योहान 5:43 - पवित्र पोल्‍ले

⁴³ नना नावा बाबाना पोरोल्ते वातन, गानि मिमेट नाकुन स्विकार किया हिल्‍लिर. गानि बोरन्‍ना वेरेतोर, ओना पोरोल्ते ओरे वायानय्ते मिमेट ओन स्विकार कींतिर.

योहान 5:43 Iomraidhean Croise

मत्‍तयाल 24:24

बारित्‍ते अव रोजकुने आबद्‍दम किरिस्‍तुल्‍क, पेनदा आबद्‍दम कबुरतोर वायानुर. आनि कुदुरते पेन पेर्कुत्‍ता लोकुल्‍कुन पसांचलय पेद्‍दा-पेद्‍दा चिन्‍हां, इचंत्रमता कबाह्‍क कीसि हुप्‍सानुर.

मत्‍तयाल 24:5

नावा पोरोल एतसेके बचुटूरो लोकुल्‍क वांतुर. वासि, ‘ननाने किरिस्‍तुन आंदुन’ इंचि वेल्‍लेटोर्कुन पसांचंनुर.

योहान 10:25

अस्‍के येसु ओर्क इल्‍हा जवाब हीतोर, “नना मीकु मुन्‍नेन वेहतन, गानि मिमेट नम्मा हिल्‍लिर. नावा बाबाना पोरोल्ते नना कियना कबाह्के नावा बारेमते गवाइ वेहचंतां.

योहान 12:28

बाबा! नीवा पोरोल्क निमेन कदर हीम,” इंचि येसु इत्‍तोर. अल्हा इत्‍तस्के स्वर्गमताल उंदि अल्किर, “नना नावा महिमाता कदरतुन दीनकन्‍ना मुन्‍ने हीतन, मर्रा इंका हींतन,” इंचि केंजावाता.

योहान 3:16

पेन दुनियातोर्कुन इच्‍चोन पावरम कीता गदा, दाना वरोरे मर्रिनगुडा ई दुनियातोराहाटीं हीता. ओन नम्मना हरेक मनकल नासडेम आयामन्‍नि गानि ओन्क बस्‍केळ्‍क पिस्सना पिस्वर दोर्कना इंचि अद अल्हा कीता.

योहान 5:42

बारित्‍ते मिमेट बसंटोर आंदिरो नाकु एरपाटे. मीलोप्‍पो पेनदाहाटीं पावरम हिल्‍ले.

योहान 6:38

बारित्‍ते नना नावा इच्‍चां पूरा कियालय स्वर्गमताल हिळु रेय्‍सि वाया हिल्‍लेन. नाकुन लोहतोना इच्‍चातुन पूरा कियालय नना वातन.

प्रेरितुल्‍कुना कबाह्‍क 21:38

अय्ते मरि कोन्‍नि रोजकु मुन्‍ने रोम सरकारुंक विरोद कीसि, नालुं वेय्‍कुना आतंकवादिर्कुन बय्‍लि जेगाते केय्‍सि ओता इजिप्‍त देसेमता मनकन निमेन गदा?” इंचि पौलुसुन पूसकीतोर.