ना, लोकुल्‍कुनहेंदाल दोर्कना कदरे ओर्क एक्‍को पावरम.

योहान 3:20

तप्‍पुड हरदे ताकाना बोरे मनकल आयि, ओर वेलगुन मेच्‍कुन्‍नोर. ओना तप्‍पुड कबाह्‍क बय्यर दिस अर्रंतां इंचि ओर वेलगुने वायोर.

योहान 5:41

नना मनकालोराहेंदाल कदर कोरोन.

योहान 8:43

नना वेहानदुन मिमेट असल केंजिर, अदुनहाटींगे नावा पोल्‍लें मीकु अर्तम आयों.

रोम सहरतोरहाटीं पौलुसना सिट्‍टि 2:10

गानि अवे रोजकुने बेसता कबाह्‍क कीसेक ताकानोर्कुंक पेद्‍दातनम, कदर, सांति दोर्कार. अव्टे मोदाला यहुदिल्कुंक पजा युनानिर्कुंक.

रोम सहरतोरहाटीं पौलुसना सिट्‍टि 2:29

बोर अय्ते पेनदा इच्‍चा मत्‍ताप ताकंतुर ओरे निजम यहुदिल्क आंदुर. मूसाना नियम परकारम पलाताल आतदे कतना आयो, गानि पेनदा आत्माहेंदाल मनसु मारियता मनकालोरे निजम कतना आता यहुदिल्क आंदुर. इसंटा मनकालोर लोकुल्‍कुना कदरतुन आयो गानि पेनदा कदरतुन पहकंतुर.

रोम सहरतोरहाटीं पौलुसना सिट्‍टि 2:7

बोर अय्ते बस्‍केळ्‍क बेसता कबाह्‍क कीसेके, पेनदाहेंदाल कदर, दोसेम हिल्वा पिस्वरतुन दोर्किच्‍कुनालय हूळांतुरो पेन ओर्क बस्‍केळ्‍क पिस्सना पिस्वर हींता.

1 कुरेंति 4:5

अदुनहाटीं न्‍यायम कियाना वेला वायाका मुन्‍ने बोने न्‍यायम कियमट, सामि वायानाल एदुर हुळाट. ओर हीकटते मक्‍किस मत्‍ता पोल्‍लेन वेल्‍गुने तरंतोर, मनसुने मत्‍तवुन पलाते अरहंतोर. अस्‍के पेन अंटोर्कुन मिमेट बेस कीतिट इंचि मेच्‍चुकुंता.

2 कुरेंति 10:18

बोर अय्ते ओनद-ओरे मेच्‍कुंतोर ओर कबळतोर आयोर, गानि सामि बोनय्ते मेच्‍कुंतोर ओर कबळतोर आंदुर.

पिलिपिया 2:3

सतता पाय्दाताहाटीं आयि, पेद्‍दातनम हुप्‍सालय आयि बदे कबळ कियमट. गानि वेरेतोरा कदर कीसेके मनम कुद्‍दु ओरा मुन्‍ने सिन्‍नोड आसि मनना.

1 तेसलोनि 2:6

इच्‍चोरे आयाका, मोमोट अय्ते किरिस्‍तुना प्रेरितुल्कुम इंचि मीपोर्रो मावा अदिकारम हूपिस्तोमे, गानि मिमेट आयि, वेरेटोर आयि, इंका बोनाहेंदाले आयि पेद्‍दातनम दोर्किच्‍कुनालय मोमोट हूळा हिल्‍लोम.

1 तिमोति 1:17

बस्‍केळ्‍क मनना राजाल, बस्‍केने नासडेम आयवोर, बस्‍केने दिस्सोर असोंटा मावा उंदे पेनदुक पीळि-पीळिनदाका कदर, पेदातनम दोर्कि. आमीन.

इब्रि 3:12

विस्वासुल्‍कुनिटा, जेगर्ता! जीवाते मंदना पेनदापोर्रोटा विस्वासमताल लक्‍कु कियागोट्‍टनसोंटा कराब, विस्वासम हिलुवा मनसु, मीलोप्‍पो बोरागेन मनानायो.

याकोब 2:1

नावा विस्वासुल्‍कुनिटा! मीवा विस्वासम मना महिमाता सामि येसु किरिस्‍तुनपोर्रो मंता, अदुनहाटीं मीलोप्‍पो बेदबाव मनामन्‍नि.

1 पत्रु 1:7

नासडेम आयाना बंगारमतुन तळमिते करगागोटसि परिक्‍सा कींतुर. गानि आ बंगारमकन्‍ना बच्‍चोरो विलुवाता मीवा विस्वासमतुनगुडा परिक्‍सा एतमळ जर्गंता. येसु किरिस्‍तु मर्रा वातस्के, मीकुन मेच्‍कुंचि पेद्‍दातनम आनि कदर दोर्काना कारनम आयगोम.

यहुदा 1:25

अद उंदे पेनदुक, मनाकु मुक्‍ति हियानोर सामि येसु किरिस्‍तुनाहेंदाल, महिमा, पेद्‍दातनम, ताकत, अदिकारम मुन्‍नेटा कालमते मत्‍ताप इद कालमते आनि युगा-युगाल्‍कुनदाका मन्‍निकांटी, आमीन.